بعدك يابوي اصبحت حياتي وهم

16

تنهد بضيق وهو يحط ايديه علئ راسه من هول المصيبه كانت سيلين منسدحه علئ سرير ابيض وتبكي بعجز: كان وراها ماقدرت اسوي شي غير اني انبها
تقدمت ام سلطان منها بضيق: اهدي يابنتي بيلاقونه الكلب ويجيبون بنت عمك
ابتسمت ام سند بهدواء: معها حق امك صدقيني بيلاقونها ويجيبونها
سيلين ب انهيار: صار لهم يومين يدورونها ماراح يلاقونها، كله بسببي انا ماقدرت احميها
نطق ابو تركي ب امر: بس خلاص الحين مانحتاج الا الدعاء لان الكلب ممكن يسوي فيها شي
تنهد الكل بضيق علئ حالهم،

حط يده علئ كتف تميم: راح نلاقيها ياولد اهداء
تميم بعجز: انا السبب بكل حاجه
ليت....
ماقدر يكمل كلامه، ورفع كفه وبكئ من حس بشعور الحسره والالم، جلس سند امامه: افا تبكي؟
تبكي ياولد محمد التركي، من متئ الرجال الي كمل تعب ابوه وبنئ ل ابوه اسم بالعالم يبكي كذا
تميم بقهر: بس ماقدرت اوفي ب امانة ابوي
انا اذيتها انا دمرتها بدل ما ابنيها
تنهد سند بقهر ول اول مره يواجه صعوبه بالقضيه، كان جراح ذكي جداً لدرجة انه كان حاسب حساب الكاميرات الي بالشارع وكيف اخفئ السياره ونفسه، ضرب الطاوله بقهر ووقف يحاول يهدي نفسه والتفت ل تميم: بلاقيه وبذبحه ابن الكلب والله ل اوديه بالف داهيه هالكلب والله ثم والله ل اندمه علئ الساعه الي انولد فيها

كانت محبوسه بغرفه صغيره ومضلمه ويادوب فيها ضو شمس ماكان فيه غير مروحه وسرير حديد، كانت منسدحه وعلئ ايديها كلبشات ومثبتات علئ حديد السرير حتئ رجليها نفس الشي كانت تصرخ بعلو صوتها تناديه بس كان مطنشها، فقدت الامل ماهي قادره تسوي شي ويدها مجروحه ورجلها مكسوره
غمضت عيونها بقوه ونطقت: يارب ساعدني يارب
صرخت بالم: جراااح انا عطشانه تكفئ
ماكان مصدقها رغم جوعها وعطشها صار لها يومين ماتاكل ولا تشرب ماكانت قادره تسوي شي ابداً

{مر اسبوع كامل، روين وجراح}
دخل عليها وجلس امامها ب استفزاز ونطق: اخذتك قدام عيونهم وهم ماقدرو يمنعوني
تعرفين؟
انتي مثيره ل الشفقه لهاذا السبب انا ناضرت لك
روين بكره: انت الي مثير ل الشفقه تعرف ليش؟
لانك مالك اهل وراك ولان محد معك
الكل تركك بس بقولك السبب، لانك متعجرف ومنحرف وحقير وسافل
وقف ومسك فكها بقوه وبحده: الضاهر اني ماربيتك زين يبي لك كم حرق علئ ضهرك بوقتها تتربين صح؟
ضحكت روين ب استهزاء: هاذا الي عندك؟
تعرف انت ليش كذا؟
لانك مو رجال ومو كفو تمد يدك وتفرد عضلاتك علئ بنت
ف الافضل لك تفردهم علئ رجال مثلك
اها ولا خايف؟
رفع يده وطبع كف علئ خدها ونطق بحده: انا رجال وغصبن عنك بس انا كذا ابيك انتي ريحتي راسك يابنت الكلب
بعدت روين راسها وهي تضرب راسه بقوه ونطقت بحده: مالكلب الا اشكالك يامريض
مسك راسه بألم وقهر: يامريضه، انتي ماتربيتي وانا راح اربيك
طلع جراح وغمضت عيونها روين من عرفت وش يبي يسوي، دخل بعد دقايق وكان معه غاز صغير وجلس وهو يشغله وطلع من جيبه حديده شوي صغيره وحطها عالنار لحد ماصار لونها احمر من الحراره وناضر لها ومسك يدها وحط الحديده علئ يدها بقوه،