-مطبخ البيت-
-الجلسه اللي بالمطبخ-
من اليمين لليسار
فريدة ، ام سالم ، ام سارة ، ام عبدالرحمن ، ام فيصل ، ام الجوهرة ، ام مطلق ، ام عبدالملك
كانت فريدة واقفه تسوي القهوه التركيه ومشغله فيروز تحديدا نحنا والقمر جيران
فريدة : راح تدوئو اطیب ئهوه
ام سالم : کنش حاسه الصداع ذابحني
جلست فریدة وبدت تصب لهم
كان قدام الجلسه
الخدم يجهزون الفطور
ماري : ماما الفطور جاهز
ام سارة : تبون نفطر على الارض ولا طاولة الطعام
ام عبد الرحمن : لا ولله على الطاوله ركيباتي ثايره علي
ام سارة : سمعتي ماما وش قالت
ماري : ان شاء الله ماما
جهز فطور الحريم والرجال
الرجال قرروا يفطرون بالحوش والحريم بالبيت
-جلسوا على الطاولة-
شوي ونزلوا البنات
ام سارة : من وين طالعه الشمس
جلست ليالي فوق الطاوله : ندى بنتس قومتنا وهي ماقامت
ضحكت ام عبدالرحمن: وش مسمرش فوق الطاولة
ليالي : اريح يمه
نورهان : تيتا اليوم غدانا حنيف بليز بليز بدي حنيف
ضحكوا عليها
موضي : صامله على حنيف ؟
نورهان : تیتا شوفيها
ام عبدالرحمن : مالكم شان في نورهان تقول اللي تقولها بنت الغاليه
ابتسمت فریدة: خلاص راح دورنا نورهان اخذتك الها
نزل فيصل يركض من الدرج
ام سارة: على هونك يمك
نزل فيصل وحضن ام عبدالرحمن : صباح الخير ماما
ضحكت ام عبدالرحمن : صباح النوير يازين الشباب
فيصل بضحكه: ماما ابي معثوب
اشرت على عيونها : من ذي قبل ذي
نزلت ندى وهي بكامل زينتها و عبايتها السوده على يدها
ندى ببتسامه جذابة : صباح الخير
موضي : اهخ من غدر الاحباب صرتي انثى اكثر من الجوهرة الله يرحم قميص الروز
ام الجوهرة بضحكه : جعل اللي هداها يهديش
موضي : لا عوده وبعدين ابحل بورع واتطلق مابي مابي
ندى بغصه : يلا فصول لانتاخر عن اذنكم
ام سارة : افطري يمتس
ندی : شبعانه ووراي محاضره مابي اتاخر ،، طلعت وهي تلبس عبايتها وتعدل نقابها وطرحتها
لفت الجوهرة على موضي : قسم بالله انك ماتعرفين تسولفين
ام الجوهرة : دواش عند حمد مب عندي انا غسلت يدي منش
ام سارة : اذكروا الله زلت لسان
فز موضي وهي تدمع لحقتها ام عبدالملك
كانوا الرجال جالسين على الطاوله اللي بالحديقه يفطرون طلع فیصل وحضن سالم
فز سالم وهو يشيله : على وين ؟
فيصل الصغير : بروح المدرسه
سالم بضحکه : قصدك روضه ياورع
فيصل الصغير : بابا مطلق شوف يقولي ياورع
ابو عبد الرحمن : ما الورع الا هو فيصل رجال
فيصل بضحكه: اي انا رجال
نزل عبد العزيز واهل بيته معه
شیخة من ورا غطوتها : السلام عليكم
الرجال : وعليكم السلام
دخلت شيخه للبيت
عبد العزيز : يلا فصول بوديك على طريقي
فيصل : ماما بتوديني
فجاة قطع صوتهم صوت ندى
ندى : صباح الخير
ابو عبدالرحمن : ياهلا هلا باللي له الخافق ياهلي هلا بشبيه الغاليه
[يقصد الشيخه ساره ام عبدالعزیز]
ضحكت ندی وباس راسه
ابو مساعد وهو يضحك : وانا ،،، وانا ابوتس ولا خلاص جا مطلق
ضحكت ندى ضحكه خلت قلب خالد ينحرق وهو يشوفها لاول تسولف بآسلوب هادي والحين يسمع نبرة صوتها اللي تغيرت
ندی بضحكه : افا عزوز انت الخير والبركه،،، لفت على فيصل ،،، يلا ياماما تاخرنا مساعد يلا بعد معي
عبد العزيز : انا بوديه
ندى : تراني عمه وامه مب ماكلته
سالم : خمیس ولا بنبدا الاجازه الكبيره غيبوهم
ندى : الحمد لله اللي ماجبت عيال وش اغيبهم يلا مشينا اذا وقفتني الدكتوره مب احسن لكم
مشت ندى وركبت السياره وساقت فيهم
طلع فيصل راسه من الشباك : حره ماما اول بنت تسوق فيكم
ضحكوا عليه
حرکت ندى ونزلت مساعد وفيصل لمدارسهم
اما عند خالد اللي قلبه انشعل عليها
عبد العزيز : يلا استودعتكم الله
طلع عبد العزيز للشركه
