بعدك يابوي اصبحت حياتي وهم

39

{اليوم الثاني، بيت عيلة المنصور}
نزلت وهو معها كانو يتكلمون وقفت تناضره: عاد شد حيلك بالشغل
ابتسم: من عيوني حبيبتي
ابتسمت وهو تقدم يبوس خدها ويطلع التفتت ع صوت دانه: ارتحتي ياخرابة البيوت؟
تكتفت تبتسم: والله ماادري مين خراب البيوت بيني وبينك وع فكره لاتنسين انك بعد كم يوم بتتطلقين منه والزمي حدك احسن لك
التفتت روين تروح لغرفتها لان فيصل مفهمها كل شي، انقهرت دانه تجلس وتهز رجلها بقهر وحقد،،،

رن جوال روين ترفعه ب ابتسامه: هلا سيلين، الحمدلله بخير وانتي كيف حالك؟، زين، اها الي امس اي هاذا فيصل تزوج، ههه شفيك؟، تطمني تزوج دانه ك اتفاق وبعد كم يوم بيطلقها، اوك حياك الله ياقلبي
قفلت من دانه تروح تجهز نفسها،،،،

سميره: ليش تروحين؟؟
سيلين: بعلم الست دانه قيمتها اكيد الست روين تبكبكت قدام الكلب هاذا!!
ضحكت سميره بصدمه: يابنت طيب هي تضحك وعادي
سيلين: انا عاد مو عاجبني زواجه من الحيه هاذي
طلعت سيلين وركضت وراها سميره طلعو وتوجهو لبيت عيلة المنصور يطقون الباب، فتحت الباب روين ب ابتسامه: اهلين
سميره ب ابتسامه: اهلين فيك
سلمو ع روين واردفت: وش رايكم نجلس بجناحي افضل
سيلين: اي بس انا بروح اشرب مي شوي واجي
هزت راسها روين تروح ل الجناح هي وسميره، توجهت سيلين لغرفة دانه تطق الباب ويوصل لها صوت دانه: تفضل
دخلت سيلين واردفت وهي تتأمل الغرفه: حتئ شي جديد ماجابو لك
وقفت دانه بغضب: انتي وش تسوين هنا انقلعي برا
تقدمت سيلين منها: راح تموتين من طمعك صح؟
راح تموتين؟؟
دانه بحقد: اطلعي ومالك علاقه فيني
سيلين ابتسمت ب استفزاز: انتي غيوره
مطت شفتها بتفكير: اممم اول وحده انا غرتي مني من حياتي وعيلتي وثاني وحده سميره وحقدتي علينا بدون اي سبب ثالث وحده بنت عمي؟
وليش ياترئ اه عشان فيصل الغبي ذا؟؟
تزوجتيه ب اتفاق انه بيطلقك بعدين وامس وين قضئ ليلته؟
ضحكت سيلين من شافت وجه دانه يتحول ١٨٠ درجه، واردفت: كنت اعرف فيصل مستحيل يناضر لك ياليت تفهمين وتستوعبين!
التفتت سيلين تخرج ودانه حطت يدها ع راسها تجلس وتبكي بقهر، كل الي قالته سيلين ماتنكر انه غلط كانت صادقه بكلامها كله،،،

{شركة محمد التركي}
محمد ضحك ب استهزاء: انت تعرف الي عشته؟؟
ولا واحد منكم وقف معي جيت ع باب ابوي بكيت كان ولدي مريض ويحتاج اغراض كنت ابكي عندكم ماتلتفتون لي
نزل راسه ابو سند: كنا مجبورين وانت عارف ابوي انت اكثر واحد تعرفه
محمد: اي الحمدلله اعرفه بس انتو كنتو تقدرون تساعدوني
ابو سلطان بهدواء: ماكنا نقدر!
مين قال اننا كنا نقدر هاه تكلم؟؟
ابوي بذيك الليله حلف انه يتبراء مننا ويتركنا وتطمن انت اخذت حقك اليوم بننطرد من البيت واسم عيلة التركي بينمحي من الحياه
محمد: ايش؟
سند: ياعمي جدي سواء جريمه كبيره وتم اخذ جميع الممتلكات الي يملكهم وتطمن احنا اشترينا بيتين واحد لعمي تركي وواحد لنا بس عمي تركي قصده انك تساعدنا عشان نبني هالاسم من جديد
عشان عيلتنا
نزل راسه محمد يردف: تمام انا عندي شركه صغيره للحين يعني كنت اكسب منها شوي وانتم كبروها واذا ماتبغونها بعطيكم الشركه الي ببريطانيا
مسك يده ابو سلطان: لا نبغاها انت ساعدتنا بما فيه الكفايه وانا بطلبك اخر طلب يا محمد
محمد: ايش؟
ابو سلطان: امي امي تبي تشوفك
صد محمد يردف: امي بقابلها تطمن بس مو اليوم
ابو سلطان: ليش؟
محمد: اليوم انا عازم بنتي وفيصل لعندي ع العشاء
ولازم احضر كل شي
ابو سند: ليش انت الي تطبخ؟
هز راسه محمد: اكيد انا الي اطبخ وانضف ولاتقول خدامه لان عندي المربيه تنضف بس انا مااحب غير تنضيفي وترتيبي
هز راسه ابو سلطان وبداو يتكلمو بمواضيع كثير،،،