والروُح على من يداريها ترتمي

بارت 25

اخذ نفس يسكر جوالة ينطق :مِيهاف اخلصي بسرعة وش تسوين
لبست طرحتها بعد ماجهزت وانحنت ترفع قطتها لحضنها وطلعت له تنطق :اوف خليك صبور شويه ماقدرت اخذ راحتي وانت تزن فوق راسي
ابتسم يفتح الباب يطلعون من جناحهم ونطق :انتم البنات يبي لكم ساعات عشان تجهزون
مِيهاف :عادي نحب الدلع ونكون مرتبين وبعدين وش وراك مستعجل
ناظرها يمسك يدها ويدخلون الاصانصير ينطق :الان قطوتك بتأخذيها معك كل مكان
ضحكت تهز راسها وتبوسها تنطق :إيه بخليها بحضني ومستحيل أبعدها
صُهيب :وش قصتك معاهم
مِيهاف ببتسامة :اموووت عليهم وتعالت ضحكاتها من بدت القطة ترفع راسها لوجهها وابتسم صُهيب منّ لطافة حركاتهم وطلعوا من الاصانصير يخرجون من الفندق وتنهد صُهيب يبي يشوف ردة فعلها وقت تركب سيارتها وابتسم يتقدمون بخطواتهم للمواقف ولفت مِيهاف تستغرب من نطق :خليك هنا
هزت راسها تناظره من دخل بين السيارات الواقفة وتوسعت ابتسامتها من ركب السيارة اللي أهداها لها وحركها يتقدم بها امامها ولمعت عيونها بدموعها لانها نفس اللون اللي تبيه وعضت شفتها من خرج لها يوقف عند باب السيارة ينطق :تعالي جربيها
تقدمت بخطواته له وضحكت من بعد لها ينطق :يلا ست مِيهاف اليوم مشاويرنا عليك
مِيهاف :صُهيب لي فترة طويلة ماسوق
صُهيب :أنا معك لاتخافي حبيبتي
ابتسمت تهز راسها ومدت لهّ القطة تنطق :انتبه على بنتي
ضحك ياخذها وركبت مِيهاف يتجهه يركب جمبها وناظرها من رفعت كفوفها تحرك الدركسون وبدت تسوقها على شوارع دُبي تحت تعلميات صُهيب البسيطة لها واخذت نفس بسعادة تناظر طريقها بستمتاع وكيف أحلامها قدام عيونها تتحقق ولفت نظرها من فتح لها لوكيشن المول يتجهون بطريقهم له ووقفت السيارة تلف نظرها له ونطقت :كييف ؟
صُهيب :لا طلعتي كفو ماتعبتني معك
مِيهاف :يعني خلاص مايحتاج اتعلم اكثر
صُهيب ببتسامة :وش تتعلمي يابنتي انتي علميهم كلهم
ضحكت بتساع من تعزيزه لها وكيف يدعمها ومايوقف بطريقها ونزلوا من السيارة يمسك كفها واخذت القطة منه تحتضنها ودخلوا المول يتجهون لقسم الملابس ينطق :ادخلي وخذي اللي يعجبك
مِيهاف بدلع :بفلس بك
صُهيب ببتسامة :حلالك بس اهم شيء يناسب جوي
توسعت عيونها تنطق :شدخلك انت
صُهيب بخبث :تلبسيهم لمين انتي
مِيهاف :لنفسي
صُهيب :غلطانة تلبسيهم لي أنا
مِيهاف ببتسامة :مين مكذب عليك
صُهيب بغمزة :محد أنا اعرف لاتستحي
مِيهاف :أوكيه أنا بدخل واخذ اللي يريحني
ناظرها من دخلت يفهم انه بتعانده ودخل خلفها يتامل كيف واقفه ومحتاره باختياراتها وقرب منها يهمس :تبين مساعدة
ميلت تناظره تنطق :شكراً مابي
صُهيب ببتسامة :تشوفين الرفوف اللي على اليمين
لفت بنظرها لهم وشهقت تخجل فعلاً من الفساتين القصيرة اللي يبيها تاخذهم ونطقت :ياحيوان غض البصر
ابتسم يعدل وقفته من الزباين اللي قربوا منهم وتراجع للخلف يوقف بعيد ويتركها براحتها تختار وأبتسم لانها اتجهت للفساتين اللي أعجبته وسرعان ماتلاشت ابتسامتة من تقدم لها الموظف يساعدها وشد على قبضه يده بغضب يتجهه لها ويوقف خلفها ينطق :خلصتي
بلعت ريقها من نبرة صوته المايله للحدة ونطق الموظف :مدام اللي معك مايناسبك اعطيك احلى منه
عقد حواجبه صُهيب ينطق بحدة :شدخلك باللي يناسبها !
الموظف :عادي أستاذ نساعدها بالأختيار
صُهيب بحدة :خليك بشغلك ولاتحتك بغيرك !
غمضت عيونها مِيهاف من اعتذر منهم الموظف ورفعت نظرها له تنطق :مالك داعي صراحة
صُهيب بغضب :اعجبك الوضع وهو يسولف معك !
مِيهاف بهمس :خفض صوتك فضحتنا قدام الخلق
رفع حاجبه ونطق :خلصتي
ميلت شفتها بزعل منه واخذت تترك الملابس اللي اختارتها وطلعت من المحل وناظرها يمسك نفسه وهذي غضبه وناظر أغراضها يأخذهم ويدفع حسابهم وطلع خلفها يناديها :مِيهاف
ماردت عليه تمشي بخطواتها وتتامل المحلات اللي بالمول ووقفت من مسك ذراعها ينطق :لاتتجاهلي وقت اناديك
مِيهاف بزعل :ماسمعتك
ضحك عليها ينطق :استخفيتي ولا وش
مِيهاف :إيه استخفيت من تصرفاتك الغريبة
صُهيب بهدوء :حقك علي خلاص لاتزعلي
ناظرت عيونة تنطق :غيرتك امسكها شوي
بلل شفته يقرب منها ويهمس :غيرتي احرقك فيها
تشمقت بعيونها لانه ينرفزها بحركاته ونطق صُهيب :اخذت الملابس اللي اخترتيهم
مِيهاف :رجعهم محد طلبك تاخذهم
ابتسم يمشي خلفها يحب يعاندها ونطق :لا حبيتهم
مِيهاف :اجل البسهم
ضحك بتساع خلها تضحك معه وحاوط اكتافها ينطق :تراكِ تغلطي وساكت لك
مِيهاف : انت تسمع كل شي غلط
صُهيب :اعقلي !
مِيهاف :معي عقل الحمدلله
صُهيب ببتسامة :دمك خفيف يابنت عمي
مِيهاف :كويس مب ثقيل نفس دمك
عض شفته بتموته فعلاً بحركاتها وكلامها ورفع نظره لمحل لانجري خاص فيهم وابتسم يوقفها ينحني قريب من أذنها ويهمس :شوفي المحل اللي أمامك
رفعت نظرها تنهار فعلاً من الخجل اللي كساها وميلت تناظره تنطق :عيونك وسخه مثلك
ابتسم ينطق :ماودك ببجايم ؟
مِيهاف :لا مابي وبعدين ذولا مب حق بجايم عاديه
صُهيب :وحنا مو عادين خذي لك يلا
مِيهاف :تبي انت ادخل أنا مابي
اخذ نفس يترك الاغراض اللي بيده ومسك وجهها ينطق بهدوء :ابيك انتي وأبيهم عليك
مِيهاف بخجل :صُهيب مابي
صُهيب :ليييه ؟
مِيهاف بهمس :وش تبي فيهم
صُهيب ببتسامة :نسهر عليهم
ضحكت بخجل وبعدت عنه تاخذ نفس ويدخلون مع بعض وكانت تشتعل من خجلها بُكل مرة تاخذ شيء على ذوقة وميلت بنظرها تبتسم من انتبهت على روب حرير ستان باللون الاحمر ووقفت امامه ترفع كفها وتتحسس نعومته وضحكت على خفيف تتخيل لو فوقها كيف بينهبل عليها وفزت من حست فيه خلفها يهمس :لاتاخذيه
مِيهاف :لييه
صُهيب :تبين السلامة لاتاخذيه
شهقت تتركه بسرعة وتبعد من قدامه وضحك عليها يرجع نظره للروب ومد بيده ياخذه ويحطه بالسلة واتجهه لها ينطق :خلصتي ؟
هزت راسها تقعد على الكرسي لانها تعبت وناظرها بخوف يلمس تعبها وتقدم نحوها ينطق :وش فيك يابوي
مِيهاف بتعب :مدري احس كثرت مشي ووجعتني عمليتي
تنهد يمسك وجهها ينطق :نخلص وأخذك المستشفى اتطمن عليك
مِيهاف :ميحتاج برتاح شوي وبهدا
صُهيب :ابوي لاتعاندي نخلص امورك هنا ونروّح نتطمن عليك
ابتسمت تهز راسها لانها فعلاً خايفه على نفسها من الالم اللي داهمها وناظرته من حاسب على الاغراض اللي اخذتهم ورجع لها يفتح ذراعه تستند عليه ويطلعون مع بعض ورفع نظره ينطق :تتغدين قبل ولا الالم قوي عليك
مِيهاف :خل ناكل يمكن تعبي عشاني جيعانه
ابتسم يبوس راسها لانها تخفي وجعها عشان تطمنه ودخلوا المطعم مع بعض يناظر القطة اللي بحضنها ونطق :هاتيها
مِيهاف :وين بتاخذها
صُهيب :باخذها عنك
ابتسمت تمدها له وتقدموا لطاولتهم يقعدون ويترك القطة تحت الطاولة وابتسم من تمددت على ارجوله ينطق :والله بشله
مِيهاف بضحكه :اتركها براحتها
صُهيب :تاركها وتاركك معها تأخذون راحتكم بي
ضحكت ترجع ظهرها على الكرسي وتقدم لهم الموظف ياخذ طلبهم اللي اختاروه مع بعض ومر عليهم الؤقت يتغدون بعد ماجهز أكلهم تاخذهم السوالف والضحكات اللي تدور عليهم ووقفوا بعد ماخلصوا يطلعون من المول ويتجهون للسيارة وتقدم يترك الاغراض بالخلف ونطق :ارتاحي بمقعدك أنا بسوق
هزت راسها تركب وناظرته من ركب جمبها يحرك السيارة ويتجهون بطريقهم للمستشفى.