والروُح على من يداريها ترتمي

بارت 32

دخلت المطبخ بحماس داخلها ودّها لاول مرة تطبخ له وتذوقه اكلها وابتسمت ترفع شعرها بطريقه عشوائيه وتقدمت تغسل يداتها وتعقمهم وتتجهه للثلاجه تفتحها وتحتار ايش تختار او تطبخ من اكله يحبها وابتسمت تناظر صدور الدجاج تجي ببالها طبخة تعرف لها وتتفنن فيها ومدت تاخذ كل مكوناتها اللي بتستعملها وتقدمت للطاولة تتركهم وتتجهه للرز تنقعه وتغسله وعضت شفتها تكره تقطع البصل لانه يبكيها ولاتقدر تتحمل حرارته على عيونها وتتهدت لانه مافي احد معها يساعدها ويقطعه عنها واخذته تبدّا بتقطيعه وسرعان مادمعت عيونها واشتعلت بحمرارهم من شدة حرارة البصل اللي ثارت عليها وبعدت عنه تتذمر وتتحلطم عليه ونطقت بزعل :ميين قال ابي اطبخ ! ومدت تمسح عيونها بمعصم يدها ورجعت ثاني مره للبصل تبي تكمل تقطيعه تتحمل دموعها عشانه

دخل البيت وهو يكلم بالجوال هيثم وعبس ملامحه من شم ريحة الطبخ فايحه على البيت كله ونطق :هيثم انت تعال وقت يجون ونتعرف عليهم
هيثم :لا ياخوك القعده بتكون عائلية بينكم الأحسن ماجيكم
صُهيب :اقول خل عنك هالكلام وتعال بدون فسلفة زايدة
ابتسم هيثم ينطق :ابشر ماطلبت شيء
صُهيب :اشوفك على خير وسكر منه يدخل جواله بجيبه ويتقدم بخطواته للمطبخ يبتسم غصب عنه من ناظرها واقفه تطبخ بكُل حماس وميل بنظره على الحوسه اللي سوتها يحبها دامها منها وقرب بخطواته نحوها لانها ماحست فيه وقت دخل البيت وشهقت بخوف من حاوطها ينزل دقنه على كتفها ونطق :وش تطبخين
مِيهاف :متى جيت ماحسيت عليك
ابتسم يبوس كتفها ينطق :قبل شوي وجابني لعندك ريحة طبخك اللي شهتني
ابتسمت بحُب تميل براسها وتناظره ونطقت :سويت لك اكله بس مادري بتعجبك او لا
صُهيب ببتسامة :اي شيء منك احبه حتى لو سُم باكله
ضحكت بتساع تنطق :اجل ساعدني عشان أخلصها بسرعه
صُهيب :اخاف اخربها عليك لأني ابداً مفهم بأمور الطبخ
مِيهاف :أنا اعلمك
هز راسه يقرب يبوس خدها وطرف شفتها ينطق :ابشري ماطلبتي شيء
عضت شفتها بحب له وضحكت من بعد عنها ينطق :بروح اغير ملابسي وارجع لك
هزت راسها بايه تناظره من طلع وتركها ورجعت بنظرها للطبخة اللي مابقى لها شيء وتجهز وابتسمت تضيف عليها كريمة الطبخ لانها المكون الرئيسي للطبخه وتركتها تتجهه لدُرج البهارات تختار منهم اللي تحتاجهم وقشعر جسدها من حست فيه رجع خلفها ومنحني على عنقها يشم ريحتها ونطقت بخجل :صُهيب توي قطعت البصل وريحته عالقه فيني
رفع وجهه من عنقها ينطق بتنهيده حُب:ريحتك حلوه
ابتسمت تناظره تنطق :خل عن هالحكي وتعال ساعدني
اشر على خشمه واتجهه يناظر الطبخه ينطق :وش باقي لك
مِيهاف :الرز وابي اسوي سلطة
هز راسة ياخذ القدر ويحط عليه الزيت والمويا المغلية وناظرها من نطقت :الرز منقوع كُب المويا اللي فيه
هز راسة يكُب المويا من الرز ويحطهم داخل القدر واخذ يسوي بهارات الخاصه بالرز تحت تعليماتها وابتسم لها من خلص يقرب منها وهي تجهز السلطه واخذ الخيار من اللي قطعته يأكله ونطق :وشوله تتعبي حبيبتي كنت بطلب اكل مثل كُل مره
مِيهاف :ماتبي تذوق طبخي ؟
ناظرها ببتسامة خبيثه ونطق :ذقتك كلك ما بقى طبخك
توسعت عيونها تنطق :صُهيب انقلع مابيك تساعدني
ضحك على خفيف يوقف ويتجهه يناظر الرز اللي استوى وناظرها ينطق :اطفي النار ؟
لفت تتجهه له واخذت الملعقه تذوق تحت نظراته وهو مبتسم على حركاتها الطيفه وناظرته تنطق ببتسامة:طلعت شيف
صُهيب :افا عليك لو تبين اطبخ لك حاشي
تعالت ضحكاتها عليه ونطقت :تكفى لاتغتر بنفسك
صُهيب ببتسامه :اقول ماتشوفين الرز اللي طبخته
مِيهاف :تراك تحت تعليماتي ولا كآن سلقتهم بالمويا
ضحك يقرص خدها ونطق :اخلصي مت من الجوع نبي نذوق اكلك
مِيهاف ببتسامة :اووكيه اقعد على ماجهزهم للصحون
هز راسه واتجهه للثلاجه ينطق :وش تبين من مشروب
مِيهاف :لو تحبني عرفت ذوقي
ناظرها بقله حيله من حركاتها واخذ نفس ياخذ لهم ميرندا وقفل الثلاجه يحطهم على الطاولة ويقدم السلطة وابتسم من تقدمت له تحط الصحون اللي عليها الاكل وكان شكله يشهي من كثر حلاوته جلسوا مع بعض ياخذ الملعقه ويسوي من مسالا الدجاج على الرز وبدا ياكل تحت نظراتها والحماس اللي بعيونها ونطقت :اعطيني رايك
صُهيب ببتسامة :لذيذه تسلم يدك
مِيهاف :صدق اعجبتك بدون مجامله !
ناظرها يمضغ لقمته ونطق :يعني برأيك لو ماهي حلوه بقعد أكملها ؟
توسعت عيونها بزعل منه ونطقت :وقح مابتجاملني ؟
صُهيب :توك تقولي ماتبي اجمالك لييه غيرتي رايك الان
مِيهاف :حتى ولو الاكل ماش خل ردة فعلك حلوه
صُهيب :حاضر الان اكلي بدل لاتاكلني بقروشي
كشرت تاخذ ملعقتها وتاكل وابتسم يناظرها ينطق :ماتبين تاخذين لك اغراض للخطبه
مِيهاف :بطلع مع البنات المول
صُهيب :متى بتطلعون
مِيهاف :المغرب
صُهيب :تبي أوصلكم ؟
هزت راسها برفض تنطق :باخذهم بسيارتي
ناظرها يهز راسه بايه ونطق :انتبهي لنفسك من زحمة الطريق
مِيهاف ببتسامة :لاتخاف وحبيبي معلمني السواقة
ابتسم يترك الملعقه ونطق :منهو حبيبك
ميلت شفتها تدلع عليه بنطقها :حبيبي الجنتل مان اللي مايرد لي طلب وينفذ كل كلامي
رفع حاجبه يمد بيده ويسحب كرسيها لعنده وشهقت تتعالى ضحكاتها من حركته اللي ماتوقعتها منه ونطقت :يمه شفيك !
مسك خصرها يرفعها تجلس على فخذه يناظرها عن قرب ويوترها بهدوئه وهمست :صُهيب لاتوترني
صُهيب :ماتبين تقولي اسم حبيبك
مِيهاف :تعرف مين اقصد ميحتاج اقولك
صُهيب :قولي وخليني اسمعه بصوتك اللي أهيم فيه
ابتسمت بخجل ورمشت على خفيف وكيف منحني بوجهه وقريب من ثغرها وعضت شفتها تبي تستفزه شويه تنطق :الوليد
ابتسم يهز راسة ومرر كفه على فخذها بحكم لابسه شورت بجامتها ورجفت مفاصلها من حركته اللي زادت وتيرة تنفسها وسرعة دقات قلبها وقرب من اذنها يسحب شحمتها بثغره يهمس لها "او بالمعنى يدوخها" :تعترفي ولا اكمل همم
ماردت عليه تحس اغلق فمها عن الكلام ويشعل داخلها بكفه اللي تتمرد عليها وشهقت على خفيف بسحبه لاذنها وكان ناوي على هلاكها تحت يده ورفعت كفها على صدره تهمس بضعف :صُهيب مـ
قاطعها ينحني لعقنها وياخذ عروقها بهمس :ماسمعت وش قلتي
مِيهاف بأنفاسها المتقطعه :صُهيب انت تـ
عضها بخفه يسمع صوتها وهي تتأوه بلذه وهمس :كملي
حاوطت رقبته تضعف له وماتقدر عليه ونطقت بتعب :انت حبيبي
ابتسم بحب لها ويدري بدلعها وانه تقصده من البداية لكن تحب تراوغه وتحب تستفزه ومسح ظهرها يحس برجفتها وسط حضنه وكيف جسمها حساس من اي شيء يقربه منها ووقف وهو حاملها يطلعون من المطبخ للصاله وجلس على الكنب ينطق :اهدي ماصار شيء
بعدت تناظر وجهه تنطق بزعل :لييه تسوي كذا
صُهيب بتنهيده :قلبي مُتيم بك يابنت عمي
مِيهاف :وتتعبني بحركاتك
صُهيب ببتسامة :مثل ماتتعبني بدلعك
ابتسمت بخجل وقربت تحتضنه وتسند راسها على كتفه تحس للان بالإرهاق اثر قُبلاته عليها ونطقت :حارشتني وماتهنيت باكلي
صُهيب :انتي بديتي
مِيهاف :بس أنا ماتماديت
صُهيب ببتسامة :تبين نرجع ناكل ؟
ضحكت بخفه تهز راسها بنفي ونطقت :لا خلاص شبعت
ابتسم يرجع راسه على الكنب وياخذ راحته معها بعد الغداء اللي أكلوه.