- بالماضي-
كانوا ابو عبدالعزيز و ابو عبدالله وواقفين جنبهم ابو مطلق و ابو الجوهرة
وقفت سياره
ابو الجوهرة : ياعيال ذا اللبناني و اهله وصلوا
نزلت بنت لون شعرها اشقر وعيونها بلون البحر و لونها بلون الثلج وشايله بیدها کتاب
نسحر ابو عبدالعزيز فيها فيها
رفع اسماعيل يده سلم عليهم
وردوا عليه السلام
دخلوا اسماعيل و بنته لبيتهم
خرب عليهم دخول عبدالعزيز الصغير وهو يسحب ثوب ابوه
عبد العزيز : يبه
مساعد بكره وصراخ: شتبي الله ياخذني شتبي يامال العمى
دمع عبدالعزيز الصغير ودخل داخل
-الصالة-
كانت الجادل تعدل شعرها والجازي جالسه تلعب مولودها الجديد ناصر ،،، دخل عبدالعزیز ابو ست سنين وهو يدمع
فزت ام عبدالعزيز
ام عبد العزيز : افا وش يبتسك (يبكيك)
عبد العزيز وهو يمسح دموعه : ابوي ما يحبني
ام عبدالرحمن وهي تلعب مطلق الصغير ومجلسته بحضنها: لا يبوي ابوك معصب شوي من الشغل
كانت ام سارة ساکته وجالسه تخيط مريول عهود ام ال ۱۰ سنين و ام فيصل جالسه تذاكر اختبارها بالثانوي و ام عبدالملك اللي كانت تلعب نور بنتها وحامل بعبدالملك وكانت تحسبه بنت
ام عبدالملك وهي تلعب نور : عبد العزيز تعال شوف زوجتك
قرب عبد العزيز وباسها : احبتس يازوجتي
ضحكوا عليه
كانوا ام عبدالملك و ام عبدالعزيز الصغير (الجازي) جايبين عيالهم بنفس السنه فرق اشهر بس وماكانوا يدرون انه ناصر الطفل البريئ ونور الجميله بتكون نهايتهم بنفس السنه نفس ماكان ولادتهم في نفس السنه
ام مساعد بنفس شينه : حفيدي ماياخذ حفيده منیرة
كانت ام عبد العزيز ماسكه فنجال القهوة بيدها ورمته بالارض بكل حده وغضب: سلطانة !!! علامتس اليوم صايله
فزت ام مساعد بخوف : لا ياعمه مافيني شي
ام عبد العزيز: منيرة زيني الغدا غداتس اتنطع بطعمه جعل يمناتس ماتمستها النار
ام سارة : علی امرتس يمه ماطلبتي شين قمر قومي عاونيني
قفلت قمر كتابها: حاضر يمه
ام عبدالرحمن : عن اذنش ياعمه بعاون منيرة والجادل و قمر
ام عبد العزيز : قولي يمه ارد علتيس
ضحكت ام عبدالرحمن : حاضر يمه
ام عبد العزيز : ياحظ وليدي مطلق بتس
الهنوف : وياحظ يوم انتس عمت ،،،،ماكملت ،،، اقصد امي
ضحكت ام عبدالعزيز وطلعت ام عبدالرحمن للمطبخ
-المطبخ-
كانت ام عبدالله(الجادل) واقفه تضبط قهوة مجلس الرجال
دخلت ام سارة
ام عبدالله وهي ترتب التمريه والفناجيل بالطافريه: يمه
ام سارة وهي تفتح درج البهارات : لبيه
ام عبدالله: الشامي وصل هو واهله اليوم
ام فيصل وهي تنقي الرز: يالملقوفه شعرفتس ؟
ام عبدالله وهي شايله الطافريه : شقومش علي يا مسلمه
ام سارة بضحكه وهي تسكر الدرج : اقول ارطني بلسانا احسن لتس
دخلت ام عبدالرحمن : منيرة
فزت ام سارة : سمي ياخاله
ام عبدالرحمن : لاتزعلين من سلطانة
ام سارة : افا عليتس ياخاله مازعلت
طلعت الجادل للمجلس اللي كان فيه ابو مساعد وابو عبدالرحمن
ام عبدالله وهي تحط القهوه : وهذي القهوه وجهزت
ابو عبدالرحمن : تسلم يدش يابنتي
ام عبدالله وهي تقهويهم : خالي وين مزون ماجت له فقده بس ارسلت مطلق مع خالتي الهنوف
ابو عبدالرحمن وهو يشرب القهوه : الله يهديها مزون قالت بتجلس عند اخوها احمد ولا رديتها
ام عبدالله : تامرون علي شي
ابو مساعد : لايبوتس
