والروُح على من يداريها ترتمي

البارت الأول

بيت الجد قائد الساعة الواحدة ظهراً .

داخل المجلس متوسطه قاعد بين أولاده وزوجاتهم وعيالهم وكيف ملي بأسواطهم ونغم ضحكات حفيداته اللي تشرح صدرة ولعب العيال اللي ماغير  يسمع صوت صرخاتهم وهوشاتهم وتنهد يلف نظره لمسرة الجالسة جمبه ينطق :ابطيتو على الغدآء ؟
ابتسمت مسرة تمسك عكازها توقف تنطق :الغداء جاهز ماغير ننتظر حبيب قلبك اللي يتاخر علينا بجيته
ابتسم قائد يناظر مؤسى اللي تنهد بقلة حيله ونطق :ها ابوي كلمتك اتركني اربية لك من جديد وعاندت برفضك
قائد :صُهيب محد له الحق فيه غيري لاتتشرط عليه بقيودك واتركة بحالة ادري به بيجي بالوقت الي يناسبة
ابتسم مؤسى يهز راسة ويسمع كلام ابوه ونطق علي :ابوي هالدلع الزايد كثير عليه لازم شوي تخفف منه
كشر قائد يرفض كلامة ونطق أيمن بمزح :جدي لازم تعدل بيننا ماهو كل الحب ماخذه صُهيب
البراءة :ياخوي عادك تدور العدل خليك مقتنع فيها جدي غير صُهيب محد مالي عينة
أنس بضحكة :الگنج عند جدي
ضحك أيمن يناظر جدة ونطق :جدي ترا مافي فرق بيننا كلنا بعمر واحد لييه كل هالحب
ناظره قائد لثواني وأبتسم للحظه الي دخل فيها صُهيب المجلس يلقي عليهم السلام ونطق :اللورد محد يساوية وكلكم بكفة وصُهيب بكفة
تنهد أيمن يضحك وتعدل بجلستة على الكنب يناظر صُهيب الصامت اللي تقدم نحو جدة يسلم عليه ويقبل راسة وقعد جمبه ونطق أيوب :انا ولدك ماحبيتني كثره
ضحكوا العيال ونطق راكان :تتخطى ياعمي
هيف :ابوك يالثقل اللي فيك تبسم شويه !
رفع نظره صُهيب لهم بصمت وهو ابداً ماهو من هالنوعية اللي يتكلم ويسولف كثير ودايم يحب العزلة والهدوء والليل ولايحتك بأحد غير جدة اللي مايفرض عليه شيء
طلال :ابوي صُهيب طمنا على أحوالك وعلومك من زمان ماشفناك
صُهيب بهدوء :الحمدلله بخير وأموري طيبة
طلال ببتسامة :الله يحفظك يابوك
قائد وهو يرفع كفة لفخذ صُهيب يهمس له :خليك مرتاح وانا ابوك لاتضغط على نفسك
هز راسة صُهيب يشد على كف جدة يطمنه واخذ نفس يناظر جدتة الي دخلت لهم ووقف بسرعة يمسكها من كانت بتطيح اثر لعبة مرمية على ألأرض ونطق بخوف :انتي بخير
مسرة ببتسامة :لاتخاف يأمي بخير
هز راسة صُهيب ولف بغضب يناظر بشرئ اللي تقدمت تاخذ لعبتها ونطق بغضب :لاتلعبين هنا !
فزت بُشرى من صوتة اللي أرعبها وبكت تركض للداخل ووقف الوليد ينطق :شفيك انت تصارخ على طفلة !
صُهيب بحدة :طفلة ترمي ألعابها بالأرض واللي يطيح طاح ؟
الوليد بنفس الحدة :هالطفلة ماتدري بشيء مالك داعي تصارخ عليها
صُهيب بغضب :انت شايف وش كان بيصير بجدتي اثر هالطفلة  !
اخذ نفس وليد بغضب وتقدم أيمن يوقفة من كان بيتقدم نحو صُهيب ونطق :اهدى وليد حصل خير
لف يناظره وليد بغضب ونطق الجد قائد :وليد عادي عندك جدتك تتأذى ؟
وليد :جدي مستحيل أرضى بس بشرى طفلة صغيرة حرام عليه يرفع صوتة عليها
قائد :طفلة ولازم تتعلب انه مو كل مكان تلعب فيه وانا بنفسي بكلم عمتك سلمى
سكت وليد يناظرهم وكيف كلهم ساكتين ومو معترضين ولف يناظر جدتة اللي نطقت :امي وليد لاتزعل وانا بنفسي براضيها لبشرى
هز راسة وليد وتقدم لها يقبل راسها ينطق :لاتفهمني غلط واني مو بخايف عليك
مسرة ببتسامة :امي انت مستحيل افهمك غلط وانا ادري بغلاتي عندك
ابتسم وليد ورفع نظره لصُهيب الي صاد بوجهه عنه وتقدم يمشي بخطواته للصالة يتغدون