දේදුනු හාදු [TK] On Going

[තිස් අටවෙනි කොටස]

සතියකට පසු..
කතෘගෙ මානයෙන්..

ගිය සතියෙ මිහිනුට උන අනතුර වෙලා අදට හරියටම සතියක් ගෙවෙද්දි පාසලේ ක්‍රිකට් කණ්ඩායමේ සාමාජිකයො ටිකනම් ගොඩක් කාර්‍යබහුල වෙලා හිටියා.. එදා මිහිනුව හොස්පිට්ල් එක්කන් ගියාට පස්සෙ ඩොක්ටර් කියලා තිබුනා උපරිම සතියකවත් විවේකයක් අරගන්න කියලා.. ඒත් මිහිනු කියන්නෙ පාසලේ ක්‍රිකට් කණ්ඩායමේ ආදිත්‍යට පස්සෙ ඉන්න හොඳම ප්‍රහාරාත්මක පිතිකරුවා.. ඉතින් ආදිත්‍යට ඕන උනත් මිහිනුව ගෙදරට කරලා තියන්න මිහිනුට ඕන උනේ නෑ ගෙදර ඉන්න.. අමාරුකම් පැත්තක දාපු මුරණ්ඩු කොල්ලා මේ දැනුත් ඉන්නෙ කට්ට අව්වෙ ග්‍රවුන්ඩ් එක මැද ප්‍රැක්ටිස් වෙන ගමන්..

මිහිනුට ට්‍රීට්මන්ට් කරපු ඩොක්ටර් කියලා තිබ්බෙ ගොඩක් මහන්සි වෙද්දි ආයෙම හුස්ම ගන්න අපහසු වෙයි කියලා.. ඒත් කොහෙද නාහෙට අහන්නෙ නැති කොල්ලා කොච්චර හුස්ම ගන්න බැරි උනත් සෙල්ලම් කලේ ආදිත්‍යගෙ කේන්තිය අවුස්සලා.. ඉතින් ආදිත්‍ය එයාගෙ අරලිය මල එක්ක මේ දවස් වල ඉන්නෙ තරහා වෙලා.. කොච්චර තරහා උනත් ඉතින් ආදිත්‍ය හැම තප්පරේම මිහිනු ගැන ඇහැගහගෙන හිටියා වගේම හොදට හොයලා බැලුවා..

එතකොට හෙට ඉදන් තමයි කොළඹ පාසල් පහක් එක්ක දවස් පහකදි තියෙන පුහුණු තරඟ පටන් ගන්න දවස.. ඉතින් අද රෑ වෙනකම් ප්‍රැක්ටිස් නෑ.. උදේ ඉදන්ම ග්‍රවුන්ඩ් එකේ ඉදගෙන අව්වෙ කර වෙවී සෙල්ලම් කරපු ක්‍රිකට් කණ්ඩායමේ සාමාජිකයන් රෑ 7 විතර වෙද්දි එකා දෙන්නා ගෙවල් වලට යන්න ගත්තෙ පැවිලියන් එකේ ආදිත්‍ය, මිහිනු, දිලුම්, ශේනුක වගේම විහස්න විතරක් අන්තිමට ඉතුරු වෙද්දි..

මිහිනු හිටියේ පැවිලියන් එකේ බිම දිගා වෙලා.. පණ්ඩිත කොල්ලා අද හුඟක් මහන්සි උන නිසා එයාගෙ බඩ ආයෙම රිදෙන්න අරගෙන තිබ්බා.. ආදිත්‍ය හිටියේ මිහිනුගෙ ටීශට් එක උස්සලා බඩ හරිය අතගාන ගමන්..

" ගොඩක් රිදෙනවද ම්ම්.. "

" රිදෙනවනෙ අයියේ.. "

" උබ, උබට කිව්වා නේද පොඩ්ඩක් ගෙදරට වෙලා ඉදගෙන රෙස්ට් කරන්න කියලා ආ.. මට රෙස්ට් ඕන්නෑ කියලා උඩදාගෙන ආවේ දැන් ඉදපන් ඉවසගෙන.. "