الجنوب و الشمال
-البداية-
في وسط الرياض وارقى احيائها بيت مساحته كبير بدال البوابه له اربع بوابات تقسم بيت الشيخ ابو مساعد الى اربع فلل كانت بالترتيب التالي
[ بيت مساعد بن عبدالعزيز دخل هذي الفله جناح لعبد العزيز وزوجته
بيت الشيخ ابو مساعد وسلطانة
بيت منيرة وبناتها وزوجات احفادها
وبيت مهجور و محرم احد يدخلها]
-الساعه السادسة صباحاً-
انشرت ريحة البخور في الدور الارض وهذا دليل انه ام سارة صحت من النوم كانت عادة عندها بعد صلاة الفجر البيت لازم يتبخر وتزين الفطور ويجتمع الكل عندها في الصالة وسفرة الفطور ممدودة
واقف أمرآة له من الجمال الشي الكبير كانت الحنا تزين يدينها ريحة المسك والعنبر تفوح منها
دخلت عليها بنتها الكبيرة
ام عبدالملك وهي تحضنها وتبوس راسها : صباح الخير ياميمتي
ام سارة : هلابتس يروح اميمتس ،، صحوا الوغدان ؟؟
ام عبدالملك : الله يهديتس يمه وش وغدانه
ام سارة : يمتس انتي بعيوني توتس تعدين كيف احفادي
ام عبدالملك : ياحنان قلبتس يايمه وين عبدالعزيز عن هل قلب
دخل عبد الملك وهو لابس لبس الدوام
عبدالملك ببتسامه : صبحهم بالخير
ردوا عليه :صبحه بالنور
ام سارة : يلا يمك انطح فالك وافطر قبل دوامك
عبدالملك: لا يمه وراي علميه مستعجل
فجاة دخل كائن صغير يركض
فيصل الصغير بنبره طفوليه: عمو ملوك وديني بقاله بابا خالد راح الدوام
قرب عبدالملك وشاله وباس خده : تم ياعيون عمك
ام عبدالملك: اقول فصول وين امك
دخلت ندى وهي متفشله ولابسه عبايتها وغطاها: اسفه يا خالتي فيصل جا لمكم
ام سارة ببتسامه : يمتس انا بعد جدتتس وهذا بيتس ولا بس جدتس سلطانه
ضحکت ندی و قربت تبوس راسها : افا يمه وانت بعد جدتي وامي ،،،همست ،،، واحبتس أكثر من امي سلطانة
ضحكت ام سارة
عبد الملك وهو ينزل فيصل الصغير على الارض: عن اذنكم بطلع الدوام ،،، وصل للباب والتفت وراه ،،،، ام فيصل
ندى بحده : هاااا نبي نفطر اطلع اخلص
عبدالملك : والله انتس مب كفو تقدير زوجتس الخبل وينه؟؟ من البارح ماشفته
ندى وهي تجلس على السفرة : عبدالملك اقضب الباب وخلني افطر مع المسلمين
طلع عبد الملك وهو يضحك على ندى اللي من يوم وهي صغيره هذا طبعها واسلوبها
دخلت عهود وهي مروقه وتغني :
( ليل وأوضة منسية وسلم داير مندار
عليت فينا العلية ودارت بالسهرة الدار
ليل وأوضة منسية وسلم داير مندار
عليت فينا العلية ودارت بالسهرة الدار
والعلية مشتاقة ع حب وهم جديد
فيها طاقة والطاقة مفتوحة للتنهيد )
ام سارة بحده :اقول اصبحي يامره وعيني خير
قربت عهود وهي تبوس راسها : اوه منوره معصبه
ام سارة بحده : الناس من صبح تذكر الله تقرا قرآن تقوم بواجب الله الا انتي قايمه بواجب ابلیس ،،، ابو هل فره على ابو من جابتس ملفيه يهودية لا ملة ولا عبادة ولا ديانة
شرقت ندى بالشاهي وسكتت عشان عارفه لو قالت شي عهود وش بتسوي فيها
ناظرهها عهود بحده
