SR || Ongoing

32

ස්වේන් අතේ තියන් හිටපු  ඇල්බම් එකේ තිබුණ ෆොටෝ දෙකෙන් එකක තිබුණේ එයාට කාලයක් තිස්සෙම මැවි මැවි පේන එක සිද්ධියක් වෙද්දි මෙච්චර කල් යටපත් වෙලා තිබුණ එයාගේ සුපුරුදු ඔලුව කැක්කුම ස්වේන්ව හොයන් ආවා එයාට අන්තිමට මතක තිබුණ එකම දේ වුණේ මුළු පරිසරයම කලු වෙලා අදුරු වෙලා යන විදිහ . ඒ වුණත් තත්පර තිහකින් වගේ ආපහු යථා තත්වෙට එන්න ස්වේන්ට පුළුවන් වුණා

" මොකද වුණේ එකපාරටම ? "

" ඔලුව රිදෙන්න ගත්තා , මහන්සියි "

තමන්ගේ ඔලුව රිදෙන්නේ එයාට අද මහන්සි නිසා වෙන්න ඕනේ කියන එක ධමීරට කියපු ස්වේන් එතනින් පස්සේ පුළුවන් තරම් ට්‍රයි කළේ ධමීරගේ ඇස් මානෙන් අයින් වෙලා ඉන්න . මොකද , ඇත්තටම එවෙලේ ස්වේන්ගේ ඔලුව රිදෙන්න ඇත්තම හේතුව වුණේ ඒක නෙවෙයි . හැබැයි ස්වේන් එහෙම මහන්සි නිසයි ඔලුව රිදෙන්නේ කියලා කියපු එකත් ධමීර විශ්වාස කළේ නෑ !

" ඇත්තටම ඒ නිසා වෙන්න ඇතිද ? You mean it ? "

" ඔව් "

ධමීරගේ ඒ ප්‍රශ්නෙටත් කලින් විදිහටම එයාගේ  බැල්ම මග ඇරලා අහක බලන් උත්තර දීපු ස්වේන් නිසා ධමීරගේ මූඩ් එක ආපහු ටිකක් සීරියස් එකක් වෙන්න ගියේ හරිම අඩු කාලයක් . මොකද , ස්වේන්ගේ මේ බොරු හේතුයි හැමතිස්සෙම එයා හොදින් කියන එකයි අහන එකත් ධමීරටත් දැන් එපාම වෙලා ගිහිනුයි තිබුණේ

" මන් දිහා බලලා කතා කරනවා ආශේර්ය , තමුසේ මොනවද මගෙන් හංගන්නේ ? "

" නතින්' "

" තමුසේ හිතන් ඉන්නේ මට මුකුත් තේරෙන්නෑ කියලද ? "

හරීම සන්සුන් විදිහට ධමීර ඒ විදිහේ ප්‍රශ්නයක් ස්වේන්ගෙන් ඇහුවත් ඒකට දෙන්න පුළුවන් විදිහේ හොද උත්තරයක් ස්වේන් ගාව තිබුණේ නෑ . ඉතින් තත්පර ගානක් ගත්ත ස්වේන් ඒකට දෙන්න ඕනේ උත්තරේ මොකක්ද කියන එක සද්ද නැතුව කල්පනා කළා . කොහොමත් ධමීර කියන්නේ මෝඩයෙක්ට නෙවෙයි , ඉතින් එයාට දැනටම මේ දේවල් ගැන පොඩි හරි සැකයක් ඇතිවෙන එක හරිම සාමාන්‍ය දෙයක්

ඒත් ඒක එහෙම වුණා කියලා ඒ දේවල් ඔක්කොම ධමීරට කියලා දාන්න පුළුවන්කමකුත් ස්වේන්ට තිබුණේ නෑ . මොකද එයා හිටියෙත් දේවල් කිව්වත් ඒවා කියන්න පටන් ගන්න ඕනේ කොහෙන්ද කියලවත් හිතාගන්න බැරි තරමටම පැටලිච්ච තැනක . ඉතින් ස්වේන්ගේ ඒ කල්පනාව අන්තිමට නතර වුණේ ධමීරට දැන්ම මුකුත් නොකියා ඉන්නවා කියන තීරණේ වෙද්දි ආයෙමත් සැරයක් ධමීරගේ ඩිරෙක්ට් බැල්ම මග ඇරපු ස්වේන් එයාට දැන් කියන්න ඕනේ වෙලා තිබුණ දේ විතරක් ධමීරට කෙලින්ම කියලා දැම්මා