حب موروث

part 2

                   بسم الله الرحمن الرحيم

                     بقلمي : حب موروث

                       ﴿ البارت الثاني ﴾

         {هي انحچت بس ضل إثرها الكلمه }

﴿ريماس ﴾

ــ وصلنا لبيتنا بابا راح لغرفته واني رحت لغرفتي جانت ساعه ١١ بليل حضنت مخده رواس ودموعي صارت تنهمر وحده ورا الثانيه نمت واني اشهگ
فزيت من نومي على إثر كابوس شفت الساعه ب ٩ الصبح طلعت من الغرفه بابا جان يلبس بحذائه .
ــ يلا بابا لبسي نروح المحكمه
ــ ركضت للغرفه غسلت ولبست بسرعه بس اريد اشوف رواس ها بابا اليوم ما اداوم ؟
ــ لا بس اليوم غياب باجر داومي.
ــ هزيت راسي ييي لزم ايدي وطلعنا اجرنا تكسي ورحنا للمحكمه جان اكو هواي ناس واكفين دخلنا مكان مثل الغرفه جبيره بيها كراسي هواي
التفتت على صوت رواس .
ــ ريماسسسس.
ــ ركضت عليها حضنتهاا وثنينا نبجي هاا حبيبتي ها شلونج ؟
ــاني زينه انتِ شلونج اخذت عشره من عشره .
ــ بطله انت ِ رفعت راسي على امي شايله بيدها اياد ملامحها بارده محجت ويايه ..ماما .
ــ هاا ماما شرايده .
ــ ليش تطلگون ماما اني وين ابقى تعودت عليكم ليش هيج تسوين .
ــ بسبب ابوج هو يريد ننفصل .
ــ كالوا انتِ تراسلين ولد !! حجيت هل كلام وماحس غير وجهي صار نار من الضربه مالها
ــ نغمممممم ايدججججج اكسرها اذا مديتيها على ريماس .
ــ اجه بابا اخذني لحضنه واني مصدومه من ورا ضربتها رواس واياد كاموا يبجون نزلت دمعه حاره على خدي مسحتها بكف ايدي اليرجف دخل وراها خالي بابا خلاني اكعد وهو وكف يمي .
ــ ماما وخري ايدج اريد اروح يم ريماس وخرري .
ــ انتِ ميفيد وياج غير خالج ايهم الزمها .
ــ تعالي خالوا يمي كعدي راحه .
ــ گلبي يوجع واني اسمع شهگات رواس

دقايق ودخل القاضي بابا وماما راحوا يمه والمحامي هم وياهم امي مادري شنو حجت وابويه راد ينفجر من الاعصاب مر وقت وبابا وماما بصموا ونفصلوا عن بعض مجنت زعلانه عليها بكثر حزني على رواس بابا اخذ اياد باسه وباس رواس .

ــ يلا ريماس كومي بابا .
ــ بابا بس خلي احضن رواس ابوس ايدك .
ــ رواسس تعالي .
ــ اجتي تركض عليه حضنتها حيللل اشتميت ريحتها بست شعرها وعيونها واريد ابوس ايدها
جان تنسحب مني باوعت ماما اخذتها منيي بجيت بكل حرگه گلب رفعني بابا وطلعنا .
ــ امج رادت البيت واني قبلت انطي الها راح نكعد ويا عمتج هل فتره .
ــ هزيت راسي يي واني گلبي تكطع عليهم.

﴿ريام ﴾

ريام : ماما صبيلي اكلل ميته من الجوع .
هيام : شعجب اليوم ريماس مجايه ؟
ريام : مادري والله اتصلت عليها متجاوب بليل اشوف شبيها .
راهب : شلونهم البنيات ؟؟
ريام : راهبببب ركضنا عليه اني وريام مشتاقيله صار خمس ايام مشايفي جان بالواجب
هيام : مشتاقين .
راهب : هههه اني الاشوق گليبي شلونكم بالدراسه
سنار وين
هيام : گلبت عيوني  المدلله بغرفتها.
راهب : كلكم عندي مدللات روح اخوكم .
ريام : كافي يلا خلي اخويه يرتاح خلي نصب العشا .
راهب : يي والله جوعان .
هيام : خسه الجوع يلا ولج بساع .
راهب : ههههه .
سنار : اخويه حبيبي.
راهب : سنفوره تعالي تعالي گلبي.
ريام : راحت حضنته وهو بقى يسولف وياها سنار
الصغيره مالنا عمرها 5 سنوات