السابعه عشر (انتي ودلالك)
السابعه عشر
همس بعد صدمته شيماء
شيماء تتراجع : اي راسي يا خالي
فرج : معلش ساهل
كان يلم الاكياس ويراقبها
نظرت إليه وعادت لخالها
شيماء : وشاحي خرب صح
تنهد ببيأس يهز راسه كانت نسخه مصغرة من دلال ..
فرج بتهكم : هو اصلا هذا وشاح كنه موخر
شيماء همست : نحسابك مشلش يا خالي
فرج : هيا باهي
.........:معلش حاج
فرج : ولا يهمك هي اللي سرحانه ف محل شوكلاته
انحرجت وخبطت خالها وهو يضحك ..
تنهد يراقب ملامح الخجل ..
تقدمت مع خالها واتصل بوالده يستعجله في الخطبه ..
خميس..
*************
حواء
عند ..حواء..
هارون : كنها فرشتكم غلت عليك توا ؟
حواء لم تنتبه : كيف؟
هارون:شن فيها من بدري عيونك تحت
حواء : هه لا شيء
هارون : باهي حني عليا ي جافيه
حواء : وتغني ايضا؟
هارون : ايضا..اقترب يجلس قربها بينهم مسافة معقولة
والباب مفتوح
وخوها يخش ويطلع ..
هارون مد نقاله : رقم سمو اميرتي الصغيرة
حواء : مش صغيرة
هارون : هههههه ماتزعلش يا سمح
كتبت رقمها وكانت تمد النقال
هارون : مسموح نعض واحد منهن نذوقه بس
حواء حبت اصابعها و وجهها تلون
حواء : عيب يا هارون
هارون : نجيه ياربي حبيب هارون
حواء : تي اسكت
هارون : نقدرش..
شرب القهوة وكان ياكل الحلو
هارون : الله خيال
حواء تذكرت كيف تعبت هي ودلال
وهن يديرن فيه
حواء : صح؟
هارون : ايوه عند لسان متذوق وحتى عيوني يعرفن فالذوق
ابتسمت تراقب عيونه العسليات ولحيته الخفيفه
واناقته ..قميص اسود وبنطلون قماش رمادي..
ويعكف القميص تبان سواعده
هارون ابتسم : عيب يا بنت نتحشم
حواء انتبهت وعضت فمها
هارون : لاااااا ربحك والله ماسك روحي بالغصب
حواء وقفت : هيا نمشي
دخل شقيقها بالشاهي والموالح عادت تجلس..
هاروم همس : خلاص يا سمح توا نزمط لساني..
&&&&&
دلال : شوي يا بابا
فرج : لا هيا برا انا
كانت تنتظر حواء اللي حصلت جوا
همست اف نبي اخبار طازه ..
**********
بعد ثلاثة اشهر ..
مها : ياماما متأخرة لها عشر ايام
...نطلع حامل نوريكم كلكم
...عندي مشروع
...وكنك ما قلتيها ليا شن يخطرها ف بالي
نهله تضحك : عليك حاله عدي نزليه
مها انفجعت : حراااام يا ماما
نهله : امالا تنطمري تسكتي امس البطله الهنديه دارت حفله عشان تقول الخبر ل راجلها
مها ضحكت بسخرية
نهله : بس انا عارفتك كيف رح تقوليها للتواتي
مها : كيف
نهله تقلد صوت مها : كله منك وراي مشروع
مها : فعلا هكي نبي نقول
نهله : عليه العوض ومنه العوض ربي عوضني بدلال اللي توا تهني راجلها
مها بزعل : بارك الله فيك يا ماما نجيب فيها م الاوائل ونبي نقعد معيدة ومافيش عوض
نهله : افففف مهم ما تكشري في وجه راجلك
مها : حاضر..
خلي نتأكد قبل ..
بعد التحليل رجع التواتي معاه ورقة
..
كانت ف الصالة بيجامه شورت وكت
بعد ما صحت في يوم لقت كل بيجامتها المؤدبة مسروقة من قبل راجلها ..
