دلال ماسكه ضحكتها : تسألي فيا انا ؟ بس شكله تمام حسب خبرتي المعدومة
نعدي نجيب الست نهى دهشتني
مرت من امام علي وصالح ومجدي الحانق كثيرا
مجدي : من هذه ..سأل باستعباط
(واضح من الكاميرا في يدها والاخرى تعلقها على كتفها انها مصوره)
امينه : هذه مصوره
همس علي ل صالح ومجدي يراقب
مجدي بغضب : شن في ؟حتى المصوره مش رح تسلم منك
علي : بشوي عليا ما قلت شي
جت ماسكه نهى في يدها
نهى تضحك: وسعي بالك
دلال : لا خلاص سادك م الدلع الساعه ١٠ وبابا شوي ويطلع جاي هنا يلا بلا دلع
نهى : ههههههه حاضر باهي نبرم على وجهي
دلال : سمحه والله تجنني
نهى : هههههه هيا
نبي صوره جماعيه و وحده انا كل واحد م الشباب
نبدو بالدكتور طبعا
دلال ردت بسخرية وهمست : ايوه ايوه كل شيء الا جماعة الطب
كان يداعب سبحته وجالس مالي مكانه
كانت تفكر هي وعقلها...شكله بالعربي خاطف للابصار
عنده كم سبحه ..اللي في المستشفى لونها اخضر
قيسهن منظر..اكيد منظر عيونه مش تمام
عانق كتف اخته
دلال بلؤم.: .ابتسم معلش
مجدي انتبه انه كان يفنص
بينما اطلق علي ضحكه مدويه
مجدي : شوفي شغلك يا ابله
دلال بهدوء : براحتك
نهى : صح مجدي ابتسم كنك مكشر
علي اكثر واحد صور
علي : نبي صوره بروحي
مجدي : صورها بنقالك
صوراته دلال وهي تنفذ طلبات نهى الدلوعه
خرجت امها وهي تشكر دلال
بعدها طلع علي وصالح وهو جالس كأنه مرغوب بوجوده
نهى تعدل محرمه دلال في حركه تلقائية لما تحكي مع حد قريب منها تحرك شي من ملابسه
نهى : بكره تجي ساعه كم
نبو كم صوره لحوسة الغدا
دلال تلم الكاميرا : لا وين نقدر عندي دوام
نهى : ممممم بخت
كان سيقول خوذي اجازه بس تراجع
وتجي هنا وهو فالمستشفى لااااا مستحيل
دلال : بابا جا ..باي يا عروس
خرجت امينه : ارجي شيلي حلو ل هلك
دلال : لااا
امينه : والله ما صارت من بدري مجهزته لك
وقف مجدي..: هاتي توا نطلعه
لحقت به
دلال : شكرا يا دكتور عنك
مجدي يفنص : لا نبي نطلع نسلم على باتك
شعر بها رافضه للامر
رفع حاجبه باستنكار
وهمس لنفسه اشمعنى دكتور صادق عنده رقم بابا
خرج من السياره وصافح فرج
دلال : دكتور مجدي مدير المستشفى واخ العروس
فرج : الف مبروك وان شاء الله يعمر المستشفى على يديك
مجدي : ءامين
فرج : ان شاء الله نشيطه بس لولا..قصدي دلال
رد بتحدي : يعني!!
دخلت السياره غير ابهه به او برأيه
ابتسم فرج بسخرية واخذ الحلو
فرج : تصبح على خير
همس وهو يشغل السياره : كنه راقيله منك ؟؟
دلال : منهو اللي مش راقيله مني واقتربت تقبل خده
انت بس تحبني يا بابي
فرج : ههههههههههه
لم يسمع ولكنه رأى واشتعل
ومرت سيارة اخرى .. تكمل عليه بصوت ام كلثوم تعانده
نسيت النووووم واحلامه ؛
.
وفعلا نسى النوم من هرجة البنات اللي بايتات معاهم ..
خذا مخذته ونقاله وتوجه لبيت صالح لقى الباب مفتوح وصوت كناسه كهربائية وبخور
تجهيزات ..دخل المربوعه لقى فراش وبطانيه اتكي وحاول النوم ونسيان فم مغري يمضغ في مستكه
