SR || Ongoing

38

" පුනරුප්පත්තිය ගැන ඇත්තටම දැනගන්න ඕන්නම් පන්සලේ ලොකු හාමුදුරුවෝ මුණ ගැහෙන්න යන්න , සිංහල ඉංග්‍රීසි ජාති දෙකෙන්ම පොත් කියවලත් ගන්න බැරි දැනුමක් උන්වහන්සේගෙන් ගන්න පුළුවන් "

තරිදු ඒ විදිහට කියපු දේ ස්කෝලේ ඉවර වෙනකන්ම ස්වේන්ගේ ඔලුව ඇතුලේ හොල්මන් කරත් කෙලින්ම පන්සලට ගිහින් මේ දේවල් ගැන ලොකු හාමුදුරුවන්ගෙන් අහන්නේ කොහොමද කියන ප්‍රශ්නේ ස්වේන්ට ලොකුවටම ඇවිත් තිබුණා . මොකද මීටකලින් ස්වේන් පන්සලට ගිහින් තිබුණේ අතේ ඇගිලි ගානටත් වඩා අඩු වාර ගානක් , එහෙම එකේ එකපාරටම පන්සලට ගිහින් මේ 'පුනරුප්පත්තිය' කියන මාතෘකාව ගැන කතා කරන්න එයාට කීයටවත්ම ඕනේ වුණේ නෑ

කොහොමහරි වෙලාව ගත වෙලා ගිහින් ස්කෝලේ ඉවර වුණත් හරි සුපුරුදු විදිහටම ස්වේන් වෙනදට එයත් එක්ක ගෙදර යන්න එන පොඩි පන්ති වල ළමයි ටිකත් එක්කම ස්කෝලෙන් එන්න ආවා . ඒ ඇවිල්ලත් ඇදුම් මාරු නොකරම කෑම මේසෙට වාඩි වුණ ස්වේන්ගේ ඔලුවේ වැඩ කරපු එකම දේ වුණේ තරිදු කියපු දේ විතරක්ම වෙද්දි සැරෙන් සැරේට කෑම කාමරේට ඇවිත් අඩු පාඩු බලපු සිරියටත් ස්වේන්ගේ හැසිරීමේ ඒ වෙනස්කම හොදටම තේරුණා

මොකද එදා දවසේ වලව්වේ හදලා තිබුණේ ස්වේන් ආසම ජාතියේ මෙනූ එකක් , එයා වලව්වට ආපු මුල් කාලේ කට්ලරීස් යූස් කර කර සැර අඩු කෑම බීම ගත්තා වුණත් දැන් නම් ස්වේන්ට ඕනෙම කෑමක් කන්න පුළුවන්කම තිබුණා වගේම එයා ඒ දේවල් වලට ආස වුණා . ඉතින් එදත් ස්වේන් කැමතිම විදිහට හදපු කෑම වේලක් එයාගේ ඉස්සරහා තිබුණා වුණත් එයා කලේ ඒ කෑම පිගාන නිකන්ම අනපු එක විතරයි , හැබැයි ඒ මුළු කාලේ පුරාවටම ස්වේන්ගේ මූනේ තිබුණේ ලොකු බැරෑරුම් ලුක් එකක් කියලා කිව්වොත් හරි

ඒ මදිවට ස්වේන්ගේ ඉස්සරහා තිබුණේ Journey of souls කියන පොත !

" මොනවද සුදු මහත්තයෝ ඔච්චරටම කල්පනා කරන්නේ ? කෑමවත් රස නැද්ද ? "

" නෑ නෑ සිරියා ආන්ටි , එහෙම එකක් නෑ "

කෑම මේසේ අඩු පාඩු බලන්න කෑම කාමරේට ආපු සිරියා ඒ විදිහට ලොකුම ලොකු කල්පනාවක හිටපු ස්වේන්ට ඩිස්ටර්බ් කරත් හරි ඒ නිසාම එයා ඉක්මනටම මේ ලෝකෙට ආවා . ඒත් එක්කම සිරියා දිහා බලලා හිනාවක් දාපු ස්වේන් කෑම වල අවුලක් නෑ කියන ගමන්ම පිගානේ තිබුණ පපඩම් කෑල්ලක් අරන් මුකුත් නොවුණ ගානට ඒක හපන්න ගත්තත් සිරියට නම් ඒ උත්තරෙන් සෑහීමකට පත් වෙන්න පුළුවන් වුණේ නෑ