تقدمت بصدمه ورفعت يدها تلمس وجه ابوها: انت عايش انت ابوي
ضمته بقوه وهي تبكي من الحزن والقهر والذل بس كافيها ان ابوها موجود ابوها الحين عايش حضنها محمد وهي تدفن وجها بصدره وتبكي واردفت ببكئ: بعدك يابوي تدمرت
ابتسم محمد بحنان وهو يمرر اصابعه علئ شعرها واردف: واليوم انا وراك يانور عيون ابوك
بعدت عنه ودموعها علئ خدها مد يده يمسح دموعها واردف: ماعاش الي ينزل دموعك وانا ابوك
روين شهقت ببكئ: تعبوني يابوي تعبوني
ضغط محمد علئ يده واردف: والله ل اخلي كل من لمس شعره منك اخليه يندم مدام انك بنتي
بعد عنها يتقدم من تميم الي همس: يبه انا....
قاطعه الكف الي من محمد الي اردف بغضب: تمد يدك علئ اختك ياقليل الخاتمه
التفت تميم ودموعه علئ خده: يبه هي....
محمد والنار بقلبه وبحده: حتئ لو كان السبب مو انت الي تمد يدك علئ اختك الوحيده
من متئ علمتك مدة اليد؟؟؟
سكت تميم ينزل راسه بكسره وصرخ محمد بغضب: تكلم من متئ؟!!
ماعندك جواب صح؟
مسك ياقة ثوب تميم وهو يشدها بغضب: تف عليك وعلئ رجولتك ياكلب
قد مره لمست شعره من امك؟؟؟
تكلم قد مره ضربت امك
حتئ لما امك خانتني مامديت يدي عليها ياكلب حتئ انت تجي تمد يدك علئ اختك
اختك هاذي مو عدوه لك اختك هاذي!!!
دفعه محمد وطاح تميم ع الارض واردف محمد بغضب وحده: اذا رجعت لعقلك بوقتها بسامحك انا الحين اشمئز منك
لانك مو ولدي الي ربيته وتعبت بتربيته قم انقلع من هنا يلا قم
التفت محمد علئ حمد واردف بحده: وانت تروح ل ابوي وتقوله لسه شر محمد ماصار عليكم بس قريب بيصير لانكم تجراتو تقربون من اولادي وتدمرونهم وقوله انه غلط كثير ب اختياره ل بنتي لان باللحضه هاذي زاد الشر عندي اطلع برا يلا اطلع
التفت حمد يخرج وكان محمد بيلتفت لولا تميم الي مسك يده يبوسها: يبه تكفئ سامحني والله اعماني الشيطان والله اعماني يبه
دفعه محمد برجله وتقدم يجلس قدامه واردف بحده: تنقلع برا مابي اشوف وجهك لانك ماركزت وفكرت زين انت مو ولدي الي ربيته وتعبت بتربيته
تميم غمض عيونه وهو مقهور وندمان جداً كيف قلب لهاذي الدرجه وصار يكره اخته مو عارف ايش يقول او ايش يبرر وقف وهو يناضر ابوه: اسف والله اسف يبه سامحني
التفت وهو يخرج ووقف محمد وهو خايف علئ تميم بس يقنع نفسه انه يستاهل التفت علئ روين الي ركضت ترتمي بحضنه، ابتسم ابو مطلق: الحمدلله علئ سلامتك صح اني مصدوم بس الحمدلله قدر ربي
ابتسم محمد وهو يجلس ولاتزال روين حاضنته وجلس بجانبه ادم ابو مطلق: اجل اتركم لوحدكم
طلع ابو مطلق وفيصل خارج المجلس وبعدت روين وهي تردف: والله مو مصدقه اسفه يبه اسفه
مرر اصابعه علئ خدها واردف بحنان: والله لو ذبحتيني حلال عليك يابنت ابوك
انتي ماتعتذرين هم الي يعتذرون الدنيا كلها تعتذر وانتي ماتعتذرين
روين بحزن: الكل دمرني وحملني فوق طاقتي الكل وقف ضدي بوقت ضيقتي يابوي الكل
باس راسها محمد وهو متضايق من الكل واردف: والله ليندمون كلهم كل الي لمسوك راح يندمون وانا ابوك
وكل الي بكاك راح يبكي دم
لاتبكين ولاتضيقين خلقك انتي بنت محمد مو بنت شخص ثاني
جلسو بالصاله واردفت ام مطلق بسعاده: الحمدلله الي هو عايش الحمدلله
ابتسم ابو مطلق وهو يحس براحه بوجود محمد: اي والله انك صدقتي
رفع فيصل جواله من سمع رنينه: هلا مسفر
مسفر: فيصل عرفنا مين الي فبرك الفيديو
وقف فيصل: مين؟
بلع ريقه مسفر ومن قال اسم الشخص حتئ تغير وجه فيصل بصدمه الشخص الي بعمره ماتوقع انه هو طلع هو، سكر الخط وهو يخرج من البيت ويردد بصدمه: هو هو مستحيل!!!
ركب سيارته يسرع فيها ماتوقع الغدر والخيانه كل هالايام الشخص الي يطبطب عليه هو الي دمر حياته، وقف سيارته ينزل منها ويفتح ازرار قميصه طاح علئ الارض يضرب صدره بقوه والم، صرخ بكامل بكامل قوته وهو يحس بنار تاكله نزلت دموعه ل اول مره ماقدر يمسك نفسه الخيانه والغدر الي حس فيهم كبير ضرب يده ع الارض بقوه لحد ماحس بالدم ينزل من يده ماكان يحس بالالم قد الم قلبه، طلع جواله وهو يشوف اسمه اسم الشخص الي دمر حياته ينور الشاشه رفع الجوال وسمع صوته يقول: هلا والله فيصل لازم نتلاقئ بقولك شي
فيصل بصوت مبحوح: وانا كمان بكوفي ال.... الحين لازم تكون موجود
قفل جوله ووقف يتوجه ل الكوفي دخل وهو يجلس جاء بعد دقايق جاء وجلس وهو يردف: زوجتي حامل وراح يجيني ط...
سكت من فيصل رفع راسه وعقد حواجبه يردف: فيصل وش فيك؟
حط يده فيصل ع الطاوله يردف: انت الي فبركت الفيديو؟
توتر سلطان: لا ليش حتئ افبركه وش بيني وبينك
وقف فيصل يسحب سلطان من ياقته يردف: لاتكذب لاتكذب اكره ماعندي الكذب
ليش انا سويت لك شي قلت لك شي؟!!
بعمري ما اذيتك زوجتك اختي وفرحت انك انت صديقي بتكون جنبي
وثقت ثقه عمياء فيك لييييششش؟؟؟
دفعه سلطان بقوه يردف: لانك اخذت كل حياتي انت دمرتني!!!
تقدم فيصل يضرب سلطان بوقس: انت دمرت حياتي دمرتهااا اهلي كرهوني كل اخوياي كرهوني اعتبرتك صديقي واخوي اعتبرتك اخوي
ليش تسوي كذا عشان بنت رفضتك ووافقت علي وش استفدت بفهم وش استفدت؟؟؟!!!!
بعد عنه فيصل يردف: لا اشوف وجهك ماابغئ اشوفه فاهم!!!
طلع فيصل ولحقه سلطان ركب فيصل سيارته وركب سلطان سيارته ولحق فيصل بعدو عن الكوفي وعن الناس ولف سلطان سيارته يوقف قدام سيارة فيصل نزل فيصل: انت وش تبغئ ماابغئ اشوف وجهك انت ماتفه....
قاطعه السكينه الي انغرزت بنص بطنه وسلطان يهمس بالم: اسف بس مجبور سامحني ياخوي
بعد عنه سلطان يركب سيارته ويروح، طاح فيصل ع الارض وجواله رن ب اسم روين فتح الخط قبل مايطيح وسمع صوت روين: فيصل انت وينك ابوي بيتفاهم معك
اردف فيصل بالم: ساعديني روين
طاح ع الارض وهو مو قادر ينطق زياده وصراخ روين واصل له وهي تساله وينه،،،
"يتبع"
أنت تقرأ
بعدك يابوي اصبحت حياتي وهم
Randomتعيش ب امريكا بس فجأه امها ترجعها ل السعوديه الي أهل ابوها يعيشون فيها وهي ماتعرف اي حاجه
