-نرجع كم يوم -
-لبنان-
-بیت فریده هانم-
فریده وهي تشرب القهوة : اخي هالمره غير وانا ابصملك بالعشر انو راح ترجع معك
[ ياخوي ذا المرة غير وانا متاكدة انها بترجع معك ]
محمد وهو ينزل فنجال القهوه التركيه : اكيد بترجع ونورهان جالسه تقنعها
-غرفه البنات-
نورهان وليالي منسدحين على سرير ليالي
نورهان وهي تناظر السقف: لولو
ليالي وهي تلعب بيدها وتناظر السقف: همممم
نورهان : شو رايك ترجعي مع بابا على السعودية
ليالي :مستحيل ارجع معو مابدي روح لهنيك
نورهان : بس هنيك بلادك
ليالي : مابدي عيش بمكان واحد مع سلطانة
نورهان : شو خص سلطانه فيكي وبعدين انتي لازم ترجعي مشان ماما جوجو وتشفي غليلها
وقفت ليالي : اوریتس يا عجوز الغبرين ،،، انا بدي روح مع بابا
-الوقت الحاضر-
اول مانزلت ليالي لارض نجد خذت نفس قوي وودها تحبس هوا نجد بجوفها قررت نجد تمطر تعلن دخول الشتاء
ضحك ليالي : هيه يابنت الجادل وجهتس خير على نجد قالها ومايدري انها صدق وجه السعد على ال جلوي
-في المحل-
ابو الجوهرة : علومك ياعم
ابو مساعد : دام مطلق بخير عبدالعزيز بخير
ام سارة : شقوم الهنوف ياحمد
ابو الجوهرة بضيق : ليومش ذا تبكي على شيخة
دمعت عين ام سارة وقام ابو مساعد من طاريها
ابو مساعد :غداك بكرا عندنا
ابو الجوهرة :لا ياعم
ابو مساعد : تقولي ياعم وتردني
ضحك ابو الجوهرة : ما عاش من يرد العز
طلع ابو مساعد وام سارة
-السيارة -
ابو مساعد : منیرة
ام سارة : يالبيه
ابو مساعد : المغرب كلكم ببيت سلطانة ولا احد يتخلف حتى فيصل ومساعد الصغار يجون
ام سارة : تامر
مر اليوم بدون حدث لين صار المغرب
-بيت ابو مساعد-
-المجلس الكبير -
الكل جالس ينتظرون دخول الجد
ام عبدالعزيز بهمس : يمه شصاير
ام مساعد : يالجازي لجيتيني لو ادري قلت لتس
الكل يتهامس الا عبد العزيز الكل توجه انظاره عليه
ام عبدالعزيز: عبدالعزيز شصاير ؟
عبد العزيز وهو مب طايق البيت باللي فيه : يجي ابوي وتعرفون
مر بیشته من قدام البيت المهجوره وتذكر ام محمد اللى عشقها وما عشق بالحريم كثرها
دخل المجلس فزو له وبعد السلام
رفض يجلس ونطق بصوته الثقيل الجهوري : يا اهل بيتي عمركم طلبتوا طلب ورديته
الكل كان رده بين : حشى ولا
ابو مساعد : تخبرون ما عشقت من الحريم الا ام محمد رحمة الله عليها انا خذيت سلطانة لجل انها بنت عمي وخذيتها عشان ابوي ومنيرة خذيتها
لجل انها بنت خالتي ولجل الولد و خذيت ام محمد لجل نفسي وراحت من عقبها وانا هاجر ام ساره لجل ام الولد ام مساعد الا كانت تسوي كل شي لجل اخفف روحات لليلة منيرة لكن من اليوم ماعاد لي زوجة الا منيرة البيت ذا ينهد وينبني من جديد ويتعمر مكانه بيت يليق بالشيخة منيرة حرم عبد العزيز ،،، التفت على ام مساعد ،،،، اسمعي ياسلطانة اطلعي لم حجرتس وعلى بيت القديم فضيته لتس لجل مايقال طلقها عقب سنين وانتي الجازي احشمي عمرتس ولا بيت ابوتس موجود
كل اللي بالمجلس مصدومین ويناظرون بعض
ابو مساعد : الشركة كانت بتخسر وارباحها بالنازل ماكان ودي غير انه اشكي همي لمرتي على قولتها ام الولد لكن ردها الله يسهلها انبسطت انه مرتي دعت لي قلت الله يحلها ويسهلها اصبح الصبح لقيت ممول مول المشروع سالت عن الممول وقالوا مجرد شخص لك جمیل علیه سکت ولا لقيت قدامي الا عبدالعزيز
كمل عبد العزيز : ابوي طلب مني اعرف الممول من ويوم عرفت انصدمت رفع ورقه مكتوب فيها
الممول / منيرة بنت سعيد ال جميل
دمعت ام سارة عيونها : ياعبد العزيز اذا مابينا حب فا بينا احترام وموده وعيال اذا ما وقفت معك بضيقتك مع من اوقف
عبد العزيز : تعرفون امي شسوت عشان ترجع الحياة للشركه؟
ابو مساعد : باعت كل اراضيها وفوقها بيت ابوها اللي كان باقي لها مثل هذي هي اللي تستاهل تسكن بالبيت الكبير وينقال لها الشيخه حرم ابو مساعد ،،،، التفت ،،،، خلص اجتماعنا ،،، ناظر ولده ،،مساعد
ابو عبدالعزيز : سم يبه
ابو مساعد : فض بيتك
فعلا فضت البيوت عشان بكرا العمال يجيون ويبدون شغل تعديل لجل تدخل الشيخه ام سارة على بيت يليق فيها و بمكانتها والفعل اللي سوته
