بعدك يابوي اصبحت حياتي وهم

48

التفتو من سمعو صوت صراخ روين وركض الكل لغرفة ابو مطلق يدخلونها بفزع وطلعت دانه من غرفتها توقف اما باب غرفة جدها وسمعت صوت احمد يقول: عضم الله اجركم
هنا ماقدرت تتحمل مسكت الجدار تجلس ع الارض تسمع بكئ وصراخ الكل ماهي قادره تستوعب نزلت دموعها تبكي هي فقدت الشخص الي دايم وراها فقدت الشخص الي رباها وماترك احد يمد يده عليها ادركت انها غلطت كثير بس بعد ايش؟؟؟
وقفت تصرخ بعلو صوتها بعدم وعي: جديييييي
دخلت الغرفه تركض ل ابو مطلق تحط يدها ع راسه ودموعها تنزل: جدي تكفئ لاتتركني جدي لاتخليني يتيمه تكفئ جدي
مسك يدها احمد يحاول يهديها وهي دفشته عنها تجلس تمسك يد ابو مطلق تبوسها ب انهيار: والله اسفه والله اسفه ماراح اسوي شي تكفئ جدي
شهقت ببكئ: لاتتركني جدي لاتخليني يتيمه جدي تكفئ

كانت روين تبكي وهي ماسكه ام مطلق تحاول تهديها، كانت بلقيس واقفه ودموعها ع خدها محد كان مستوعب الصدمه هاذي فجاه يموت، كان شي يقهرهم وقف ابو هتان يحاول يتماسك يردف: احمد اتصل ع الاسعاف يجون ياخذونه وبكرا ع صلاة الضهر نصلي عليه
هز راسه احمد بحزن وهو يحاول قد مايقدر مايضعف،،،

طلع ابو هتان يجلس بالصاله يتذكر اخر وصية ابوه له،

{فلاش باك، غرفة ابو مطلق}
كان ابو هتان جالس وبجانب ابوه امه واخته ام احمد جالسه امامه، اردف ابو مطلق بتعب: مطلق ياولدي
ابو هتان: سم يابوي
ابو مطلق: طلبتك وانا ابوك تحافظ ع كل شي
انا مااضمن عمري وممكن يصير فيني شي...
قاطعوه كلهم: بعيد الشر عنك لاتقول هالكلام
ابو مطلق: هاذا هو الواقع موتي قريب بس بوصيك ياولدي لاتقسم الورث خلكم جنب بعضكم لاتتركون بعض وانا ابوك حافظ ع العيله يامطلق حافظ عليها
وقف ابو هتان يبوس راس ابوه: الله يطول بعمرك يبه، وان شاءالله انت الي بتضل معنا وتحافظ ع عيلتنا عيلتنا بدونك ضايعه يابوي
{باك}

تنهد يردد: الله يرحمك يبه الله يرحمك

مرت ثمانية اشهر رغم صعوبتها وبداء الكل يتعود ويتماشئ مع الوضع، وتم تحديد زواج ادم وسيلين وتم عقد قران دانه ورواد،،،

{بيت عائلة المنصور، غرفة روين وفيصل}
كانت ماسكه ضهرها بسبب دخولها شهرها التاسع واقتراب موعد ولادتها، اردفت تصحي فيصل: فيصل قوم
مارد عليها وصرخت: فيييصصصلللل
فز فيصل: هلا وش فيك وش صاير؟؟
روين تحط يدها ع بطنها بدلع: مشتهيه توت
فيصل بقهر: مصحيتني عشان توت؟؟
تستهبلين انا ماصدقت الاقي يوم ماعندي شغل تصحيني عشان التوت
روين: لا صدق قلة ادب
بعدين اذا ماصحيت عشاني تصحئ عشان مين؟؟
فيصل تنهد بتعب: روين انا اعرف هرموناتك بالحمل بس تكفين هليني انام وارسلي السواق يجيب لك توت
ابتسمت روين: تمام نام انت نام!!!
استغرب فيصل من نبرتها كانت نبرة الوعيد تنهد من صعوبة الحمل مرات يحس انه هو الحامل مو روين من كثر ماازعجته، لاحضت روين انزعاجه تبتسم بهدواء تردف: احبك
قالتها بدون اي وعي ورفع راسه لها بتفاجئ يردف: عيدي وش قلتي قبل شوي؟
حطت يدها ع كتفه تردف: اها قبل شوي يمكن قلت احبك؟
ابتسم يردف: عيديها!
روين ابتسمت: احبك احبك احبك
ماقدر يتحمل وسحبها يحضنها بقوه يردف بسعاده: اخيراً قلتيها بعد شهور!!!
روين ضحكت: ليش كنت مشتاق ل الكلمه؟
هز راسه: اكيد مشتاق لها