بسم الله الرحمن الرحيم
البارت العشرون
بقلمي : حب موروث
لتنسون التصويت والتعليقات حتى نستمر..
البلم لو زاد حمله یگوم من شطه يغرف وانه طعناتي من أخوتي والخناجر تختلف
شوف شيكلي الحميتة ولجله ماخذني النزف حز دمك لا تدمر هدومي....
ــــــــــــــــــــــــــــــــــــــــــــــــــــــــــــــــــــــــــــــــ
﴿ريام ﴾
ريام : باجر نروح اني وياج والبنات ناخذلج الاغراض المحتاجتهااا ونجهز لخطوبه راهب سوا ماشي .
رواس : ييي إن شاء الله.
ريام : فدوه للبنيات شوفي حبيبتي لتستحين من دائب هو يخاف عليج من الهوا اعتبري صديقج وشاركي يومج هو استاذج هم لتتقيدين ويا زين حبيبتي.
رواس : يي تمام .
ريام : عفيه وهسه اني راح اروح انام اذا احتاجيتي شي تعالي عليه جاي اطلع وتذكرت .. رواس البنات هنا لتتقربين منهم ولا تقوين علاقتج بيهم خليج بعيده ماشي .
رواس : هزيت راسي ييي طلعت واني كعدت صفنت على الحايط جان يدخل دائب عدلت كعتي وهو يحجي بالمبايل ومبين ضايج .ذب المبايل وكعد على التخم يدخن .. استاذ اكو شي ؟
دائب : امج رافعه دعوه تريد تاخذج بس سهله اني اعرف شلون اسكتها .
رواس : شوكت الجلسه ؟
دائب : بعد اربع ايام راهب كل مايريد يخطب يصير سالفه وتتأجل .
رواس : ليش الخطبه بنفس اليوم ؟
دائب : ييي شلون حظ عليه چؤ بلكت تنحل ونخلص .
رواس : ان شاءالله.
دائب : تعشيتي ؟
رواس : ييي اكلت ريام جابتلي هنا .
دائب : عافيات .
رواس : استاذ شلون ويا المدرسه اني راحت عليه الامتحانات ؟؟
دائب : ماخذلج اجازه مرضيه تمتحنين ويا الدور الثاني.
رواس : احم والمحاضرات شلون ؟
دائب : رابع انتِ تكدرين بدايه السنه تعيديهم وتلحكين إن شاء الله.
رواس : تمام.
دائب : يييي وهسه قابل نبقى بهلل كأبه شنو..
رواس : مفتهمت عليه كام وطلع من الغرفه ماعرف شكد مر وقت واجه بيده صينيه متروسه حلويات وجباسه ويا اجوي سنار وهيام .
