السادسة عشر (انتي ودلالك)
_ لف يراقب الرجل اللي يلاحق فيها
غادي يا بوكا خالتي هذه
سامحني يا مدير وهرول مسرعا لسيارته
حواء لا زالت ترتعش
قال الرجل : نخش نكلم اختي تقدم معاك ونوصلكن
سمعت حد ينادي عليه جوا.. اسمه هارون
وين سامعته؟
شهقت ..ايوه اللي كان محبوس
بس تغير واجد لحية خفيفه وكانه وزنه زاد
زعمه شن تهمته
فكرت وهي تجاوب على اسئلة شقيقته اللي ماشية قربها
لفت تراقبه ثم تقدمت الى ان وصلت بيت دلال
دلال تجهز صفرة القهوة وحواء تشرب في ميه فالمطبخ..
دلال : بس نسيت شكله انا
حواء بشرود : انا تذكرته لاني حضرت عمليته
&&&&&&&&&&&&&
حفله ل خالد في مزرعة احد العرسان
تقدم فارس
مجدي : توا هذا مكان تجيبنا له
فارس : امتى نباركو للراجل باهي
شاف وليد من بعيد
عدا جلس قربه
وليد : مرحبا دكتور
مجدي : اهلين وليد ..جاي تسمع ف ولد خالتك
وليد : من ولد خالتي؟
مجدي : الفنان
وليد : لا ما يقرب لي
ابتسم بغموض..
فالمستشفى
كان جاي ويبي يدير عركه ..فالطريق
نزل ياخذ قهوة خبط ف خالد
مجدي : خير يا فنان
خالد : رد بلا نيه اهلا مدير
مجدي يهمس بحقد : لما انت مش ولد خالتها دلال ليش تكذب
خالد : شن دخلك
مجدي : حلو الكلام
خالد ارتاب منه ..اتصل بدلال رقمها مقفل
وبعدين معاه ..
كان يبي يحكي له انها وسيط بس لا مش خايف منه ويطربق وهو شن دخله وخرج دون قهوته..
في المستشفى
لقى هيصه امام احدى الغرف
سماح وقربها شاب ودلال منهاره
الصادق : شن رايك انك كذاب وجايب رقمها من شيء حد
محمد: ما نابشت اللي عليهم القيمه تبيني نصدق تنابش حثالة زيك؟؟
سماح بخبث : شن قلتي للشاب يا دلال احكي ما تحشمي تحبي تحكيلي على انفراد؟ ؟
اللي قاله ليا كلام كبير بكل اكيد ندمتي عليه
دلال جائت لتهتف تقدمت حواء مسكتها من بالطوها
حواء : احترمي نفسك ومضمضي بالزهر هذه تصلي في طرفها يا حلوه
سماح بغضب : نزلي يديك
حواء : مش منزلتهن وارفعي شكوى ضدي
مجدي : شن في
انفجرت دلال بالبكاء قهر وظلم
دون وعي
دلال : مجدي شوف شن تقول هذه واشارت لسماح
حاول يتماسك نبرتها وهي تنطق اسمه برجاء هزاته
حاول الشاب يتراجع مسكه الصادق
الصادق : تعال يا حبيب ماما
سماح دفعت حواء بعيدا
سماح تكلم مجدي : الشاب قال دلال عزقت له رقمها ونابشاته
لف وعطاه بوني ف وجهه
مجدي بغضب اسود : دلال من اللي تعاكسك يا .........
حواء ودلال ومحمد والصادق شرعو عيونهم
من مصطلحاته ..
محمد : من دازك احكي
مجدي : قلت احكي او نخليك تحكي بطريقتي
وشده من دبشه ل مكتبه
سماح : مجدي ليش تودر روحك وقيمتك في موضوع ما يستاهل
اجابها يستنكر قولها : شن اللي ما يستاهل دلال؟؟؟
سماح سكتت ثم قالت بحقد : ايوه دلال
مجدي نظر بقرف : للاسف بنت مانقدر نضربك ..دلال تسواك
ومسك يد دلال والصادق شايل الراجل لمكتب المدير
ودلال منهاره
كل الممرضات حاضرات كل الدكاتره
الكل قاعد وتفرج وشاف وسمع
كانت تتمنى تنشق الارض وتختفي
رغم كل الامان في يده الضخمه الممسكه بيدها
ف المكتب
حواء ودلال ومجدي والصادق ومفتاح
مفتاح رفع اكمامه وضرب الشاب لعند طاح
وجلس على صدره
مفتاح : ها من دازك ومن عطاك رقمها
عاد يؤكد : هي
مفتاح عاود عطاه بوني
مفتاح : ها من دازك
رد بيأس : سماح دزتني وعطتني رقمها حول خنقتني
مفتاح : لا ما نحولش
مجدي : لمو الكل ف قاعة المستشفى
