والروُح على من يداريها ترتمي

بارت 19

وأنتهت أيام العيد بكامل حلاوتها وباحسن الأحوال وبدؤوا بتوزيع دعوات الزواج اللي بيصير ليلة منتصف شهر شوال وكان طلب خاص من الوليد بهاليوم لانه يبين لهم انه حياتة بتكمل معها مثل اكتمال البدر بوسط السماء ينير الكون كله بضوئه ونوره اللامع ؛وتقدمت ليندا تتجهه لهم بخطواتها بعد مالبست فستانها الأبيض تبتسم بخجل من سمعت صوت زغاريط جدتها وامها وعماتها وصرخات البنات اللي وقفوا لها ويدورون عليها ونطقت الجدة مسرة :بسم الله ما شاء الله يايمه حصّنتك بالذي خلقك انه ربي يحميك ويوفقكم يارب
ضحكت ليندا وتمتوا كلهم بأمين تنطق زهرة :ياعيوني وروحي انتي طالعه مثل القمر اللي بيكتمل لك بكره بليلة عمرك
منال بضحكه :وييين وليدي بسرعه يجي يشوف ملاكه الهالك
عضت شفتها ليندا بخجل وتعالت الضحكات تغمرمهم السعاده ونطقت مِيهاف :والله بيغمى عليه لو شاف ألأبيض اللي عليها
أرياف :مالومه أنا اخته خقيت عليها
ضحكت هناي تحتضن كتوف ليندا تنطق :مالي دخل ابي اتزوج واعيش هالشعور
ضحكوا البنات وناظرتها خلود تنطق :يأمي انتي قدنا ننتظر عيالكم
ناظرتها هناي بخجل يكسيها ونطقت أرياف بخبث :عمتي خلود هناي تبي ثلاث ورعان توأم
توسعت عيون هناي تقرصها بقوه وضحكت زهرة تنطق :خليها تفلح بواحد وبعدين تفكر بالتوأم
مِيهاف :لاتستعجلي ترا يتعب الحمل
هناي :اصلاً مافكر فيه الان
ليندا :اوف هناي مب وقت عيالك خليهم يركزون علي
أرياف :يختي حلوه وش تبين بعد
ليندا :يعني مضبوط مايبي تعديل
مِيهاف :لا حلو كذا ولايق عليك
هزت راسها ليندا وتقدمت ترجع للداخل تبعده عنها ؛وتنهدت مسرة تنطق :الحمدلله بكره باذن الله برتاح وقت نخلص من عرسهم ونجمعهم سوا
منال بحنيه :عسى ربي يوفقهم ويتمم عليهم
زهرة :إلا صدق اللي سمعته عمي عزم عائلة عبداللطيف
خلود :اية وقبلوا دعوته وحرص علينا نستقبل حريمهم ومانقصر معاهم
منال :الصدق ماعرفهم شفتهم مرة وحدة بمناسبة وكانوا بقمة الذوق والأخلاق الطيبة والكل يمدح صيتهم
خلود ببتسامة :ام عبدالله بسم الله عليها تدخّل القلب من طيبتها
مِيهاف :كم عددهم اللي بيجون
خلود :ما شاء الله عددهم كثير والا سمعتة من عمي انه بيحضرون عبدالله وزوجتة وامه
ابتسمت هناي بحماس تنطق :حلو نتعرف عليها ونسولف فيها وقت نرجع للبيت
ضحكت أرياف تنطق :البنت ضيفه تبين تحشي فيها
هناي بضحكه :امزح اخاف زوجها يقبض علي
مِيهاف ببتسامة :امسكي لسانك هناي ترا زوجها قاضي تحقيق
هناي :أنا بتفحصها ان طلعت كتكوته بسولف معها وان طلع جوها ماش ومنفسه بكنسل عليها
خلود :بتحبوها البنت توها بعمركم وتناسب جوكم
ابتسموا البنات وكملوا سوالفهم بسعه صدر ماليه قلوبهم

عند مناف.
وقفت سيارتها قدام الكوفي ونزلت تتجهه بخطواتها وتدخل الكوفي ورفعت نظرها له من كان جالس ويناظرها واخذت نفس تتقدم بخطواتها نحو طاولته وقعدت مقابلة ونطقت :ماعندي وقت خلصني وش تبي
مازن ببتسامة :حبيت اشوف ملامح الشيطانة الصغيرة
مناف :مب وقت كلامك الفارغ تكلم معي بوضوح
مازن :وش تحبين نضيفك قبل مانبدأ
مناف :مابي شيء
مازن : اخبار حبيب القلب
عبست ملامحها ترجع ظهرها على الكرسي تنطق :بخير ومبسوط لانه قدر يطردك من الشركة
ضحك مازن يمرر اصابعه على كوب القهوه الحاره ونطق :وش عليه خلييه ينبسط دام بالنهاية بنقتل ولده
مناف :اعطيني افكار حلوه كيف نطير بالولد
مازن :اعطيك حبوب بس لازم تعطيها بدون ماتحس عليك
مناف :لا صعبه وعلاقتي معها مب زينه
مازن :العامله اللي معهم بالبيت تشتغل معي وقت تحصليها اعطيها وهي تعرف تتصرف معاها
مناف :ولييه ماتعطيها انت دامها تشتغل معك ؟
مازن بخبث :ماودي يتشكك الوضع وصُهيب بيته عليها مراقبه ولو عرف بيكشف امرنا
مناف :وانا شلون بعطيها ؟
مازن :غبيه انتي ولا وشو وقت تلتقون بيت جدكم اعطيها
ميلت شفتها تنطق :اووكيه اهم شيء لاتذكر اسمي لو كشفتها
مازن :ماعليك مستحيل تكشفها والحبوب مفعولها مايبين عليها بهالسرعة
مناف :شلون مافهمت عليك ؟
مازن :بتكمل حملها طبيعي وبالأشهر الاخيره بتبدأ الأعراض تجيها ولو تم الفحص بيبين لهم تسمم حمل قوي ويمكن تتأذى الام منه وتدهور حالتها ولو ماطلعوا الولد منها بتودع الحياة
مناف :وبداية الأشهر لو سوت تحاليل مابيعرفون ؟
مازن :لا لان مافيها أعراض ولايضرها شيء يبدًا مفعول العلاج وقت الجنين يكبر وتزداد حركته ونموه
مناف :اهم شيء مِيهاف لاتموت
مازن بضحكه :خايفه عليها ؟
مناف ببتسامة شر :ابداً ابي اشوف وجعها قدام عيني
تعالت ضحكات مازن ينطق بحروف متقطعه ومنفصله :ش ي ط أ ن ة
ابتسمت تنطق :ابي منك طلب قبل كل شيء
مازن :آمريني
مناف :ودي صُهيب يحبني
مازن بضحكه :اسحره لك ؟
هزت راسها تنطق :ايييه اسحره لي
توسعت عيونه من الصدمة ونطق :منجدك ولا تمزحي
مناف بتأكيد :ما امزح وأبيك تدور لي على اقوى ساحر يخليه مايطيق حتى ريحة مِيهاف
مازن :اعوذ بالله صدقتي انك شيطانة
مناف :آنّ مافاد الإنس نتحول جن عشان ماطالبنا
هز راسة بأيه ونطق :ماطلبتي شيء ادوره لك
مناف :أعطيني الحبوب لو موجوده معك
مد بيده لدخل جيبه يطلع الحبوب المتغطيه بالمنديل عشان لايشككون بأنفسهم ونطق :انتبهي يكشفون امرك
ابتسمت تاخذهم وتدخلهم شنطنتها تنطق :ماعليك خليك واثق مع مين تشتغل
مازن :بكره معاكم عرس يمديك تعطيها العامله وبتبدأ شغلها
هزت راسها مناف تنطق :لاتنسى موضوع السحر ولو طلب منك شيء علمني وانا بعطيك
مازن ببتسامة :شيطانتي انتي بس امري وانا انفذ والساحر وقت أحصله لك بنروح له مع بعض
مناف :بحاول ادور على شيء يخص صُهيب من الان عشان لانكثر طلعات
مازن ببتسامة :عندك خبرة كبيرة
مناف :قوقل يعلمك كل شيء
ضحك مازن ينطق :والله نناسب بعض خل أتزوجك
ضحكت توقف ونطقت :تبطي عظم
مازن وهو يوقف ونطق :اشوفك على خير ياليشطانة
ابتسمت تلبس نظارتها وتقدمت تطلع من الكوفي وتركب سيارتها واخذت نفس تناظر الحبوب اللي بتقتل فيه ولدهم تنطق :جايك الموت يامِيهاف.