SR || Ongoing

36

'ටොක් ටොක් ටොක්....!'

කාමරෙන් එළියේ ඉන්න කවුරු වුණත් ඒ කෙනා නතර වෙන්නැතුව එක දිගටම දොරට තට්ටු දාද්දි එච්චර වෙලා ඇල වෙලා හිටපු ධමීර එකපාරටම ඇද උඩින් වාඩි වුණා . ඒත් එක්කම ස්වේනුත් එයාගේ කකුල් දෙක උඩ තිබුණ බෙඩ් ශීට් එකෙන් තදට අල්ලගෙන ධමීර දිහා බලලා රහසින් වගේ 'කවුද ඒ ?' කියන ප්‍රශ්නේ ධමීරගෙන් ඇහුවා . මොනාවුණත් එවෙලේ ස්වේන් හිටියේ ගොඩක් බය වෙලා වගේ කියලා කිව්වොත් හරි , සාමාන්‍යයෙන් ධමීර & ස්වේන් දෙන්නා ඇරුණාම වලව්වේ ඉන්න අනිත් අය උඩ තට්ටුවට එන්නේ හරිම කලාතුරකින් !

එතකොට ධමීරගේ පැත්තෙන් ගත්තාම නම් මේ විදිහට උදේ පාන්දරින්ම උඩට ඇවිත් ස්වේන්ගේ දොරට තට්ටු දාන්නේ කවුද කියන එක ගැන එයාට කිසිම විදිහක අයිඩියා එකක් තිබුණේ නෑ , ඒ වගේම එයා ස්වේන් තරම් බය වෙලත් නෙවෙයි හිටියේ . ඒක එහෙම වුණත් වැඩි වෙලාවක් යන්න කලින්ම ධමීරට වගේම ස්වේන්ටත් දොරෙන් එහා පැත්තෙන් ඇහුණ කටහඩ නිසා ඒ ඇවිත් ඉන්නේ කවුද කියන එක දැනගන්න පුළුවන් වුණා

" ස්වේන් පුතා... ඇහැරිලාද ළමයෝ ඉන්නේ ? පුතා...ස්වේන් පුතා "

" ශාරධා ආන්ටි ! "

දොර එහා පැත්තෙන් ඇහුණ කටහඩ කාගෙද කියන ප්‍රශ්නෙට උත්තර ඒ විදිහට එයාලට ලැබුණත් හරි ඊගාවට ධමීරට වගේම ස්වේන්ටත් ආපු එකම ප්‍රශ්නේ වුණේ ශාරධා මැණිකේ මේ උදේ පාන්දර තමන්ගේ රූම් එකට ආපු එක . කොන්දේ අමාරුවක් තියෙන නිසාම එයා වලව්වේ උඩ තට්ටුවට ආවේ බොහොම කලාතුරකින් , ඒකත් මොකක් හරිම ලොකු උවමනාවක් වුණොත් විතරයි . ඉතින් එහෙම එකේ අද උදෙන්ම ශාරධා මැණිකේ උඩට ආපු එක වගේම කවදාවත් වගේ නැතුව ස්වේන්ව ඇහැරවන්න හදන්නේ ඇයි කියන එක ධමීර-ස්වේන් දෙන්නටම එක සැරේටම හිතාගන්න බැරි වුණා

කොහොම වුණත් මේ වෙලාවේ ස්වේන් හිටියේ වෙන්න පුළුවන් උපරිමෙන්ම කලබල වෙලා , ඒත් තමන්ගේ අම්මා ස්වේන්ගේ රූම් එක ඉස්සරහා ඉන්න එක ධමීර නම් එච්චරටම බිග් ඩීල් එකක් කරන් හිටියේ නෑ . ඒ අස්සේ ස්වේන් එයාගේ වොයිස් එක අඩු කරලා රහසින් වගේ ධමීරට බනිද්දි එයා ඒ කියන ඒවා ඔක්කොම හෙන සාමාන්‍ය විදිහට අහන්න හිටියා , ඒ වගේම ස්වේන්ටත් කලබල නොවී ශාරධා මැණිකේට උත්තර දෙන්න කියලත් ධමීර ස්වේන්ට හෙමින් සැරෙර් කිව්වා