-عند مجلس الرجال-
ابو مطلق وهو يقصر صوته : مساعد
ابو عبد العزيز: همم
ابو مطلق : اخطبها
ابو عبد العزيز : صاحي انت ؟
ابو مطلق : انت تبيها وهي تبيك عجل بس
ابو ليالي : شقومکم تساسرون ؟
ابو الجوهرة : اي وراكم بلا
ابو مطلق : سوالف رجال انتم يا الورعان مالكم بها (يقصد انهم اصغر منهم)
ابو مساعد بحده: رجال طول بعرض ويتهامسون بمجلس رجال قموا لمجلس الحريم وتنقشوا بالحنا واقعدوا مقعدهم
ابو عبدالرحمن بحده : احشم المجلس والرجال انت وياه
شرق عبدالملك بالشاهي وهمس لفيصل : الشايبين فصل على الشياب
ضحك فيصل وحاول يكتم ضحكته
-عند بوابة البيت -
كانت فريدة تمشي بين النخل والورد وهي متحجبه بدون نقاب جت عيونها بعيون حب عمرها جت عينها بعين مساعد
قرب ابو عبدالعزيز منها وبينهم فاصل خمس خطوات : وحشتيني يافري
قاطعته فریدة بحده : بعد لا حدا يشوفك عم تحكي معي
ابو عبد العزيز: لو خطبتس توافقين
فریدة بحده وهي ترفع اصبعها : اوعك تفكر يامساعد انا عم حذرك مابدي ياك حلل عني مابدي كون لا الك ولا انت تكون لا الي
ابو عبدالعزيز : ليه ماعاد في شي يوقف في وجهنا ؟؟
فريدة : امك لستا موجودة وهيا بتكون اكبر عائق النا
ابو عبدالعزيز : امي ماهي مثل اول
مشت فريدة وهي من دخلها موافقه بس خايفه تقبل
دخلت فريدة للبيت الكبير وهي تدمع
-البيت الكبير-
-الصالة الخارجية -
فزت ام فيصل : فریدة شفیتس
فریدة : مساعد
ام فيصل : لين الحين يبيتس
فریدة : قمر انا تعبت عن جد تعبت انا تعبت
حضنتها ام فيصل : انا متفائلة انتس بتصيرين زوجة اخوي
فریدة : و سلطانة ؟
دخلت ام مساعد : شفيها سلطانة یا فریدة
وقفت فريدة : مافيها شي بس انا تعبت من ابنك عن جد تعبت خلاص خلي ابنك يبعد عني انا مابدي ياه
ام مساعد : وانا ابيتس زوجة لولدي ليتني خذيتس له من سنين كان ناصر ما انعدم ولا نور ماتت قومي قومي يا فريدة واستخيري انا طالعه من البيت حلال عليتس ولدي
ام فيصل: عمة انتي طالعة ؟؟
ام مساعد : اي والشيخ وافق
"فلاش باك"
-المكتب -
كان ابو مساعد جالس يراجع اوارق مهمه وتم اجراء بعض الاتصالات السياسيه
دخلت العاملة بعد ماطلبت الاذن
ابو مساعد وهو مشغول بالاوراق ولا رفع راسه : ها يا ماري
ماري : ماما كبير ابغا ادخل
ابو مساعد: منیرة ماتحتاج اذن خليها تدخل
ماري: ماما سلطانة
تنحنح ابو مساعد : خليها تدخل
دخلت ام مساعد وهي واقفه قدام مكتبه
ام مساعد : ياطويل العمر بعد اذنك انا ابي تعطيني الاذن اني اطلع من البيت برجع اعيش ببيت ابوي
قفل ابو مساعد الملف اللي قدامه: وش اللي يخليتس تعودين بيت ابوتس بعد وفاة اخوانتس ؟
ام مساعد : ماودي اكون ثقيله ابيك تقولي تم ياطويل العمر
ابو مساعد منصدم من انکسار جبروتها : هذا مطلبتس ؟
ام مساعد : ولاعندي غيره ياطويل العمر
ابو مساعد رفع السماعه : اسلام
اسلام : تفضل ياطويل العمر
ابو مساعد : جهز السيارة الشيخة ام مساعد بتطلع لقصر ابوها القديم وخلك عندها بالقصر اذا احتاجت اي شي انت موجود وخذ معك كم واحد لحراسة القصر مابي أي اذى يجيها والخدم انت تصرف
اسلام : حاضر تامر على شي ؟
ابو مساعد : سلامتك ،،، قفل الخط نادا ماري
ماري : ايوه بابا
ابو مساعد : خلي جوزفين و ليلي (ليلي مب ليلى) يجهزون عشان يروحون مع ام مساعد ،،،، التفت على ام مساعد ،،، تبين شي ثاني
ام مساعد : ماقصرت بس انت فهمتني غلط انا مابي لاخدم ولاحشم ولا رايحه للقصر اللي بالرياض انا رايحه الديره
ابو مساعد : دام ذا اللي تبينه صار
"انتهى الفلاش باك"
