أنت الجنوب و أنا الشمال

" الحلقة 20 "

-جناح ندی -

ليالي : اقول فصول علامك قلت زوجك ماقلت زوجتس ولا زوجش ؟
فيصل وهو حاضن الجوهرة : عشان جوجو ماتقول زوجتس ولا زوجش انا بتكلم زي زوجتي
ضحكوا البنات عليه
ميعاد : لا واضح ولد اختي بيكون خروف مرته واضح
ندى بضحكه : غسلت يدي منه ومن ابوه
فيصل بعد تفكير عميق : عمه میعاد
قربت میعاد وشالته : وہ وہ وہ وش قلت !!
استحى فيصل ونزل راسه
ميعاد وهي تبوسه : وه وه وزين اللي يستحون
فيصل وهو ياشر على خده : بوسني بقوه هنا
باسته میعاد
ضحك فيصل ضحكته البريئة : نزلني نزلني
میعاد وهي تحطه على الارض : وين بتروح !!
ركض فيصل لين باب الجناح : بروح اقهر عمي ملوك انتس بستيني وهو لا
ضحكوا البنات وطلع فيصل يركض للمشب
ليالي وهي تضحك : الولد ذا ماخذ خبثي انا تاكدت
ميعاد وهي جسمها يغلي من اسم عبدالملك : كلي تبن انتي وولد اخوك فوقكم اروح عند ماما منيرة و ماما سارة احسن
طلع ميعاد والبنات يضحكون عليها

-الساعه 9 ونص-
-الصاله-
دخلت ميعاد وهي منفسه
ام سارة وهي تحضنها :وراه دكتورتنا زعلانه
ميعاد : بناتك
ضرب ام سارة كتفها بشويش : خواتس
ام عبد الرحمن : وين نوير فاقدة حسها
ام مطلق : بسم الله عليش ياعمة مافي ولا بنت اسمها نورة ونور الله يرحمها
ام عبد الرحمن : نورهان یامال العمى
ضحكوا الحريم وحاولوا يكتمون الضحكة

-المشب-
دخل فيصل المشب ما حصلهم
وقف قدام الباب وهو يفكر : ياربي وين راحوا ما يحبوني
راح المجلس شافهم يسولفون
وقف بنص المجلس
فیصل : عمي ملوك !!
مارد عبد الملك كان مشغول
عبد الملك وهو يلعب بلوت وقبيله مطلق
وضدهم نواف وقبيله عبدالعزيز
ابو الجوهرة يسولف مع ابو عبدالله عن الذهب واسعاره
سالم جالس يسولف مع فيصل الكبير و عبدالله والباقي يسولفون عن الشركه وذكريات الماضي
مشى فيصل ودخل وسط مربع البلوت وجلس بحضن عبدالملك
عبد الملك وهو يلعب : ها یالنتفه شبغيت !
كتف فيصل يدينه ومد شفايفه بزعل : ما احبك
عبد الملك وهو يلعب : افا ليه
فيصل : بس كيفي
عبد الملك : قم قم من حضني
فيصل : ما ..
ماكمل الا وعبدالملك مسك خده
عبدالملك : وش اللي على خدك
فیصل همس باذنه: حره عمه میعاد باستني ولا باستك
عبد العزيز وهو ينزل البلوت ويصرخ: 400
صرخوا العيال بحماسس
فيصل الصغير انحاش من صراخهم
نواف وهو يدق يد عبدالعزيز : حي عينك يالنسيب
عبد العزيز : حي نباك يا اخو صقيقي
كان عبد العزيز متربع مده رجل ونزل الاوراق : ها ها هاا العب معكم هلون قم قم انت و ذا الكمخه نبي مستوى
مطلق : اقول غش غش
كان عبد العزيز ومطلق يناظرون عيالهم واحفادهم وصداقتهم القويه اللي وصلت الى عيالهم وامدت الى احفادهم

-جناح عبد لعزيز-
كانت شيخه تغير النور
شيخه وهي تضحك على ضحكت : نور قولي ماما
نور وهي تضحك : مام
شالتها شیخه وباستها : ياروح وعيون وقلب ماما يلا مشينا بيت جده
نزلت شيخة وطلعت من فلة ابو عبدالعزيز متوجهه للبيت الكبير