ام مساعد وهي تمسح دموعها بطرف طرحتها : انا غلطت ودخلت الحيه الرقطه بيتي من اول وعمي ذياب وابوي الوليد وعمي جلوي وعمي سعيد رفاقه وكبرت انا ومنيرة وشيخة والهنوف مع بعض ياكثر ماركضنا بهل السكيك (الشوارع) تزوجت وجلست فوق السنه ما احمل جبرت عمتي سارة جدتس يعرس انا زعلت وانهارت وحطيت رجل بالسما ورجل بالارض ما يعرس يوم قال باخذ منیره وابي منها الولد هدیت دخلت اول ماشفتها نسیت انها طبينتي جلست لمها وتسولف ونضحك بعد فتره وسنين اعرس جدتس على شيخه لكن انا ومنيره ما عارضنا الا فرحنا جدتتس شيخه كانت مطلقه من ولد عمها سعود بعد ما اعرس عليها وجاب الجادل قالت له هات البنت واقضب الباب كانت الجازي بنت تسع ،،، مرت السنين وصارت الجازي مغير تروح بيت خويتها اثاري ام خويتها علمتها
السحر وتعلمت هي وخويتها على يد ام خويتها الجازي من وهي بنت تغار من الجادل وتغار من امها سحرت
جدتتس اول ما ولدت ابوتس مستوعب بنت عمرها ۱۰ تسوي هالسوايه يوم شفتها وجيت بوقفها عند حدها والله يابنتي مدري شجاني اكيد هي ودت الغرض لام البنت وعلمتها الوكاد صرت ما اداني محمد ولا الجادل ولا منيرة صرت اسوي المشاكل ذي كلها لكن شوفي ربتس وش سواها بها عقب كل هالسنين ربي رد لي عقلي وصحتي والله يابنتي يوم طلعتي من القصر هو اللي رد فيه عقلي
دمعت عيون ليالي وحضنت جدتها
ضحكت ام مساعد : الا مانشدتس شلون دخلتي البيت
مسحت ليالي دموعها وضحكت ورفعت المفتاح : شفت رسالتس وذا المفتاح
ضحكت ام مساعد
[تبون تشوفون وش بالرساله؟ ولا تدرون بخلي الرساله سر من اسراري انا متاكد اغلبكم يبي يعرف وش هي الرساله اكتفي اني اقول سلطانه بعد وفاة الجادل وسفر محمد وليالي خافت تظلم ليالي كانت تغيب ويرجع عقلها كتبت ذا الرساله وحطتها بغرفه شیخه لجل تشوفها ليالي ولا محمد ولا منيره اما محتوى الرساله بالنص بيكون سر من اسرار الروايه لكن خذيتوا فكره عنه يلا نكمل]
ليالي بفرح : يلاا يمه نعود للقصر
ام مساعد : مالي وجه احط عيني بعينهم
ليالي بزعل : يمه تكفين عودي معي
ام مساعد تبي تغير المووضوع : قولي يمتس وش صار معكم
ليالي : يوه يمه باتسر بننقل للبيت الجديد جدي ..... وبدت ليالي تعلمها من عبدالعزيز وشيخه وميعاد وعبدالملك وملكة مساعد وفريدة
-الساعة ٧ بعد صلاة العشاء-
كان كل من في البيت قايم وقاعد اللي يشيل واللي يرتب واللي يجهز الورد
-الصالة-
نورهان وهي تحط المسكره : یا الله لولو کثیر تاخرت ما بدنا نتاخر على میعاد
عهود وهي وقفه قدام المرايا اللي عند المدخل وتعدل فستانها وتلف تشوفه من الجنب وقدام : بنات بطني يمغصني تخيلوا ميعاد تعيي
ندى وهي تعدل ثوب فيصل وتلبسه : البخي يالغراب لاتنكدين
الجوهرة وهي تحط مناكير : بنات يلا والله تأخرنا
هديل وهي تبرد اظافرها : انا جاهزة
دخلت ام فيصل وهي لابسه فستان اسود ماسك وفاتحه شعرها البني اللي واصل لاخر ظهرها
صفرت موضي : يالبيهههه ياعمة وش ذا الزين الله يطعني عنشش
الجوهره وهي ترفع فرشة المناكير : ايووو ايش ذا الاسلوب موضي بس جد عمه قمر تهبلينننن
شيخة وهي تعدل لبس مساعد : سعودي ياويلك تاكل شكلاته لجل ما يتوصخ لبسك والله لا اجلدك اذا توصخ خلك كاشخ يعيوني زين ياماما ؟
باس مساعد خدها :حاضر ماما
فزت شيخه من الكتب : ايش قلت
مساعد بخوف : قلت حاضر ماما ماقلت شي
حضنته شیخة وبكت : الله لايحرمني منك ياعيون امك
ضحكوا البنات
الجوهره وهي تدمع : لا لا لا يخرب الميكب
سحبت ندى مساعد تبي تقهر شيخه : تحب خاله شيخة
عصب مساعد : اسمها ماما شیخهههه ماما
ضحكت ام فيصل : ياويسي
شيخه وهي تمسح دموعها
قرب مساعد وبيده الصغيره الناعمه يمسح دموعها : ماما لاتبكين انا احبتس قرب وباس عيونها
فيصل وهو يقلده ،،، قرب وباس عيون ندى : احبتس ماما
ضحكوا كلهم
دخلت ام مطلق : شیوخ علامش تبکین
شيخة : ولا شي يمه
دخلت ام عبدالرحمن ومعها منيره
ام سارة : ياويل قلبتس یامنیره اخلصن
الجوهرة : خالتو فريده وعمه سارة وينهم
ام عبدالرحمن وهي تصرخ : يافريده ياسارة ابطينا انا ما احب اروح متاخره
سمعوا صوت كعب من الدرج لفو كلهم
نزلت فريده وهي لابسه فستان ناعم لونه بيج وفاتحه شعرها الاشقر الطويل وعيونها الزرق اللي بلون البحر ،،، نطقت بصوتها الهادي : اسفه ماما تاخرت بس كنت بعمل شعر سوسو
نزلت ام عبدالملك وهي لابسه قفطان مغربي لونه ازرق وشعرها الاسود المايل للحمار اللي ورثته من امها نازل لين كتفها: قضيت يلا
موضي وهي تصفر : يالبيهههه وش ذا المزز قلبي عورني
شیخه وهي تمثل الدوخه : دخت دخت
هديل : فوفووو والله انتس قطعههه کیکه یاحظ مساعد
طلعت ام سارة للمجلس كان فيه العيال وابو عبدالعزيز وابو عبدالله
اما الباقي بالجلسة
