والروُح على من يداريها ترتمي

بارت 26

البراء بهدوء :ماتبيني ؟
هزت راسها هناي تاكد كلامها ونطقت :اكرهك
ابتسم البراء يهز راسة ونطق :اجل انتي طالق
بهتت ملامحها بصدمة من ردة فعله وكيف اعلن طلاقه منها ولاحسب لمشاعرها ومحبتها له وكيف رماها ورا ظهره وتنفست بصعوبة تتقدم خطوه قدامه وناظرت عيونه تهمس :بهالسهولة كنت تنتظر الطلاق
البراء :انتي جبرتني وقلبي عيا يتحمل اكثر
تنفست بصعوبه تحاول ماتبكي لانه كسرها ولا عبر علاقتهم وهزت راسها تنطق بغصه :احسن ماسويت جت منك ولا مني
ناظرها بعقدة حاجبه وسكت مايرد عليها يدري انه غلط وغلطته كبيره لكنه يبي يوقفها عن حدها وقربت خلود تسحبه من ذراعه تنطق :امي وش سويت
ناظرها البراء ينطق :كسرت ظهري يمه
خلود :روح يمه لاتضل هنا
هز راسه يخرج من البيت بسرعة ولفت خلود تناظر هناي الواقفه مكانها والصدمة بعيونها وتقدمت زهرة تنطق بحدة :عجبك الان ارتحتي تطلقتي !
كشرت هناي والغضب تمكن منها وقربت ليندا وأرياف يمسكوها وكملت زهرة :ابوك لازم يدري باللي سوته بنته ام لسان !
منال :زهرة الله يخليك اهدي الامور يبي لها هدوء مب كل شيء بالعصبية
خلود :زهرة بعد شوي بيوصلون وهم وعمي خليك لاتتصلي لهم
ناظرتهم زهرة ترمي الجوال على الارض وقربت تسحب هناي وتعطيها كفوف على خدها وتنطق :كم مرة اقولك كل واحد وله احترامة وزوجك صوتك لايعلى عليه دام مو مقصر معك
بكيت أرياف وليندا يناظرون هناي اللي ماتحس على امها اللي حمرت بخدودها اثر الضرب وماغير دموعها تحرقها وقربت خلود تسحب زهرة وتاخذ هناي لحضنها تنطق بعصبيه :زهرة هناي للان زوجة ولدي وماسمح تضربيها قدامنا !
منال :اذكري الله يازهرة البنت واضح فيها شيء وماكانت تقصد والبراء الله يهديه استعجل يعني هو غلطان معها
زهرة بعصبيه :هالبنت تعبتني ومحد سلم من طول لسانها !
خلود بعصبيه :الغلط عليهم اثنين لاتحطي اللوم كله على هناي !
سكتت زهرة تحس بالتعب وارتفاع الضغط وتقدمت خلود تقعد وتاخذ هناي بحضنها اللي ماغير دموعها تنزل قهر من البراء وامها اللي ماحتوتها وعضت شفتها تكره نفسها لان ماتحس بمحبه احد لها ودايم يحطون الملامه عليها باي شيء وتعالت شهقاتها وده تموت فعلاً ولا تمنت الاهانه والكسر منه وقربت من ليندا تقعد جمبها وتنطق :هناي لاتزعلي بتنحل بينكم
هزت راسها هناي تكره ولا ودها فيه ونطقت بتعب :مابيه ولا ودي أبقى بذمته
نزلت دموع ليندا تنقهر على اختها ونطقت خلود بحنيه :والله ماتركه بحاله واربيه لك واخذ بحقك منه لاتزعلي يمه ومحد بيجبرك عليه لو طلع منه الاذيه
سكتت هناي تحس ماودها تشكي ولا ودها تتكلم وغمضت عيونها من سمعت صوت الباب يعلن دخول جدها وابوها وأعمامها وبلعت ريقها أرياف من دخلوا كلهم ويسولفون مع بعض ولانت ملامحهم بصدمه من ناظروهم كلهم يبكون وحالتهم ماتطمن وتقدم علي اللي ناظر زهرة قاعده على الكرسي وماسكه على راسها ونطق :وش صار معكم ؟
ناظرته زهرة بغضب تنطق :ارتاح الان بنتك تطلقت وكله بسبب دلعك لها
لانت ملامح علي بصدمة ونطق :اي وحدة منهم
وقفت زهرة بغضب تنطق :ومين غيرها ام لسان الله ياخذها وارتاح منها
شهقت مسرة تنطق بحدة :استغفري ربك تدعين على البنت !
زهرة بقهر :بدعي عليها ولابارك الله فيها وحنا ماحصلنا من ورا راسها إلا المشاكل
عقد حجابه قائد بغضب يتقدم لهم ونطق :ام أيمن خلي النفس عليك راضيه واحتشمي بكلامك وبنتك بنتنا ان دعيتي عليها لاتلومي إلا نفسك !
سكتت زهرة تناظره ونطق علي بحدة :اطلعي فوق يازهرة
ناظرته بقهر وتقدمت تطلع فوق ولف علي يناظر هناي اللي تبكي بحضن عمتها خلود ونطق :متى طلقها ؟
ناظرتهم خلود تخجل فعلاً من تصرفات البراء الطايشة ونطقت :قبل شوي
هز راسة علي تحتد ملامحة بالغصب والقهر على بنته وناظر اخوه مؤسى ينطق :بنتي ماهيب بلعبة عند ولدك تاركها يتركها متى ماوده ويطلقها متى ماوده بكره يروح المحكمه ويطلع ورقه طلاقها معد عنده لي بنت
ناظره مؤسى يفهم وضعه وقهره على بنته وفضل السكوت قبل لايعارض يدري انه مابيستفيد الان شيء وتنهد طلال ينطق :يبه شفيك ساكت وش الحل معاهم
الجد قائد بعصبيه :الحل تعطوني البراء قدام عيوني وله معي حكي اتفاهم معه
هز راسة طلال يطلع من البيت وتقدم الجد قائد لعند هناي اللي تبكي ومد بيده يمسح على راسها ونطق بحنيه :ابوي تعالي معي
ناظرته هناي بدموعها ونطقت :مابيه ياجدي
الجد قائد بحنيه :انتي بعيون جدك محد بيقربك او ياذيك لكن لكل مشكلة ولها حل يابوك
هناي بنبرتها الباكيه :جدي تكفى لاترجعني له
اخذ نفس الجد قائد يهدي غضبه وقهره عليها ونطق :قومي ابيك معي
مسحت دموعها هناي توقف واخذها جدها تحت ذراعه وناظرهم كلهم ينطق :سالفة الطلاق لاتطلع برا البيت فاهمين !
سكتوا يناظروه وينفذون امره وكمل الجد قائد :البراء وقت يوصل يلحقني المجلس
ناظرته هناي ماتبي تشوفه ولا ودها تسمع صوته وهمست :جدي تكفى
ناظرها الجد قائد ونطق بهدوء :لازم افهم منكم يابوك واعرف مين الغلطان بحق الثاني
صدت بوجهها تنزل دمعتها على مجراها وتقدمت يخطواتها مع جدها للمجلس