-بيت ابو ليالي-
كانت ليالي متوتره اول مره تقابل شخص غير ابوها وجدها وهي بكتمل زينتها صحيح انهم اخوانها لكن اول مره تجتمع فيهم
دخلوا العيال
خالد وهو يلطف الجو: ماشاء الله كل ذا الزين اختي؟
قرب فيصل يبي يصافحها : ياليت تجيني بنت نسخه من عمتها
ابتسمت ليالي بتوتر مد يدها تبي تسلم
ضحك خالد : اقول اخوتس انا مب غريب تعالي بس ،،، حضنتها
ضحك ام فيصل بين دموعها اخیراً ارتاحت وعيالها حولها
-بالحديقة-
ندى بفضول وهمس لعهود: ياربي وش يصبرني بسولف معها
عهود : والله البنت صاروخ ارض جو
عبدالملك بهمس : ماظنتي في صاروخ غير ميعاد
سمعت هديل اخوها وشرقت بالعصير وهي تعدل حجابها : ملوكك !!!
غمز لها عبدالملك وعض شفته : البخي
جا مساعد الصغير يركض :بابا محمد
ابو ليالي: هلا بروحه
قرب مساعد و عطه خمسه ریال
حرك ابو ليالي راسه بدون فهم : وش ذا يبوي تبي فلوس؟
حرك مساعد راسه بنفي : لا لا
ابو ليالي :اجل يبوك
مساعد بجدية : هذا مهر ليالي بنتك ابي اتزوجها
ضحكوا كلهم
ابو عبد العزيز : مركز على اهدافك وانا جدك بس وش اقول هذا الشبل من ذاك الاسد ،،،حط يده على كتف عبدالعزيز
مساعد بحيره : يعني ماراح تزوجني؟؟؟
عبدالملك: ياورع انت صامل؟
مساعد وهو يناظره : اي حتى انت ميع (يقصد ميعاد قمز عبدالملك وشاله : تعال تعال بوديك البقالة
كتم فيصل الضحكه ولحقه
-البقالة-
البقاله كانت حول البيت
-عند رف البطاطس-
واقف مساعد ويده على خده يفكر وش ياخذ
عبدالملك وهو واقف وراه : ياوغد اخلص اختار !!
مساعد : ما اعرف لولو وش تحب؟
جا فيصل وهو يضحك : بغى يخلينا نفتح باب عزاك ذا النتفه
عبدالملك : البخ لا احط الحره فيك
ماسك مساعد حلاوتين بيده : عمو ملوك اي احلى هذي ولا هذي؟
عبد الملك : خذ اللي تعجبك
مساعد : بس ما اعرف لولو وش تحب !!
فيصل : تراك فليتها اختي ياورع
رفع مساعد كتفه : عادي هي اختك انت بس زوجتي
صفقه فيصل على راسه
-بيوت ابو مساعد -
-بيت ابو ليالي-
-جناح ليالي-
كانت ليالي جالسه تكد شعرهاانطق الباب
ليالي بصوتها الرقيق تحسبه ابوها : تفضل بابا
دخلت ام سارة وهي تضحك بخفه : لين الحين تغيرين صوتس؟
ليالي بنبرتها الحاده: لا لا بس حلقي يوجعني
ام سارة وهي تدري عن السبب ضحكت : تعالي وانا امتس
جلست ام سارة على الكرسي وليالي على الارض وبدت ام سارة تكد شعرها تغني :
(شعر مسلسل شعر هندي
بالمسك والعود يدهنونه
ليالي بنت ابوها سبعه
تخاطبوها واحد يقول
للثاني انا صبي لبوها)
ابتسمت ليالي وهي تحس بحنين لهم
ام سارة وهي تمسح على شعرها: یازین شعر بنيتي حصنتس بسم الله الفرد الصمد
حطت ليالي راسها على رجل امها منيره وبنبرتها الرقيقه اللي تسحر المسامع : يمه
ابتسمت ام سارة : ياعيون امتس تدللي ياملي
ليالي : سولفي لي عنكم
وبدت السوالف والضحك بين الجدة والحفيدة
نزلت ام سارة بعد ما نامت لولو بحضنها
