الثامنه ..
ميرال بتشفي وحقد : مش قلت لكن عقابها غسالة مواعين
مفروض قرت لها حاجه على قدها مش كلية هندسة مره وحده
مها نظرت لمهجه اللي دموعها بدن يتجمعن في عيونها بينما هي لم تتاثر
مها ردت بهدوء وعفويه : شخبارك حنان ..شن الجو يسرى
يسرى : تمام شخبارك انتي
حنان: شخبار دلال وابله نهله
مها : كويسات
حنان ويسرى انصرفن : سلمي عليهن
بينما ظلت ميرال تنظر اليها بحقد وازدراء
ميرال : فقيرة لدرجه هذه انتي ؟
تجاهلتها تماما
اقتربت منها ودفعتها ردي عليا يا حقيرة
تماسكت مها وتقدمت منها ممسكه بذراعها لفاته ورا ظهرها لتصرخ ميرال بألم
مها بتهديد : مازال ما جت اللي ترفع يدها عليا
ما نقعد بنت امي كان سكتت لك
دخلت خديجه مشرفة الصالة : شن في ومن انتن وكيف تخشن للمطبخ
ميرال : التافهه هذه تعدت عليا بالضرب
خديجة : اطلعي برا لو سمحتي
سمعت خديجه كامل القصه من بنات المطبخ
ودخلت للصالة وسط الاغاني والهيصة
خديجة : معلش يا توحه
توحه : انعم خديجه
خديجة تشير ل ميرال : البنت هذك بنت من
توحه : اخت العريس
خديجة : يعني بنت مبروكه؟
توحه : ايوه ..ليش
خديجة بهدوء : لا بنت سألتني عليها
توحه : فكك منها متكبره وخشمها فالسما
ابتسمت بغضب وتوجهت تبحث عن مبروكه
لقتها برا في ممر الاستقبال هي و ولدها
خديجة : معلش مبروكه ناخذ من وقتك
مبروكه : تعالي خديجه مفش غريب ..
هذا التواتي ولدي البكري اللي مشببني ما يبي يتزوج
خديجة : ربي يخليه لك
مبروكه : احكي كنك في شي ناقص
خديجة : لااا ..بنتك جت تتعارك مع بنت عندي فالمطبخ
مبروكه : ميرال؟؟
خديجه : ايوه هي ..وطلعت زميلتها فالجامعه وجابت عقاب زميلاتها وقالت لهن اهي تشتغل غسالة مواعين
شهقت مبروكه من حركات بنتها الحمقاء
التواتي كان يراقب ومستغرب تصرفات اخته
وجيت لقيتها ماده يدها عليها ..
انا ليا عشرسنين مشرفه في الصالات اول مره يصير هكي
بناتي هذين بنات ناس وعائلات و والله باتها يبيها تسيب اليوم قبل بكره بس هي مصره تستقل و الثانيه تصرف على خواتها تساعد في باتها ..وشاطرات في قرايتهن يعني معقوله هن يشتغلن عشان يستقلن وتجي بنتك تبي تقل قيمتهن وتهينهن قدام زميلاتهن؟؟
بأي حق يا مبروكه
مبروكه : اهدي اهدي والله ما نمشيها لها
دخلت مهرولة للقاعه ..
التواتي : منهي البنت
خديجة بحذر : ليش
التواتي : عشان امي تعتذر لها
خديجة : اسمها مها.
وذهبت من امامه
ولقى روحه برا يتوجه للمطبخ ..
شاف خالة امه تعطي في الطناجر الكبار لو لدها
صفيه : عقبالك تواتي
التواتي : سلمك خالتي
تقدم م الشجر يدخن
كان المطبخ كبير به اكثر من باب
سمع صوت سهاري وضحك وصحون
كانت في بنت واقفه والاخرى جالسه على كرسي مش بينه
وهو في مكان مظلم ..
حطت يدها في نصها
مها : مش قلت لكن غسالة مواعين
وماتن ضحك هن الاثنين
نفس طريقة ميرال ..كأنها تقلد
..
مهجه : زعمه شن مشكلتها يا مها
مها : اعتقد نفسيه اولا هي غبيه ثانيه تافهه ثالثه وحيده وتشعر بالفراغ
فكر في نفسه ..فعلا اخته كانت هكي ..
حولت محرمتها مع انه شتاء بس سخنت
مهجة : قريب كسرتي لها يدها
مها : نخليها تضربني؟
كانت تخلل خصلات شعرها تهوي فيه
قصير ومدرج ..ولونه بني وبشرتها برونزيه
..السروال مطبق والتي شيرت نص
عادت تلف محرمتها
مها : بنة دخان
مهجة : ما شميت
مها : انا خاشه جوا
