1..
دلال ..
خلت الهرجه وراها وهي تتمشى كالعاده بدلع فطري ..حطت سماعات ..وفتحت نت وجلست على ادراج الباب المغلق
كانت تحدث نفسها بهمس..
ان شاء الله ما يتعركش البالطو الاهبل وكنه قعد ضيق قيسه قماش يخش
او انتي سمنتي يا لولا
لا هو قماش اهبل
..نفخت المستكه دارت بالون وطربقتها وردت تطربق
انتبهت لحذاء اسود لامع..رجالي ..وبنطلون اسود قماش رفعت راسها رجل يحدق بها
لا الاصح يفنص
حاط يديه في جيوبه
حولت سماعتها ..
دلال : انعم
لم يرد
دلال تشير بيدها : غادي باب المستشفى تشوف فيه مسكر من هنا
:وانتي كنك مسيبه شغلك؟
وقفت وصرخت بوجهه :شنووو؟؟
رد ببرود : او مش ممرضة ؟
دلال : وانت مالك بيا ممرضة او طياره؟
نظر اليها بازدراء
:مالي كيف مش على اساس ملايكه رحمه
دلال : تي كنه هو يتطاول عندك حاجه مستشفى قدامك
:طبعا عندي لمديرك طول
دلال ضحكت بسخرية : طار مديرنا وعموما اشكي حتى في وزير الصحه ريت هالرواتب السماح
تركته وتقدمت نحو عيادة الاسنان
بعد نصف ساعه
دلال : الووو دكتور
محمد: تعالي مدير جديد داير اجتماع
دلال : هيا جايه
همست ..تي امتى لحقو يحطو واحد
دخلت مع مجموعة ممرضات كانت تبحت عن كرسي في القاعه الكبيرة الخاصة بالندوات
قبل ان تجلس
محمد : الدكتور مجدي احمد مدير المستشفى
رفعت عيونها وجت في عينه
حي عليا هربت وهو يتعودها تلك التافهه متاع المستكه
..
في الليل
كانت تدلك ظهر اختها
دلال : نبي نعرف كيف مافش غسالة مواعين في صالة طويلة وعريضة
مها : باهي يا شاطره الغسالة تبي تشيل ٥٠٠ صحن ؟
كنك غبيه انتي كل الممرضات هكي؟؟
مرسي وانتي ساكته
عادت تحل ال home work وتاكل في تسالي
دلال تمرس لها ظهرها
مها : تعرفي العريس يجنن قطعة سماحه وهي لا لون ولا عون بصيرة مدرهبه
دلال : من يوم اشتغلتي في الصالة وعمري ما سمعت قلتي في عروس سمحه
مها : ههههههه حسد
دلال : شكله هك ..
مها : صحيتي لولا خلاص
وقفت تنظف اسنانها وعادت تحل المسائل حتى نامت فوق كتبها
فرج...
صلى الفجر ودخل
كالعاده مها كتبها تحتها حولهن وصلح راسها وغطاها
وحول سماعات دلال لقاها موسيقى هاديه طفا نقالها وحطه ع الطاولة
في دار الاولاد وليد واعي يهدرز اول ما شاف باته عزق نقاله تحت السرير
وليد : احممم صباح الخير وهرب للحمام
تنهد بيأس من وليد وبداية مرحلة خطيرة في عمره
نظر ل مهند صاحب الجسد الممتليء
رغم محاولات دلال الحثيثه لمساعدته
على انقاص وزنه ..
دخل وليد بصلايته
فرج بهدوء : نقالك را تنساه تحت السرير
حاول رسم ابتسامه غبيه واخذ يكبر بدء لالصلاة ..
في غرفته
لقى نهله زوجته..حاطه قهوة في دارها ومنسجمة
فرج : مسلسل تركي اخرى؟
نهله : امس ما حظرته وهذه الاعادة ..تعال قهوتك
لبس بيجامته وجلس يشاهد
نهله : سمح العطر ..تسلم لي وقبلت خده
فرج يتابع معها : مش خساره فيك ..
