الثامنه عشر(انتي ودلالك)
ابتسمت بهدوء
دلال : حاليا راجل صاحبتي وجارتي متربين مع بعضنا
مجدي يستفهم : حاليا؟
دلال : ايوه كان في مشاكل باتها طول ما وافق
عشان يغني
مجدي : ايوه
دلال : وكنت وسيط لا اكثر
مجدي : صار تحلي في مشاكل اشتغلي في برنامج عندي ما نقولك
دلال : ههه..بس عليش تسأل
مجدي رد بدون تردد وعفويا وبدون وعي : نغار...
وقبل ان تستوعب دخلت مرا تسأل عن الطفل
وطلعت جدته ..
دلال : شن تبو تسموه
المرأة : مجدي
خرج مجدي يضحك وهي انحرجت
دلال : ربي يحفظ ويصون ..
؛؛*********
دلال : حواء يا حواء قال نغار
حواء تثاوب : شن رايك تاخذي عقاب اليوم اجازة ونمشو السانيه
دلال : والله فكره
حواء : كلمي مهجة ودلال خليهن يجيبن اكل
عشان نعرفو قصة الغيره هذه
دلال : هههههههه...
دوم يارب
لفت لقت عمر
دلال بغضب : عمر شكلي نشكي فيك سيدي
عمر : اشكي يا قلبي اشكي
دلال : معش تقول يا قلبي وحل عني
عمر يبتسم : واذا ما حليت
دلال : مش بكيفك
عمر : ليش العصبية يا ...قلبي
دلال : اففف
وعادت مسرعة للمستشفى
دلال على نقالها : يا يوسف شوف لي حل كل شوي زاقب فالمستشفى
يوسف : حاضر توا نفش قمم سيارته
دلال : كنك هازي
يوسف : هههه وحلنا فيه انا وجدك وباته
دلال بيأس : قصة حزينه
***********
عودة ليوم الفاتحه ..
وليد : تفضل خالد
دخل خالد لمربوعة اخرى اصغر من اللي برا
صالون ارضي وشاشه كأنها دار معيشة
جلس يتنفس براحه وسعادة
مهجة : بالك بنطون وتي شيرت خير
دلال : تحلمي متعبه روحي وقلت لمها تجيبه
مها بلؤم : مش هذا خالد يا بختي توا تبي تلبسي وشاح وسروال هابا منكن وخلاص
دلال : هههههههه كنها
مهجة : مندري ..باه شكلي تمام
حواء : عطلتي الراجل عنشكلك هيا هارون قال ما اطولي
دلال : واك عشتووو
..
دخلت مرتبكه ..وخالد وقف يراقب بشغف الباربي البرونزيه اللي اول مره يشوف قوامها
كانت ملابسها محتشمه واسعه
لابسه فستان رمادي وشعرها اسود منسدل على كتفيها اللي حاولت تغطيهن لان الفستان كت عريض..
حوريه هكذا وصفها ..
اقترب وقبل جبهتها واحتل عطره انفاسها
لها ثلاث شهور ما شافت وجهه ..
تراقبه بشوق
خالد : مبروك حبيبي
مهجة : الله يبارك فيك ..
جلس واجلسها قربه
مهجة : مش حلم صح؟
خالد : لا ههههه واقع
ربي يخلي ثريا يا رب خاطر عليا دخلتها اول وحده ف الحرب
مهجة : قالت دلال كيدهن عظيم
قبل يدها وهي تحاول تسحبها
خالد : احسن لك يا بنت تأدبي
مهجة : تي من اللي يتأدب
حط ظاهر كفه على خدها يداعبه ..
خالد : كنت عارفه ناعم ..
انت اركحي سنه تامه خاطري نلمسك مش سنه سنه واربع شهور
مهجة : هههه..نحبك
خالد : الله طعمتها تغيرت تحت سقف بيتكم اللي كان دخوله شبه مستحيل
مهجة : باهي عليش لاصق مانبيش نطير منك
خالد : يا هو عقد قران راهو مش خطبه يعني شرعا وقانونا الملاصقه حلاااال
ضحكت ويديها بين يديه
كان يراقب ضحكتها وكيف رفعت عنقها تضحك
نظرت اليه كان ملاصق لوجهها
خالد : انت اللي جبتي لروحك الشيطانه
خبط الباب ودخلت فرح ..
خالد : نجك نجك لي ..رفعها يقبلها حي حتى هي اتحشم
فرح : ماما قالت لك تعالي شيلي العصير
وعادت تراقب خالد يفضول عريس وكوشه واختها وخيال طفولي مزدحم بالاحاديث ..
مهجة تعود : سلمت عليك دلال
خالد : سلمها يا رب شن صار في دكتورها
مهجة : محلك سر
خالد : هههههههه تريحت منه ثقيل
وين كنا ؟
ايوه تعالي وشن المخده اللي ف النص هذه
مهجة : تحشم يا خالد عيب
خالد : عيب؟؟باهي نلصق في من كان مش فيك
..ابعد الوسادة وجذبها نحوه ولف يده على خصرها
خالد : هكي نشرب العصير ونفسي مفتوحه
كان يراقب لون بشرتها تغير للاحمر
وهي تعض شفتيها ..
مهجة : بطل خالد خزي عليك
خالد : خزي هذه زي نحبك يعني
مهجة : لا يعني عيب وحول يدك
خالد : مستحيل قال هذا وهو يطبع قبله دافئة على كتفها ..
شن قالت لك امي ..
مهجة : تبكي وتغني وتضبط
خالد : يا عونها اسم الله عليا نا
مهجة مدت يدها : هذا انسيال هدية نوال
خالد : ماشاء الله وانتي شن تبي تهدي خالد
مهجة : هههه شن تبي تدلل
اشار لخده
مهجة : سخيف خزي عليك
خالد يدفن وجهه في عنقها ..:نحبك
**********
