-جناح عهود-
كانت ليالي جالسة على طرف السرير
ميعاد وعهود جالسين بوسط السرير
الجوهرة جالسه على الكنبة ومتغطيه
اما هديل كالعاده تبرد اظافرها وجالسه فوق التسريحه
موضي جالسه تاكل شبس ومتكيه فوق الطاوله
نورهان و ندی جالسين بالكنبة الثانيه ومتغطين ببطانيه وحده
نورهان بصدمه : يعني لو ماما كانت بتحب عمو مساعد !!!
ندی : بنات مستوعبين ليه امي كانت تكرهني الان فهمت ليه كانت تقول انتي خيرتس لمنيرة مب لي ابوي اللي سماني شذنبي انا ،،، دمعت عيونها ،،، امي منيرة كانت تبي تزوجه حبه انا شدخلني تكرهني
ليالي بضحكه : ليش الدراما
عهود : لا جد جد تخیلوا نورهان تقول شقومتس
ضحكوا البنات
ندى وهي تمسح دموعها : ياحيوانه مالي خلق اضحك
قزت ليالي من مكانها : الحقوني
هديل وهي تبرد اظافرها وتنفخ عليها : وين مالي خلق
موضي وهي تاكل شبس: لا لا مالي حيل
الجوهرة وهي توخر البطانيه وتقوم من الكنبه : نفسي ليالي تقول قوموا وتقومون بدون معارضه خلاص انا وحده من الناس لو تقول الجمر بارد کليه باكله محد ماخذ حقنا الا ليالي ،،، هي قوموواا
حضنتها ليالي وتضحك : اهخ اعشقتسس امشي امشي معي
طلعوا ليالي و الجوهرة
هديل : بنات فيني لقافه قوموا
ميعاد وهي تلعب بشعر عهود : يلا بنات جاني فضول
موضي وهي تاكل شبسها : لا خلوني باكل شبسي وبشغل فلم
ميعاد وهي عارفه فضول موضي: كيفك بس اكيد بيصير اكشن على موضوع الزواج
طلعت موضي قلبهم
-الحوش-
كان ابو عبدالعزيز جالس
فجاة جته ليالي وحضنته
ابو عبد العزيز بضحكه : هلا ياروح عمتس ،،، ماهي الا ثواني وندى حضنته وجو نورهان وموضي وعهود وهديل والجوهرة
ابو عبد العزيز : هلا هلا بخلف جداني كنكم حاسين اني طفشان
ليالي : اقول عطني البشره
ضحك ابو عبدالعزيز : ابشر يبن جلوي بس على وش البشاره ابشر يبن جلوي كانتس تشابهين جدتس اسلم
ليالي بضحكه: ماما فريدة وافقت
ابو عبدالعزيز بفرحه : اسالتس بالله !!!!
[ فريدة ما وفقت لاترجعون تقرون هذي خطه من خطط السمراء الفاتنة]
شهقوا نورهان وندی
انصدمت عهود من كذبتها
ليالي بفرحه: اي اي وافقتتت ،،،، غطرفت ليالي ومعها كل البنات
ميعاد بصدمه : متى
همست الجوهرة : اهم شي اختي ماتطلع كذابه ،،، غطرفي
غطرفوا البنات ،،، طلعوا الحريم يطلون من الشباك
ام سالم من ورا الشباك : شقومهن !!
ام عبدالملك : علمي علمتس ياخيتي قومي قومي طلعنا لهم
طلعوا الحريم
ام عبدالملك بضحك: دوم شصاير
ابو عبدالعزيز بفرحه: لاتسوقين الخبال فريدة وافقت
ام عبدالملك بصدمه : بس ف
غطرفت ام سارة وهي تسكتهم
استحت فریدة ودخلت داخل
ضحكوا البنات
میعاد بوناسه: الله عندنا عرسس تكفون نبي عرس ليله ولا الف ليلة وليلة نبي افخم من عرس هديل
هديل بصدمه : يالخايسه !!
ابو عبدالعزيز : ابشروا بالخير
توجه لسياره وحرك
ام سارة : وین راح ؟
طلعوا العيال من المشب
عبدالله : يمه في احد !!
ام سارة : دقيقه يمك
دخلو البنات والحريم للقصر
ام عبد الرحمن : تعال يبوي
جو العيال
جلست ام سارة وام عبدالرحمن بالحديقة وجو العيال
مطلق : شصاير غطاريف !
ضحك عبدالله : عرسك ياوحش
مطلق : عوذه ما انولدت اللي تجيب راس مطلق
ناظرته ام عبدالرحمن وابتسمت
عبدالعزيز : البخ بس
فيصل الصغير ببراءة : عمي سلوقي وديني البقاله
مطلق : الله يسامحك يامساعد على طلوقي فيصلوه قل عمي مطلق وخلاص
حزت بخاطر فيصل : انا ادلعك اسف انت ماتحبني بس تحب مساعد ،،، دخل داخل
خالد بمزح : زعلت ولدي ياوورع
توتر مطلق : والله ما اقصد
فيصل بضحكه: لاتتوتر ياورع
طلع سالم المشب وهو شايل الفصفص و وراه نواف شايل القهوه والشاهي وعبدالملك شايل الفناجيل والبيالات
سالم وهو يقشر حب ويوزع عليهم : اسلموا يالشيخات
نواف وهو يصب قهوه : ليه تغطرفون علومني حرف حرف
عدل عبدالملك الجلسه : هاتوا العلم اللي يجمد على الشارب
انسدح فيصل على رجل عبدالملك : اقول يالخوي ريحنا من نقل العلوم
نواف : مسوي تقهرنا انكم قراب اوریکم ،،، سحب راس سالم ،، انسدح على رجلي
سالم : ياخي احبك ،،، انسدح على رجل نواف وهو يقشر الحب
مطلق ببتسامه : صقيقي !!
ضحك عبدالعزيز وعدل جلسته وتربع انسدح مطلق
خالد يمثل الزعل : وانا وانا
عبد الله : افاا انا اخوك انسدح كلي لك
انسدح خالد : ياخي ليتك جيت من زمان
ام سارة بضحكه : وين الرجال
مطلق : مدري كاثره روحاتهم يطلعون لحالهم ولا يعودون الا بعد صلاة العشا
سالم : ابي العلم !!
نواف وهو يلعب بشعر سالم : يالقفك بس البخ
عبد العزيز : اقول ياصقيقي
مطلق : عيون صقيقك
عبد العزیز بضحكه: امانه ماكانهم قرود الهدى وهم يفلون بعض( يقصد نواف وسالم )
ضحكوا كلهم
ام عبدالرحمن بضحكه: عزيز
ضحك عبد العزيز : يمه كبرت على عزيز خلاص اسمي عبدالعزيز
ام عبدالرحمن : عزيز يعني عزيز لو بدال الورع تجيب سبع بناديك عزيز
فيصل بضحكه: يالورع
ام سارة وتناظره بطرف عين : عض على شحمه يبو حفاضه الا عزيز
ضحكوا كلهم
فیصل يمثل الحزن : جزاتس الله خیر
ام عبد الرحمن : الا فصيل لحد يجيه
(فصيل دلع لفيصل مب غلط املائي)
قام فيصل وباس راسها : ما ننحرم يالغالية
سحبته ام عبد الرحمن وبدت تغني وهي تلعب بشعره
(فيصل وريث المرجلة
حطه يمينك وازهله
وادحم معه المعضله)
عبدالعزيز : يمه وانا ؟
ام عبدالرحمن : كلكم واحد
مطلق : يمه حنا ولا فيصل ؟
ام عبدالرحمن : لا كلكم واحد ،،، مسحت على راس فيصل ،،، الله يجعلني اشيل عيالك والعبهم على كثر مالعبتك وانت وغد
ضحكوا كلهم
نواف : واضح واضح المحبة لنا كلنا
ام عبدالرحمن : كلكم واحد بس فيصل شوي اغليه ولا كلكم واحد
ضحكوا كلهم
حب فيصل يدها: غني غني زود يمه
ام عبدالرحمن دفت راسه : قم عطيتك وجه
فيصل : عادي ذا طبع كل الجدات اول ماتطفش تدفك
ضحكوا كلهم
سالم : يمه انا يتيم
ام سارة : حتى انا يتيمه البخ واشرب شاهيك
سالم : منوره جرحتيني
ضحكت ام سارة : تعال ياعيون امك تعال
جا سالم وانسدح على رجل ام سارة
عبدالله : جداتي الغاليات ترا ولد الجادل هنا
كح خالد : وانا شربت حليبها وولد قمر يعني دبل الموضوع
عبدالملك بقل صبر : شصاير الان فهموني وشوله الغطاريف
ام سارة : مساعد بيعرس
ضحك عبدالعزيز : مستعجل ولدي
ام عبد الرحمن : ابوك اللي بيعرس
عبدالعزيز بصدمه : من يبي ياخذ !!!
مطلق : يمكن ف
قاطعته ام سارة : اي فريدة
فز عبدالله : امي بتتزوج !!
نواف وهو منصرع ضحك : اي اي امك وابوه يتزوجون
فطس سالم ضحك : لو امي تعرس بنهبل
عبد الملك : صدق يمه
دخل ابو عبدالله ومعه ابو الجوهرة وابو مطلق
ابو عبد الله : راحت علي ؟ ها الجمعه بدوني
دفت ام سارة سالم من حضنها : تعال يبعد حيي وخلف جداني
سالم وهو يحك يده : مشكوره يمه
جلس ابو عبدالله شنق امه
ابو عبدالله : قم قم يالعله
سالم : تراني يتيم
ابو عبد الله : البخ
ضحك ابو مطلق : جاكم العلم
ام عبدالرحمن : وش العلم ؟
ابو الجوهره بضحك: مسا
ماكمل كلامه الا وان فتحت البوابه
