-المشب-
انسدح مطلق على رجل سالم
مطلق: انا في وجه الله
سالم : اخخ ظهري صدري عظامي كل مكان
عبد الله بضحك : والله ياطلعتوا مدلعين
نواف : اقول عبيد انا عسكري وانكرفت وتعودت انت شلون متعود
عبد الله : كنت اتدرب جودو
نواف : اهاا
عبدالملك كان بسابع نومه من التعب و خالد كان منسدح بالزاويه وفيصل نايم على ظهر عبدالملك
عبد العزيز كان توه نازل من جناحه
دخل عبدالعزيز عليهم وضحك على اشكالهم
عبدالعزيز : ياصقيقي وش ذا الجثث ؟؟ ترا خفايف ياعيال ولله نشاط
مطلق : ورعان ياصقيقي لاتشره
عبدالله : نواعم خلهم
فيصل الصغير : عبودي
عبدالله : اذوبب انا عيون عبودي
فيصل الصغير : شفت كيف انا عندي عضلات زيك
مساعد : عمي طلوقي
مطلق ضحك وهو منسدح : عيونه
مساعد : طلوقي
ضحك مطلق : هاا ياعيون طلوقي
فجاة وبدون سابق انذار انسمع صوت انفجار
فزوا العيال يصرخون ويركضون من المشب
اولهم كان مطلق اللي رافع ثوبه وطلع يركض
فيصل الصغير تعلق برجل عبدالله وهو طالع
عبد الملك اللي كان نايم تحول الى دبابه قتالية من السرعة نواف مسك يد سالم وطلعوا يركضون لجهة الصوت عبد العزيز شال مساعد وطلعوا
فيصل الكبير الوحيد اللي كان نايم
صرخوا البنات من الصوت وطلعوا يركضون للحوش وكل وحده فيهم حاطه الطرحه بطريقة اغرب من الثانية
طلع ابو مساعد هو والكبار
كانوا ليالي وعهود ونورهان وموضي لابسين عبيهم وميتين ضحك
ابو مساعد : شصاير فيكم شين
ليالي وهي تضحك : يبه ماشفت سالم شلون طلع يحبي
نورهان وهي تمسح دموعها : لك خليكي من سالم شفتي شلون فيصل ماسك رجل عبود
عهود وهي تدمع من الضحك : اهم شي عبدالعزيز شال ولده وانحاش
موضي بضحك: شفتوا شكل مطلق !!!
ابو مساعد بضحكه : يالطلق
فهمه ابو عبد الرحمن : بنتك وتمون عليها
ابو مساعد : الظاهر عندنا عقابات عسكريه واجد اليوم
ابو عبدالرحمن : الظاهر يب .. ،،،، ماكمل كملته الا وفجاة انفجرت العبه الثانيه بس كان صوتها اعلى
صرخت الجوهرة واغمى عليها
موضي بخوف : يويلي اختي ماتت
تجعموا عليها
قرب عهود
(كانت طبيبة لكن تركت الطب لسبب نعرفه قريب )
زفرت عهود براحه : مافيها شي
فتحت الجوهرة عيونها وبكت : مامااا
حضنتها امها تهديها
ليالي : كننا زودتها
نورهان : لك حوبه انا ارتعبت من الصوت
كان مساعد الصغير يصفق وينط مكانه : بعد بعد لولو
استوعب عبدالله و حس بثقل خفيف برجله نزل راسه وشاف فيصل لاف يدينه ورجوله على ساقه وفخذه ،،،، ضحك عبدالله : وخر بالدمل
فيصل وهو يندفن راسه ويحضن عبد الله : لا لا في عويه
(عويه = جنيه )
ام عبدالرحمن بحده وغضب : وش ذا البربسه العيال الصبح وانتم الظهر خافوا الله مب جاي المغرب الا وانا بقبري
ابو عبدالله: اذكري الله
ابو مساعد : والله لا اربيكم
قربت ليالي من جدها وقالت بصوتها اللي يسحر المسامع : افا عزيز يهون عليك تعاقب شبيه الجادل !! ولا حفيدة شيخه ها يبه يهون
تنحنح ابو مساعد : بس یا بوتس
ليالي :يبه والله كنا نبي نخوف العيال بس اسفه مب صيدي اخوفكم
ابو مساعد ببتسامه : لاتعودينها انتي وخواتس يلا يلا تفرقوا
مطلق بصدمه : يبه غش تقطعت ظهورنا وذي قلت يبه ومدري وش سامحتها اقل شي على الخوف اللي خفنها
عبدالله : يبه عاقبهم
عبدالعزيز وخالد بصوت واحد : اي صح عاقبهم
سالم وهو جت لحظه ادراك مسك قلبه : يعني محد مات
ضحكوا كلهم
هديل بضحك على سالم : انت شلون عسكري !!
سالم : بالنيه قبلوني
نواف بجدية : يبه لن ارضى عاقبهم
ابو مساعد بحده : جعلك لا رضيت
ضحكوا على وجه نواف
ام فيصل وهي حاطه الطرحه على وجهها ما امدهم يلبسون نقابهم : لحظه لحظه ،،، هذا مطلق ، وخالد ،وعبدالملك ، وسالم ، ونواف ، وعبد العزيز ،، يمه ولدي وينن فيصل وين
طلع فيصل من المشب وهو يتمغط
فيصل بصوته الثقيل : شوقعكم مجتمعين بالحوش والبنات لابسين عبيهم بتطلعون ؟
عبدالملك بصدمه : انت كنت نايم ؟
فيصل الكبير : اي والله بس حلمت حلم اعوذ بالله اقشر
خالد وهو يكتم الضحكه : وش حلمت ؟
فيصل : انفجار هز البيت اعوذ بالله
هديل : ياثور واقع مب حلم
عبدالملك : ابو حفاضه ماعليك شرهه
ضحكوا كلهم وتفرقوا
