والروُح على من يداريها ترتمي

البارت السادس

وناظرها كيف مرتخيه عليه ينطق بهمس :اخر الليل تجين غرفتي ومابي اي اعتراض منك !
رفعت راسها تناظر عيونه تنطق بهمس :صُهيب مستحيل اقدر
قرب من شفايفها يهمس بأمر :قلت تجين ولاتكثرين كلام !
عضت شفتها السفليه بطريقه شلعته واخذته من اقصاه وتماسك بالقوة لا يتمادى معها ويضعف لها وبعد من قدامها يطلع بسرعة من المطبخ يتلاقى مع البنات اللي دخلوا مع بعض وصد عنهم يتجهه للخارج
ضحكت ليندا تضرب كتف مناف تنطق :واضح كان ينتظرك تجين له
ناظرتها مناف تناظر الداخل تعرف انه مِيهاف بالمطبخ وكان معها ونطقت سديم :مناف وين رحتي حنا نكلمك
أرياف بضحكه :شكلها ندمت انها كانت معنا
هناي :أناديه لك حبيبتي لاتزعلين
سكتت مناف بدون ردة فعل وتقدمت بخطواتها تتجهه للمطبخ تناظر مِيهاف اللي واقفه وتغسل وجهها والواضح متوتره وقربت منها بخبث تحضنها تبي تكشف رده فعلها وفعلاً فزت مِيهاف برعب تفتكر رجع لها ونطقت بدون وعي :خلاص بجيك
ضحكت مناف بتمثيل :مِيهاف وين بتجيني ؟
لفت تناظرها بصدمة تمسح على وجهها تنطق :مناف هذي انتي !
مناف :لييه مين تفكري ؟
مِيهاف :صدمتني وانتي قبل شوي كنتي معصبه
مناف بتمثيل :لا حبيبتي هديت وحسيت اني اوڤر دراما وماله داعي اعصب عليكم
اخذت نفس مِيهاف تبتسم لها وهي للان تحس برجفه ضلوعها وناظرت البنات اللي دخلوا لهم تنطق ليندا :وانا اقول وين راحت مناف اثرها معك انتي
أرياف :فكونا من المطبخ وتعالوا نطلع غرفتنا ابي النومة الحنونه اللي مع بعض
ضحكوا البنات يناظروها ونطقت دينا :حقت ايام زمان ؟
هزت راسها لين تنطق :حوالين بعض بس مابي رفس
هناي :عاد الصدق ماضنتي أنا تسلمي من رفساتي
كشرت لين تناظرها ونطقت ليندا :من الان ودعوا عظامكم هناي صدق بتدعسكم
ابتسمت أرياف تتقدم لها وتحضن كتوف هناي ونطقت :عادي اهم شيء الوناسة والجمعه الحلوه
ليندا :اوكيه خل نطلع الان ونجهز مفارشنا عشان تصحى بدري
ابتسموا يطلعون مع بعض ويجهزون مفارش نومهم وسكتت مناف تراقب مِيهاف وين بتنام وناظرتها من جهزت فراشها تنطق :ميمي بنام عندك
ناظرتها مِيهاف ماودها تنام عندها وهي بتروح له وسكتت بحيره ودها ترفض وخايفه مناف تزعل ؛وقربت منها مناف تنطق :ماتبي انام عندك ؟
مِيهاف :لا قصدي عادي مافيها مشكلة لييه تسألين
مناف بخبث :مدري حسيت انك خايفه أراقبك
ناظروها البنات بستغراب من كلامها ونطقت ليندا :كيف يعني
لين :وليه بتراقبيها وش مسوية معك خانتك وماندري
ضحكت مناف بستفزاز تنطق :يمكن ماتدرون
توسعت عيون مِيهاف تناظرها وقربت أرياف تنطق بحده :مناف تكلمي زين وش فيك !
هناي :بنات واضح تمزح شفيكم شديتوها
بلعت ريقها مِيهاف ماتقدر تتكلم وناظرت مناف اللي تناظرها بستحقار وقربت ليندا تنطق :متخاصمين انتم الثنتين؟
مناف بضحكه :ابداً مستحيل نتخاصم وقربت لمِيهاف تحضنها وتشم ريحة عطره تنطق :امزح معك حبيبتي
مِيهاف بهدوء :عادي مافي مشكلة
أرياف :مناف حتى لو مِيهاف سامحتك ترا أنا مارضيت عليها وانتبهي لكلامك معها
رفعت حاجبها مناف تنطق :مالك دخل بيننا
قربت أرياف تتكتف قدامها ونطقت :لي دخل ونص واختي غصباً عليك تحترميها فاهمة !
سكتت مناف بحقد وتقدمت مِيهاف تمسك أرياف تنطق :لاتزعلين ماصار شيء
أرياف بعصبيه :شلون ترضين عليها !
مِيهاف بحده:أرياف حنا نفهم ونتقبل بعض لاتدخلي
صدت عنها أرياف بقهر وناظرت مناف اللي ابتسمت لها تقهرها وقربت منها هناي تنطق :أرياف لاتكبريها مانبي مشاكل وزعل
اخذت نفس أرياف تتجهه لمكانها وتتغطى بلحافها واتجهت كل وحده تاخذ مكانها تستكن ارواحهم من بعد يوم طويل وشاق لهم ولفت مناف تناظر مِيهاف اللي معطيتها ظهرها والواضح تراسل بجوالها وعضت شفتها تبي تعرف مين تكلم هالوقت وطلعت جوالها تدخل رقم صُهيب تشتمهم داخلها من ناظرته متصل والواضح يتراسلون مع بعض وتركت جوالها تمثل النوم قبل مِيهاف لاتفضحها.
شدت على اللحاف تكتب له :تكفى مابقدر اطلع لك البنات جمبي
اخذ نفس يقفل الباب خلفه ويتجهه للسرير يكتب لها :معك خمس دقائق دبري نفسك
غمضت عيونها ودها تصارخ وتعطيه كف على عناده وميلت تناظر البنات تسمع الهدوء دلالة نومهم ونزلت نظرها لمناف النايمة تقرب منها وتقبل جبينها تنطق بهمس :آسفة ووقفت تاخذ وشاح يغطيها من البرد وفتحت الباب بهدوء لاتصحيهم واخذت المفتاح تقفل خلفها لاحد يطلع وراها ويكشف امرها ؛وفزت مناف بقهر من سمعت قفل الباب تعض شفتها وتوقف وهي تلعنهم مع بعض لأنهم هزموها وقعدت لثواني تفكر تبي حل لها وكيف تبي لحقها وتنهدت مابتقدر لانها لو صارخت بتطلع مِيهاف وبتعطيهم اي عذر ورجعت مكانها تدفن نفسها بفراشها وهي تبكي بصمت على حالها.