والروُح على من يداريها ترتمي

بارت 28

تقدم يطلع من غرفة جدُة بعد مانام وتطمن عليه واخذ نفس يتجهه بخطواته ينزل تحت ووقف من تصادف معها بنفس الطريق اللي يمشي عليه وصدت عنه تتجاهله كلياً من امامها وكملت طريقها لكنه رجعتها يدة اللي امدت على ذراعها وقربها منه ينطق بهمس مكبوت من الغضب :لاتتجاهليني وقت تشوفيني !
رفعت حجابها مِيهاف تغضب فعلاً من تصرفاته معها وكيف قبل شوي صرخ عليها قدامهم وهان عليه يجرح اخوها قدام عيونها ونطقت :مين انت عشان اعطيك وجهه ؟
عقد حواجبه تستفزه بكلامها وقربها اكثر ينطق :لاتنسي نفسك انك زوجتي وأقدر عليك
مِيهاف :منت زوجي ولا أبيك بحياتي وانا قررت اني اتركك سوا رضيت ام ابيت
صُهيب :لا والله وش كمان عندك ست مِيهاف كملي
مِيهاف :عندي كل شيء وانت بتنفذ إلا عليك وتطلقني
صُهيب بحدة :مانيب مطلقك !
مِيهاف :وانا مابي واحد يختار الكل ومايختارني
ناظرها يفهم جرحها وانه غلط بحقها واخذ نفس بهدوء :لازم نتفاهم قبل كل شيء
مِيهاف :فهمتك كثير والان انت اللي بتفهمني وتتركني بحالي
صُهيب :مِيهاف تسمعين وش تقولي ؟
مِيهاف :سامعه زين واتمنى تسمع انت وتستوعب اللي اطلبه منك
صُهيب :وانا لو تطلع نجوم الظهر ماطلقتك ولو تطقي راسك بستين حيط
كشرت بقهر تنطق :بخلعك ماهي صعبة ياولد عمي
شد عليها يوجعها ورفع كفه لفكها ينطق :تبين موتك على يدي جربي تسويها
مِيهاف :مو خايفة منك وأقدر اسوي اللي ابيه وانت ماتستاهل احد يحبك او يبقى عندك لانك نرجسي وماغير تفضل نفسك على الكل
صُهيب بغضب وهمس :مِيهاف امسكي لسانك وقت تتكلمي ولا و..
مِيهاف بمقاطعة :ولا وش تبي تمد يدك علي ولا تعذبني وتهين كرامتي مثل قبل
لانت ملامحه من اصرارها وغضبها اللي متمكن منها وكيف مو راضية تسمعه او تتفاهم معه ونطق :لاتفكري اني مابيك وقت ما اخترتك انتي تعرفي قيمة غلاك عندي
مِيهاف بدموعها :وليتني ماعرفته دامك باول خيار رميتني خلفك ولاكاني زوجتك وحبيبتك
مسك وجهها يمسح دموعها اللي نزلت وهمس :وش تبين احلف لك اني احبك وابديك على روحي
مِيهاف :مابيك تبديني دامك تركتني بمنتصف الطريق يكفي اللي سمعته منك للان
سكت يحس ماهو بقادر عليها ويراضيها وبعد عنها يتركها براحتها لوقت ماتهدا وتقدم يكمل خطواته وناظر الوليد اللي كان واقف خلفهم وسمع كل حديثهم وعبس ملامحه من قرب منه ينطق :عندك هالشهر تفكر فيه وبعدين تطلقها بكل هدوء
صُهيب بحدة :وليد لاتدخل بيننا لانك تدري بعواقبة عليك
الوليد بنفس الحدة :بنت عمي وسكتوني عليها لكن بنت امي وابوي ومن دمي مستحيل اسكت عنها واتركك تاخذ راحتك فيها
صُهيب ببتسامة :مِيهاف محد يقدر يمنعني منها لانت ولا غيرك ويتركها الان معاكم مو عشان اطلقها عشان تهدا نفسيتها وترجع لي بكامل طاقتها
هز راسة الوليد ينطق :نشوف ياولد عمي الايام بيننا
ميل براسة صُهيب يناظر مِيهاف اللي وراهم ونطق :الايام بيني وبينها انت مالك دخل فيها
سكت الوليد يرفع نظره على مِيهاف اللي نطقت :اخوي له كامل الحق فيني وانا معه بكل قرار يتخذه
هز راسة صُهيب من سمع كلامها وكيف ناويه تهينه وتجرحه وكانها تنتقم منه لانه ما اختارها ونطق بعناد :محد له الحق بك غيري يابنت عمي وثبتي هالمعلومة براسك ؛ومشي من قدامهم تاركهم بحالهم وتنهد الوليد يتقدم لـ مِيهاف اللي تناظره ونطقت :وليد علمني وش السر اللي يهددك فيه صُهيب ؟
الوليد بهمس :مابه شيء يابنتي
قربت مِيهاف تمسك وجهه تتامل دموعه اللي تجمعت بمحجر عيونه ونطقت :وليد انت اخوي وحبيبي وكل دنيتي مستحيل أرضى عليك يهينك ويهددك قدامي علمني وش مضايقك
نزلت دمعته الوليد يحس بالتعب من حاله وانضعاف روحة ونزل راسة ينطق بنبرته المكسورة :اخوك عقيم
بهتت كامل ملامح وجهها من سمعت كلمته اللي صفعتها اثر قوتها على قلبها ونزلت دموعها من حست بالقهر من صُهيب وكيف وصل به الحال يهدد اخوها بمرضه وضعفه اللي انجبر عليه بأمر ربه وقربت تحتضنه وتحتويه تشاركة حزنه وحاوطها الوليد ينزل وجهه على كتفها يعلن انهياره لها ويترك دموعه تبوح بوجعه اللي حابسها ولاقدر يطلعها بحضن ليندا عشان لايتعبها معه اكثر من اللازم وعضت شفتها مِيهاف تمسح على راسة تبكي معه ونطقت بهمس :وليد ياعمري في علاج لاتياس وحتى لو ماصار معك الان بيجي بعدين
الوليد بدموعه :تعبت يا مِيهاف احس بالكسرة والحسره على نفسي اخوك بينحرم من الأبوة ومستحيل يعيش الشعور اللي يتمناه كل رجال
بعدت عنه تمسك وجهه وتمسح دموعه ونطقت :لاتقول كذا وليد لكل داء دواء وخل املك بالله قوي ولاتنسى قولة تعالى <<وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ ۝٨٩﴾.شف شلون ربي عوض نبي الله بعد صبره وبشره بالفرحة اللي تمناه طول عمره لاتقنط من رحمة الله ياعيون اختك
ناظرها وليد ياخذ نفس ونطق :سويت كل شيء ورحت عند اكثر من دكتور وكلهم نفس الكلام
مِيهاف بدموعها :وليد حبيبي حتى ولو خلي عندك ثقه بالله وبتخلف وبتملي بيتك كلها اطفال لاتايس
هز راسة الوليد يمسح على ملامح وجهه ونطق :الله كريم يابنتي
مِيهاف بتساؤل:ليندا تدري ؟
هز راسة الوليد بأيه ونطق :علمتها قبل لانملك وهي اللي عطتني القوة وأكمل علاجي
مِيهاف :طب لييه متضايق دام ليندا واقفه معك وتسندك
الوليد :شلون ما اتضايقك وهي بسببي بتنحرم من أغلى شيء بالحياة كيف بتحمل اشوفها تناظركم مع اولادكم وهي محرومة
مِيهاف :صدقني دام انت تحبها وتحتويها بتنسيها كل شيء مرت فيه يكفي حبك وتقديرك لها عن كل ولد بحياتها
ناظرها الوليد يفهم من كلامها انها محرومة من هالاشياء وقرب يمسك وجهها ينطق :علميني كيف تعاملة معك يتعبك ؟
نزلت دمعتها وهي ماقدرت تحدد نوع مشاعرة لها وكل يوم بحال جديد وهزت راسها بايه تنطق :مافيه شيء
الوليد بحنية :لاتخافي منه أنا معك وبحميك بعيوني وان ماتبيه الان بكلم ابوي ونسرع لك بالطلاق
مِيهاف :لاياخوي مابي أتسرع بقراري بموضوع الطلاق بعطية فرصة لو يعدل نفسه ويعتذر عن كل شيء سواه لي ولك
ابتسم الوليد من ذكرت اسمه وكيف تبيه يعتذر منه برغم انه صُهيب لو يموت مستحيل يرضى او يكتسر يعتذر من اي شخص ونطق :ان وافق يعتذر لي بقول صدق جايبه راسة وممشيته على هواك
مِيهاف ببتسامة :هو لو يحبني ويقدرني بيعتذر منك عن غلطة بحقك وان رفض أنا بنفسي بكلم جدي يطلقني منه
الوليد :ولييه بتسوي كل هالشيء عشاني ؟
مِيهاف :لانك كل شيء بحياتي ومستحيل أرضى عليك يغلطون بحقك ومقامي من مقامك ياعيوني
تنهد ينشرح صدره وتنسيه حزنه من كلامها وكيف تبين له حبها واحترامها له وحنيتها عليه واخذها لحضنه يبوس راسها ويحتويها ينطق :الله يخليك لي يابنتي والله ان حبك يضاهي كل حُب الدنيا.