أنت الجنوب و أنا الشمال

" الحلقة 7 "

-المستشفى -

كانت ام سارة حاطه راسها على يد ابو مساعد وتدعي له
فتح عيونه وهو يحس بشي ابيض حوله وصوت اجهزه نطق وقال: مني ،،، منيرة ابي منيرة
رفعت راسها وفزت : انا عندك ياعيون منيرة ،،صرخت تنادي الدكتور
دخل الدكتور والممرضين

-خارج الغرفة-
دقت ام سارة على العيال جو كل العيال الا خالد اللي مقفل جواله طول الوقت
طلع الدكتور : ابشركم الوالد صحى
ابو عبدالعزيز : نقدر نشوفه ؟
الدكتور : طبعا الان بنوديه الجناح وتشوفونه براحتكم

-الجناح-
دخلوا العيال اولهم ام سارة وهي تدمع حضنته ماقدرت تسيطر على نفسه : ياهلا بريحة اهلي هلا ياهلا بسندي تو ما ارتاح بالي وانطفت ناري
ابو مساعد وهو يبتسم : ياعلني ماخلا منتس
فيصل الكبير : سعاد حسني عبدالحليم حافظ اقصد يبه يمه نبي نسلم يعني
ابو مساعد : شبي بالنجوم والقمر يمي ؟
ضحكوا كلهم واستحت ام سارة
فيصل الكبير : يمه يلا نوديتس البيت اكيد الرجاجيل بيجون لم ابوي
باست ام سارة راسه وطلعت

-بيت ابو مساعد-
دخلت البيت وهي تغطرف
كانوا البنات متجمعين بالصاله ،، فزوا بخوف
ام سارة وهي تدمع : غطرفوا حبيبي عود لي
بدوا البنات يغطرفون وانتشر الفرح بالبيت كله

-بالمستشفى-

دخل ابو عبدالرحمن وهو يمشي على عكازه
يوم شافه ابو مساعد جا يبي يقوم له
نطق ابو عبدالرحمن : استريح يبو مساعد لاتجهد عمرك
ابو مساعد: ارتحت بشوفتك يبو عبدالرحمن
غمز ابو ليالي للرجال واشر لهم يطلعون : نستأذن يبه

-خارج غرفة الجناح-
-صالة الجناح-
نواف يهمس لعبدالعزيز اللي صار قريب منه : بس بس ياورع
عبد العزيز بنفس الهمس : الورع انت شوقعك ؟
نواف بهمس : تهقى يتصالحون ونرجع زي اول ؟
سالم : ام زكي وفريال شعندكم ؟
حضن فيصل الكبير سالم : خلهم تعال انا اقولك سر
سالم وهو يحضنه : حره حتى حنا عندنا اسرار
ضحكوا الرجال
فيصل الكبير : يازينها من ايام كنا صغار ونلعب مع بعض ذكرياتت ياولد
عبدالعزيز بطقطقه : اي كنت توك بحفاضتك
فيصل الكبير : ياخي لاتخرب علي خلني عايش الجو اكيد يوم كنت بحفاضتي كنت العب معهم شتبي انت لازم تنكد ؟
سالم وهو يلعب بسبحته :احس مطلق و عبدالعزيز متخرجين من جامعة التنكيد على السعداء
ضحكوا الرجال

-بالغرفه -
ابو عبد الرحمن : دامك بخير انا ماشي للجنوب استودعتك الله ،،،، قام يبي يطلع
نظق ابو مساعد : اخخ
ركض ابو عبدالرحمن له وهو يمسك الجرح : علامك ياخوك انادي الدكتور ؟
ابو مساعد : مطلق انا غلطت اعذرني
ابو عبدالرحمن : خطاك ما يتصلح ياعبدالعزيز
ابو مساعد : انا غلطت اعذرني
حضنه ابو عبدالرحمن : مابين الاخوان عذر

"فلاش باك من سنين طويلة "

ابو عبدالرحمن : عبد العزيز انا احذرك من سلطانة على الجادل
ابو مساعد : انا اعلم في اهل بيتي
ابو عبدالرحمن : انا احذرك
ابو مساعد : مطلق لاتتكلم على بيتي وبيتك مخروب
فز ابو عبدالرحمن : وانا ولد ابوي بوش بيتي مخروب
بدوا يتهاوشون وتعالت الاصوات وصلت لمد اليد
صرخ ابو مساعد : البيت يتعذرك
ابو عبدالرحمن : طالع بين جلوي و يا خسارة رفاقتي لك
تفرقوا وطلع الشيخ مطلق من نجد بعد ماتهاوش مع اخوه وصديقه بسبب حریم تفرقو فوق ال25 سنه