-مر اسبوع وندى بجناحها وفيصل نايم عند جدته -
-يوم زواج خالد على ميار وفعلا قرر يجيبها للبيت-
-الظهر -
خالد : يمه عرس ولدتس شلون مب حاضرته
ام فيصل بحده : كلنا مب حاضرين العرس انا مب راضيه مالي كنه الا ندى وان شاء الله اللي في بالي
خالد وهو يناظر جدته : یمه منيرة
ام سارة وهي تشرب قهوتها : لا انا ولا بناتي بنحضر عرسك اقضب الباب
طالع خالد وهو منفس لكن قرر ينبسط بعرسه واللي هون عليه انه جده وخواله بيجون العرس
-الساعه 8 بالليل-
-قاعة الزواج-
كان الكل حاضر بما فيهم ابو الجوهرة
كان القصر منتشره فيه البخور والعطور
-بيوت ابو مساعد-
-جناح ندى وخالد -
كانت العطور متكسره والاوراق متناثره المرايا بالجناح منتشره على الارض
ندى وهي تشق الملابس : انا وش سويت وش سويت
دخلت ليالي مع بوابه البيت وهي تركض دخلت ومرت من قدام الصالة
كانوا البنات مصدومين كيف ليالي فجاة وصلت
وصلت لجناح ،، دقت الباب
ندى وهي تصرخ : مابي احد
ليالي : بنت خالتس مب احد
فتحت ندی : اسفه اسفه
ليالي حضنتها بقوه : مازعلت منتس
شهقت ليالي : اجهزي والله مايتهنى بعرسه امشي دخلت دخال
وفعلاً دخلت ندى تاخذ شور
صرخت ليالي : خلصي شور وتعالي الصالة
نزلت ليالي ركض للصالة وكان الكل مقرر انه مايجي العرس
ليالي : مب وقت سلام ولا كلام عندنا مهمه قوميه يلا عرس ورانا ردح ورقص
عهود : يامال البعر شلون عودتي
ليالي: يمه منيرة اسفه بس انا معوده عشان اکسر خشم اخوي السلوقي بالليل بسلم عليتس كل دقيقه نتاخر فيها تخرب الخطه
نور وهي تاكل ليمون : انا حامل طلعيني برا خطتتس
ليالي : حبيبتي الدلوعه انتي اولنا
دخلت ندى الصاله
ندی : هااا
ليالي: عشان ندى كل وحده فيكم تلبس فستان فخم ملكي ورانا عرس
ندى : مابي
ليالي : ترا عليتس نذر لازم توفینه
عهود : اخلصي وش الخطه ؟
ام سارة : دام الموضوع يمس بنتي انا اولكم بالتنفيذ
ضحكوا وبدوا يتجهزون
"فلاش باك الصباح بنفس يوم العرس "
-ابها-
-بيت ابو عبدالرحمن-
كانت ليالي تجهز شنطتها وهي تدمع دخلت شيخة
شهقت شيخة : وین وین
ليالي : بنت خالتي تحتاجني بس كم يوم وبعود
نزلت ليالي الصاله : يبه يبه
فز ابو عبدالرحمن : عسى ماشر يابوش من مزعل شيخه الحريم
ليالي : يبه ابي ارجع الرياض الان
ام عبدالرحمن : ليه
ليالي: ندى
ام عبد الرحمن : شوقعها
ليالي : تعبانه بعود محتاجتني
شیخه وهي تدمع : تعودت على حسش
ليالي : والله كم يوم وبرجع
"انتهى الفلاش باك"
-حوش الشيخ مساعد -
نور : بنات قلبي يرقع من الخطة
عهود : قوي قلبتس
ليالي : يلا يلا كل وحده تجلس بالمكان اللي اتفقنا عليه بالمصيبه اللي بنسويها
الخطه كالتالي
ليالي بتسوق وجنبها ام سارة
ورا ام فيصل ام عبدالملك نور ندی
واخر شي هديل عهود ميعاد
وصلت ليالي للقصر وقف الجيب
نزلوا البنات
