-وقفت سياره لونها ابيض -
كان الكل متجمع على السياره ناس اغراب وال جلوي اما عن الحريم ربكوا بالسيارة عشان يصحون ام عبذالملك ويهدون هديل
نزل من سيارته يركض بعد ماشاف وقوف سياراتهم: يبه فيكم شي
لف ابو مساعد : عبد الملك هذي مب سيارتك ذا
عبدالملك : يبه يبه فيكم شي ؟؟ شوقعكم ياعرب
حضنه ابو مساعد
جا فيصل الكبير وحضنه بقوه : الله لا يكسر ظهري فيكم يكفي فارق اختي ام مساعد
نزلت هديل وحضنته : احسب فيك شي
بدا الكل يهدا
نزلت ام عبدالملك : عبدالملك امي انت الله لا يفجعني باحد فيكم امش امش والله ما اخليك تسوق لحالك
ضحك عبدالملك وباس راسها وراس ام سارة
ركبوا كلهم وتحركوا
-سیارة ابو عبدالعزیز-
نورهان : والله والله والله هي تلاته والله لو معنا وحده حبله واللهِ وهي كسرت الهاء لاتطرح من الرعبة
ضحكت ندی : تفوز عائلتنا بكثر عائله يصير لهم اكشن
عهود : يابقر ولا وحده فيكم ركزت باللوحه
نورهان : اسم الله حولك ما انتي كنتي ميته عياط بحضني وينن التركيز ؟؟؟
-حدود ابها -
دخلوا السيارات و كان ممنوع احد يوقفهم بنقطة التفتيش كان معمم لوح افراد معالي الفريق اول و عائلته ما توقفهم نقطه تفتیش
-اخر نقطه قبل ابها-
مر موكب السيارات جميع من في ذيك النقطة القاء التحية العسكرية
ليالي : مب هين عزوزي
هديل: احس بغرور اذا عرفت انه جدي
موضي: اقط واقول جدي ولا اسكت ؟
هديل : قطي قطي ماتدرين يمكن تصيرين کنه بقصرنا
موضي : عوذه من الزواج وهوايله
-قصر الشيخ ابو عبدالرحمن -
كان الكل على قدم وساق
نزلو على صوت الترحيب وطلق النار
كانوا حريم الشيخ ابو عبدالرحمن واقفين عند بوابه الحريم
سحب مساعد الصغير عليهم وركض يحضن شيخة
مساعد الصغير :وحشتنيبي
شیخة : وانت اکثرر
مساعد الصغير : والله
شيخة : اي والله يلا تعال جايبه لك حلويات كثيرررر
بعد التراحيب والسوالف نام الكل الا شيخة و مساعد الصغير كانوا جالسين عند الاسطبل
-الاسطبل-
نام مساعد وراسه على رجل شيخة
شافهم عبدالعزيز وتنحنح رفعت الطرحه وغطت وجهها
قرب عبدالعزيز
شیخه : ارحب بغيت شي وانا اختك ؟
عبدالعزيز : العذر منتس الصغار متعلقين فيتس جيت باخذ مساعد عشان ما يزعجتس
شيخة وهي تمسح على راس مساعد الصغير : ليت كل الازعاج مساعد مامن ازعاج يبو مساعد
مشى عبد العزيز وقلبه يحترق من كلام جده كان يتمنى ما يصبح الصبح
-اشرق شمس الجنوب البارده-
بعد الفطور
-بالمجلس-
ناظر ابو مساعد عبدالعزيز وتنحنح : يابو عبدالرحمن حنا اهل ورفاقه من سنين
ابو عبدالرحمن : ونعم الرفاقه يبو مساعد
ابو مساعد : مالك علي بيمين وانا اخوك بذا الدنيا من توفوا اخواني واهلي مابقى لي الا انت كان ابو عبدالرحمن ساكت ويسمع ولا يبي يقاطعه ،،، کمل ابو مساعد ،،،، من سنين و بينا نسب و ولد ويالله لك الحمد و اليوم خير يوم يوم اللي نناسب به شیخ مشایخ الجنوب ونطلب يد بنت من بناته على سنة الله ورسوله يابو عبدالرحمن ولا تهون يبو مطلق ويبو الجوهرة يشرفني اطلب يد الشيخة شيخة بنت عبدالرحمن لولدي عبدالعزيز بن مساعد على سنه الله ورسوله
تهلهل وجه ابو عبد الرحمن وابو مطلق
ابو عبدالرحمن : ونعم النسب والشرف لنا يوم نقبل بشيخ الشباب وعبدالعزيز ولدنا ما يحتاج يبو مساعد حنا اهل ومابين كل هالمقدمات والكلمه انقالت تم يبو مساعد
ابو عبدالعزيز : ماودكم تشاورون البنت
ابو مطلق : مالها شور عقب شوري وشور جدها
ابو مساعد : على بركة الله اجل الملكة قبل نعود نجد والود يبوعبدالرحمن تعود البنت معنا
ابو عبدالرحمن : تم يبن جلوي
ابو عبدالعزيز: يامسلمين وصلنا للملكة ولا خذينا شور البنت
ابو مطلق : قلنا تم لكن انا بشاورها بنفسي عشان ترتاح هذا طبعك يا مساعد ماراح لين تسمع باذنك التم
ضحكوا ودخل للصاله الصغيرة وقال لفيصل الصغير ينادي ام مطلق
