أنت الجنوب و أنا الشمال

" الحلقة 11 "

-بعد الصلاة -
-رجعوا الرجال من المسجد-
دخل ابو مساعد مكتبه
ودخل فيصل وراه
جالس ابو مساعد وفيصل واقف عند راسه
فیصل وهو  يردد : يبه ،،، يبه ،،، يبه ،،،  ابو مساعد ياطويل العمر ،،، حضرة الفريق
ابو مساعد بقل صبر: الله يعطيك الفضخ و الله بخطبها ولله بس شاف الساعه كم احد يخطب الان 
فيصل بعناد : يبه تكفى تكفى يبن جلوي نخيتك روحي فيها وابيها
طلع من المكتب وشاف ام فيصل بالصاله جلس جنبها
ابو مساعد : يالقمرا
ام فيصل : سم يالعز
ابو مساعد وهو ياشر على فيصل : ذا الثور مستلمني يبي يخطب هديل وش قولتس
عدلت ام فيصل جلستها : مب هين ابو حفاضه ناوي يعرس
فيصل : بسكت عشان اخذ الموافقه بعدين ارد
ضحكوا عليه
ابو مساعد : قوم اطلع برا
فیصل بصدمه : ليه !
ام فيصل : البنات نازلين
طلع فيصل ثواني و دخلت شیخه وهي شايله نور وماسكه يد مساعد الصغير
فز ابو مساعد : ارحبي يالشيخة
شيخه : المرحب يبقى علومك يبه
ابو مساعد : بخير يامال الخير هاتي الصغيرونه
جلست جنب ام فيصل
ام فيصل : بسم الله عليتس كل يوم تزنين عن اللي قبله
شيخة : شوي من اللي عندتس محد ينافس القمر
دخلوا ليالي و نورهان وندی وشوي هديل بعدها وعهود وام عبدالملك وام سارة وفريده
ابو مساعد : هديل
هديل : سم يبه
ابو مساعد : ولد خالتس فيصل خطبتس وش قولتس
طلعت هديل من الصاله بدون لاترد
ضحك ابو مساعد : على بركة الله انا طالع للشركه
لحقته منيره للمدخل وهي شايله بشته وتمشي وراها ليلي وهي ماسكه المبخر

-عند الباب -
وهي تعدل بشته وتبخره :ماصارت كل وقتك بالشركه
ابو مساعد : تشتاقين لي ؟
ام سارة وهي تناظر عيونه : عبدالعزيز
ابو مساعد وهو يبوس يدها : انا ولد ابوي تدللي يابعد روح عبدالعزيز
ام سارة : لاتبطي
ابو مساعد : مب يدي من يوم ما عبدالعزيز ترك الشغل وكل شي على راسي محمد ماسك افرع دبي ومساعد المستشفى يوم عبدالعزيز ماسك افرع نجد كنت مرتاح يلا فمان الله

-بالصاله -
دخلت ام سارة : انا محتاره بالملكة وين نسويها
ام عبدالملك وهي تكلم بالجوال : اي ابي اجهز موعد 13 شخص شرط الفساتين تكون هوت كوتور
عهود : بنات محتاره من وين اخذ الفستان حق الملكة والزواج ياويلي صدعت
ليالي : انا عن نفسي بروح فرنسا اشتري فستان الزواج وفستان الملك من الكويت
عهود: انا انا بالخطة معتس ناخذ عبود محرم لنا وندز
قفلت ام سارة الجوال : البخي انتي وياها حجزت مواعيد لنا بعد بكرا ،،، لفت على امها ،،، يمه ترا حجزت لحريم حمد معنا
ام سارة : زين سويتي
ام عبدالملك : اقول قمور بنتي ابي شبكتها الماس
ام  فيصل : من العين هذ...
قبل لاتكلم سمعوا صوت تكسر من جناح هديل

-جناح هديل-

دخلت الجناح وبدت تكسر العطور والاثاث وهي تبكي
ام عبدالملك وهي تدق الباب : هديل افتحي هديل افتحي ياماما
ليالي : هديل افتحي تكفين
ام سارة : هديل انا امتس منيره افتحي
ليالي : بنادي فيصل او احد يكسر الباب
نورهان : انا بدي روح خليكي ،،، نزلت تركض شافت فيصل بالحديقه جالس