-قبل نص ساعة نفس الفندق -
دخلت فريدة بهدوء
قرب منها ابو عبدالعزيز وحضنها بكل قوته
بادرته فريدة الحضن
ابو عبدالعزيز وهو يلمس شعرها : اخيرا جت اللحظه اللي المس شلال الذهب وهو حلالي
رفعت فریده راسها بدموع : مساعد انت هلا صرت الي وبس ؟
قرب ابو عبدالعزيز من اذنها : طولي عمري كنت لتس
حضنته فريدة وهي تطفي نار شوقها
ضحك ابو عبدالعزيز ونطق بصوته الثقيل : شرايك نجيب واحد وبالباقي بیجون وراه ؟
ضحکت فریدة بخفه وضربت صدره بشویش
قرب ابو عبدالعزيز وباس ثغرها
و......✨
-بيت ال جلوي-
-الجناح الرئيسي بالبيت الكبير-
صحت ام سارة وتوضت وتجهزت وقفت عند راس ابو مساعد : عبد العزيز يلا قم باقي على الاذان ساعه على
ماتفطر وتذهب الا اذن
صحى ودخل يتسبح ويجهز للصلاة
طلعت ام سارة و شافت البنات صاحين بالصاله
ام سارة: ماشاء الله عليكن يالسنعات صاحين بدري
ام عبدالملك : افا عليتس يمه سنعات تونا مصبحين
ام سارة بعصبيه : سوير هذا وانتي جده وتكذبين الوجيه مب وجيه قعيدات النوم قومن اجهزن وزهبن الفطور
غصت نورهان بالسندوش: ماما مانمت !!
ام سارة : يلا يلا
عهود : ماما عندي حل خلي جوزف
ماكملت كلامها الا ودخل ابو مساعد للصاله
تنحنح ابو مساعد: صبحهم بالخير
جو البنات يحبون راسه
موضي : تو مانور البيت
ضحك ابو مساعد : منور بنورتس بعد الفطور تعالي المكتب ابيتس بموضوع
موضي بتوتر: ليه
ابو مساعد : تعرفين بعدين ،، وين الفطور ؟
ركضوا البنات المطبخ
عهود وهي تركض : ثواني يبه ويزهب
-المطبخ-
عهود وهي تولع الفرن : انا بسوي بيض تركي
نورهان وهي تقطع الجبنه : وانا بدي اعلم فطور شامي جبنه ومكدوس وزيتون
شیخه : وانا بسوي فول
موضي : انا علي المقلقل
هديل وهي تطلع من من الثلاجة الحليب : مشتهيه حليب عدني
ام عبدالملك وهي تقطع الخيار : بسرعه يابنات
ام فيصل هي و ام سالم يسون الشاهي والقهوه
انمدت السفره على الارض
جلسوا كلهم
الجوهرة : بابا ليه ماناكل على الطاوله
ابو مساعد: يبوتس الاكل على الارض سنة الرسول ولاني مخالف سنته ابوي وجدي وجد جدي اكلهم على الارض تبون الطاوله وانا ابوتس قومن وخلوني مع شمعة الجلاس منيره
صفروا البنات
موضي : اديلوووو كلام رومنسي من الصبح
ندی بضحكه : يبه تحب امي ؟
مسك ابو مساعد يد ام سارة وباسها : ولا يساميها احد بالمحبه غليتها ولا غليت من الحريم عقبها
شیخه بدموع : الله
موضي : وش يبكيش بالضفعه
شيخه : کلام لذيذ
ضحكوا كلهم
ام فيصل: بنادي ليالي تفطر
سمعوا صوت من الباب
دخلت ليالي لكن انصدمو الشعر الطويل البني المموج اللي كان يتغنى فيه الشيخ ابو مساعد وبجماله اللي كانت ام سارة تقصد فيه وتذكر الله عليه مقصوص لين بدایت رقبتها ونهايه شحم اذنها
فزت ام فيصل : بسم الله عليتس وشنوحتس !!!
ليالي وهي تهدي امها : لا يمه بس البارح بالليل تسبحت بعد الحفله وبغت ابخر شعري وشب من الفحمه
حضنتها ام فيصل بخوف وتوتر وبدت تسمي عليها
ام سارة : قل اعوذ برب الفلق خطاتس السوى يمي انا قایله حصنوا اعماركم لكن ما يفيد
ابو مساعد : لاتضايقين يالولو الشعر بداله شعر زين اللي ماجاتس شي تبین نروح المستشفى ؟
ليالي : لا لا يبه الحمد لله مافيني الا العافيه
اذن وطلع ابو مساعد ،،، مشى بالحوش
ابو مساعد : لا اله الا الله
جا بیدخل المشب شافهم نايمين بالحوش
صرخ فيهم : قم انت وياه قم
فزوا العيال الا سالم وفيصل
عبدالله وهو يحك عيونه : سم يبه !!
ابو مساعد وهو ياشر على سالم وفيصل : صح المهبل يلا اذن
صحوا العيال وتوضوا وطلعوا للمسجد
سالم وهو يمشي مغمض عين ومفتح عين
مطلق يمشي جنب نواف: نواف وش الشعر اللي على ثوبك ؟
نزل نواف نظره لصدر ثوبه وشال الشعره : الظاهر من الهوى ولا من شیخه یوم سلمت عليها من شوي ،،، تذكر اللي صار قبل كم ساعة
