-ساحة البيت-
دخلت سیاره فيصل للحوش القصر اول مادخل شاف العيال واقفين برا اول ماشافو بدوا يرحبون فيه ،، رفعوا اسلحتهم وبدوا يطلقون اعلان وصلهم وقفوا الحريم من سمعوا صوت طلع النار وبدوا يغطرفون دخلت هديل وفصخت عبايتها وعدلت شكلها ودخلت للمجلس وهي مستحيه
اول مادخلت بدوا يغطرفون حست بشعور حلو انه كل الناس عرفوا انها حرم الدكتور فيصل بن سلطان
بعد السلام و الحضن والسوالف كان وجه هديل مشرق وكنه الشمس في اول مطلعها
تزينت عروس ال جلوي بفستان ابيض هادي يناسب هدوئها وجمالها وفتحت شعرها كانت تسحر بكل للكلمه من معنى
-بيت ابو عبدالعزيز-
-جناح عبدالعزيز-
شيخة وهي تلبس حلقها بغرفه الملابس سمعت صوت عبد العزيز وهو طالع
شيخة وهي شايله المخبر : عبدالعزيز
عبد العزيز وهو يرد عليها وهو ناوي يطلع من الجناح: ياروحه
شيخة بغرفة الملابس وهي تعدل شكلها: لاتطلع لين اجمرك
ضحك عبد العزيز : ابشري
طلعت شیخه وصوت كعابها قبلها كانت لابسه فستان لونه احمر بدون اكمام ومفتوح من عند الصدر والاكتاف كانت محرره الاسود الحرير اللي واصل لاخر ظهرها و حاطه ميكب خفيف كانت اية الجمال غير طقم الالماس اللي زادها جمال فوق الجمال
كان عبد العزيز متصنم مكانه بدون مايتكلم بحرف
شیخة : ثواني بس بجيب العود لاتروح دقيقه ،،، جت و بدت تبخره
كان ساكت ماتكلم بحرف
راحت قدام التسريحه تبخر شعرها
جا عبدالعزيز وحضنها من ورا
ضحكت شیخة بخفة ،،، شیخة وهي مستحيه : عبدالعزيز يلا روح تاخرت على الرجال
عبدالعزيز : حقي اجلس معتس لاتخليني اسحب عليهم !!!
شیخة : عبدالعزيز يلا روح
تكى عبدالعزيز على الباب : بروح اذا بستيني
ضحكت شیخه : استحی مساعد يطلب الطلب
عبدالعزيز : والله ذا شرطي عشان اطلع
قرب شيخه وباست خده يلا: اطلع ببدل لنوري
نزل عبدالعزيز من فلة ابوه وتوجه للمجلس الكبير
دخل دخل ببشته البني وقال بصوته الجهوري وهو مبتسم : السلام علیکم
سلم على ابوه وجدانه
فيصل : من المعرس انا ولا انت المفروض انا اللي اتاخر
عبدالعزيز وهو مروق و ببتسامه : انا المعرس عندك مانع
سالم بصدمه : حي عينها بنت عبدالرحمن هكرت البطل المغوار
ضحكوا العيال
كانو جالسين من الجهه اليسار
كم ضيف ، ابو عبدالله ، ابوعبد العزيز، ابومساعد، ابوعبدالرحمن ، ابومطلق، عبدالعزيز بعدين العيال
ابو منصور : وش صار على المناقصه يبو مساعد
عبدالعزيز : يبو منصور حنا الان في مناسبه سعيده وماله داعي النقاش في هذي المواضيع الشركه موجوده حياك في اي وقت ونتناقش باللي تبي
استحى ابو منصور وسكت
اشر ابو مساعد للعيال بمعنى زهبوا العشا
-مجلس الحريم-
كان الكل جالس يسولف ويضحك
ام منصور : ماشاء الله تبارك الرحمن وش هالزین یا عهود
عهود بخجل : تسلمين ياخاله
ام منصور وهي تاشر جنبها : تعالي يمي خليني اتمقل بهالزين
جلست عهود جنبها وهي تتتقطع حيا
نورهان بهمس : لك لك شوفي ام منصور بدها تاكل عهود بعيونها ياهه ولي شوفوا كيف عم تتطلع فيها !
ليالي بنفس الهمس : اي والله لك انا صرت اد الكمشه وخجلت كيف ماكون مكانا
ندی بهمس : دخلوني بالحش لا ولله اصرخ وافضحكم
هديل والجوهرة وموضي يناظرون بصمت
ام منصور وهي تمسح على شعر عهود وتذكر الله لفت على ام سارة: يام ساره اذا ماعليتس امر الاسبوع ذا جايتس بزياره
ام سارة ببتسامه : حیاتس البيت بيتس
وسط زحمة السوال دخلت عروستنا الثانيه
قام من في المجلس يسلمون عليها
جلست جنب ليالي وندى
