مرت الأيام وبقية الشهور بسهولتها وصعوبتها وابتدت نسايم رمضان تداعب القلوب بقدوم الخير والبركة على الجميع وافتتحها الجد قائد يستقبل جميع أولاده وأحفاده بداخل بيته اللي يعج فيه اصواتهم وتجهيزاتهم للشهر الفضيل؛وابتسم يناظر مؤسى ينطق :ها يابوك اعلنوا
مؤسى :باقي شوي يابوي ويعلنوا رؤيه هلال رمضان
طلال :وليد قم شغل التلفزيون خل نشوف وش منزلين من اخبار
ابتسم الوليد يوقف وتقدم يشغل التلفزيون ويحطه على قناة السعودية يستمعون لصوتيات استقبال شهر رمضان بأحساس عميق يهدي القلوب ويريح النفوس ووقفوا بحماس من بدوا بيعلنوا روية هلال رمضان وتعالت الأصوات بسعادة وقت اعلنوا غداً يوم الخميس الموافق لسنة 1446 بداية شهر رمضان المبارك أعاده الله علينا وعليكم جميعا بالصحة والعافية وتقدموا يسلمون ويهنون بعض ينطق قائد :عسى ربي بكل رمضان وانتم حولي ولايحرمني منكم ياعيالي
تمتموا بأمين ولفوا كلهم على صوت صُهيب اللي دخل عليهم ينطق :رمضان كريم عليكم
ردوا عليه يبتسم قائد يفتح ذراعينه وتقدم له صُهيب يحتضنه ويبؤس راسة ينطق :الله يطول بعمرك ياجدي ويعيده عليك بكل عام
قائد :تبقى وتسلم يابوك
صُهيب :عيني عليك وان هبط سكرك تعرف وش بسوي
قائد بتكشيره :أزعجتني بتهديدك خل اتهنى بصومي
ابتسم صُهيب يبعد يجلس بجمبه يناظر عمه أيوب اللي صاد بوجهه عنه ومايكلمه من اخر موقف صار معهم واخذ نفس يبتسم من دخلوا كلهم جدته وعماته والبنات يشاركوهم قعدتهم ونطق علي بضحكه :توصوا بالسحور عندنا ناس تتعب وتدوخ
طلال :شكلك تقصد نفسك ياخوك
ضحك علي يهز راسة بنفي ونطق مؤسى :خايف على روحه لايجوع
أيمن :يبه توك شباب وتتحمل الصوم
علي :وين يابوك عدينا مرحلة الشباب صرنا شياب
كشر مؤسى بمزح ينطق :اقول عن الغلط محد شايب إلا انت
طلال :ابو صُهيب الشيب مغطي راسك وتجحد
الوليد :عمي نصبغه لك وترجع احسن مننا
ضحك مؤسى يهز راسه يوافقه ونطق بغمزه :اخاف أسبقك واتزوج الثانيه قبلك
ناظرته خلود بحنق وتعالت ضحكاتهم يملي السرور عليهم ينطق أنس :لاتخافي يالغالية مايقدر ياخذ عليك ولايبدل غيرك
البراء :انتي الاولى والأخير ياحبيبة قلبي
خلود :ياحبايبي انتم والا ابوكم من زين اللي بتاخذه
علي :وش فيه اخوي تتمناه اي وحده
زهره :يمدح اخوه وهو اخس منه
ناظرها علي يضحك ونطق :انتي وشوله تغارين محد كلمك
كشرت زهرة تصد عنه تتعالى ضحكات البنات ونطقت هناي :بابا جهز الرضاوه سريع
التفت البراء يناظرها ونطق علي :الزهرة ماتزعل مني تعرف مقامها وغلاتها عندي
هيف وراكان :حييي أبونا وغزله
ضحكت زهره غصب عنها من حركاتهم وناظرت منال اللي تكلم مِيهاف :امي وش فيه وجهك لونه اصفر
مِيهاف :مافي شيء ماما شويه تغير جو تعبني
منال :ابد ماهو تغير جو شايفه نفسك انتي قبل لاتتكلمي
مِيهاف وانفها احمر اثر الزكام :ماما والله مافيني شيء
زهره من جمبهم :امي مِيهاف تطمني على نفسك قبل لاتاخذين علاج
مِيهاف بستغراب :ليييه عمتي ؟
زهرة ببتسامة :يمكن حامل وماتدرين
عضت شفتها بخجل وناظرت امها اللي نطقت :وش تحسين بعد علميني
مِيهاف بهمس :ماما الله يخليك لاتفكري بهالشيء تعب بسيط ويروح مني
منال :عنيده ورأسها يابس بعدين اتفاهم معك
اخذت نفس مِيهاف بتعب ورفعت نظرها من كان يناظرها بصمت ويحرك بمسبحته على اصابعه وبلعت ريقها لو تطلع حامل لانها لها ايام تنتظر موعد دورتها اللي تاخرت عليها
أنت تقرأ
والروُح على من يداريها ترتمي
Mystery / Thrillerقصتنا عائلية ورومنسية واحداث طبيعية وغير واقعية حسابي الانستا للي بيرسلون تشبيهات >
