بعدك يابوي اصبحت حياتي وهم

35

رموها ع الارض امام حمد الي اردف بكل برود: اسالك يا ادم بكل هدواء روين او سيلين؟
اعتقد ادم انهم انتهو من انهم يعذبو روين واردف لانه خاف ع سيلين: سيلين
وقف حمد يبتسم يتقدم من روين الي ع الارض تبكي من الم جسمها يمد يده يرفع وجها له يبتسم بشفقه ويرفع يده يصفعها بكامل قوته صرخت سيلين وهي توقف: يكفي يكفي حرام عليك حرام
مسكوها الحرس ومسك وجها حمد يلفه له يردف: الكل رماك انتي مثيره ل الشفقه روين محد يبيك ويحبك
التفت ع احداء الحرس يردف: خذها وارميها ب اي مزبله انا مو فاضي لها بسرعه
الحارس: حاضر
مسكها الحارس يسحبها ويرميها داخل السياره بعنف بس هي ماكانت تحس كان جسدها يحرقها وكانت ترجف ماكانت قادره تنطق بحرف واحد بداء الحارس يسوق ويوقف بنص المزارع يرميها خارج السياره ع الارض ويروح تاركها مرميه ع الارض كان ضلام كان ليل، وقفت تهمس بتعب: ابي مي
حاولت تتحكم بوقوفها وهي تحس انه جسدها متكسر ومو قادره تسوي شي، كان شكلها متبهدل، كان امامها بيت فيه ضو خفيف توجهت له تدخل وقابلتها بنت تركض لها: وش فيك ومين انتي؟؟؟
كانت ترجف وتكرر جمله وحده: ابي مي
ابي مي
طاحت روين ع الارض وهي مو قادره تتحكم بنفسها كانت ترجف وشفايفها ترجف ماكانت مستوعبه اي شي، وكانت تردد بس هالجمله، تقدمت منها البنت تمد لها المي كانت روين بتشربها بس طاح الكوب منها بسبب رجفتها مسكت البنت الكوب تعبيه مي وتشربها بنفسها كانت روين تبكي وترجف بنفس الوقت حطت البنت شوي ع يدها مي وتحطه ع وجه روين بس روين ماهدت كانت ع حالتها حضنتها البنت وهي تطبطب عليها وتحاول تخليها تهداء،،،

امر حمد احداء الحرس يدخل ادم وما ان ضلو لحالهم حتئ ادم التفت عليه يضربه ع وجهه ويركض يهرب منهم كان يركض بدون مايناضر وراه وكانل تفكيره كان ب روين اخته ووين ممكن تكون، تنهد حمد يناضر ل احداء حراسه يردف بخبث: سو الي قلت لك عليه
هز راسه الحارس: حاضر
توجه الحارس ينفذ الي امره فيه حمد واردف حمد بتنهيده: صار الي ابيه الحين اووه بس باقي ادم اخلص منه

كانت فيه سياره امامه وركب فيها وانصدم من شاف تميم الي اردف: الحمدلله وين روين؟؟
كان ادم يتنفس بقوه واردف: اسمع لازم ندورها لازم والا بيصير لها شي
بسرعه امش
بداء تميم يسوق السياره وفجاه وقفت السياره واردف تميم بقهر: اوف مو وقتها
ادم: ايش؟
تميم نزل من السياره: البانزين خلص
نزل ادم يحط يده خلف راسه بقهر: مو وقتها
كان تميم وادم مقهورين انتبه تميم ع ضو احمر صغير ع صدر ادم وعرف انه فيه شخص بيذبحه وصار امام الضو وهو يصرخ: ادم انتبه
وجت الطلقه ع صدر تميم الي طاح ع الارض وجلس ادم يضرب خد تميم: تميم تميم
بدا تنفس تميم يثقل واردف بالم: روح روح يا ادم دورها روح تكفئ بسرعه
ادم: كيف كيف؟؟
واتركك بالحاله هاذي لا تميم لا
تميم: ادم روح دورها تكفئ والله مو ناقص افقدها ادم روح
انت تعرف مكاني بس هي
سكت تميم وهو مو قادر يكمل واردف ادم: لا تميم انت لازم اوديك ع المستشفئ
تميم: ادم لو صار بروين شي انا ماراح اسامح نفسي روح ياادم روين لايصير فيها شي روح
ادم: تكفئ تحمل بس بروح اشوفها وصدقني بتكون بخير بس انت كون بخير
تميم: راح اتحمل انت روح شوفها ابوي بيزعل اذا ماشافها معنا روح
وقف ادم وقلبه يألمه وخايف ع تميم بس لازم يروح يشوفها لازم، ركض تارك تميم وراه وابتسم تميم يحاول يمسك نفسه، قاطعه ضواء سياره وقفت عنده ونزل الشخص منها يركض له وصرخ بخوف: تميم
كان فيصل اردف فيصل: وش فيك تميم
مد يده تميم يمسك يد فيصل يردف: ادم راح يدورها وراح يلاقيها
فيصل: تميم انت انت وش فيك؟
من سواء كذا
بلع ريقه تميم: حمد كان بيقتل ادم بس قتلني انا
ابتسم تميم يكمل: المهم فيصل تكفئ اسمعني
اذا قابلت روين قولها اني ماكنت بعقلي
قولها انه الشيطان لعب بعقلي
قاطعه فيصل: تميم وش هالكلام لاتقول كذا
تميم غمض عيونه بغصه يفتحها: الا، انا ضلمتها يافيصل ضلمتها
قولها اني اسف واني احبها فيصل
فيصل
ادف فيصل: هلا
تميم نزلت دموعه بعجز: انا ماقدرت احميها تكفئ اختي امانه برقبتك
تكفئ خلها تسامحني تكفئ قولها اني اسف قولها اني كنت غبي
سكت بألم من جرحه يكمل كلامه بكسره: قولها اني بعمري ماراح افرط فيها فيصل قولها اني بعمري ماراح اكرها
فيصل انا راح اموت اولها واخرتها بس لاتخليني اموت واختي مو مسامحتني
ضحك تميم ودمعته نزلت: كانت هي سبب سعادتي
ولازالت
فيصل بغصه: تميم
تميم: فيصل روح الحين روين بتكون تبيك انت روح
التفت فيصل يناضر ل مسفر صديقه الي اردف: روح فيصل انا بتدبر امره
التفت فيصل لتميم: راح نرجع ومعنا روين وراح تتعافئ وتكون معنا راح تسامحك روين وراح نكون مع بعض تطمن انت بس ان شاءالله بتكون بخير تمام
وقف فيصل يركب سيارته يتوجه يدور روين شاف بيت من بعيد وعرف انه هو لان روين اتصلت فيه وقالت له اسم المزرعه وقف ينزل واردف من شاف ادم الواقف بحيره: روين داخل
التفت ادم له وصرخ فيصل: روين روين انا هنا
طلعت روين وابتسم ادم بفرحه بشوفتها وكان بيحضنها بس انصدم من تعدته تحضن فيصل وتبكي بألم التفت يناضر لها وفيصل يربت ع ضهرها يهديها ويمسح ع راسها،،،

تقدم مسفر بيساعده واردف تميم: لاتتعب حالك
انا اعرف النهايه
مسفر: كيف؟
تميم ابتسم يتنهد: اشهد ان لا اله الا الله
واشهد ان محمد رسول الله
غمض عيونه تميم تدريجياً وجلس مسفر يهزه: تميم تميم اصحئ تميم
حط مسفر يده ع مكان النبض وغمض عيونه بصدمه يردف: لا اله الا الله لا اله الا الله
قدر الله وماشاء فعل
رفع جواله يتصل ع الشرطه والاسعاف وبعد نص ساعه جو،،،

كانت بالسياره وفيصل يسوق وقف فيصل السياره فجاه وهو يشوف الشرطه والاسعاف قدامه ناضر ادم ل المكان يهز راسه: لا لا لا
نزل ادم وركض يشوف الممرضين يحملون تميم ع الناقله ومغطين وجهه بردت اطرافه يهمس بصوت يكساه الحزن: لا لا ياربي لا
نزلت روين وفيصل والتفتت روين ع فيصل ب استغراب: فيصل وش السالفه؟
مين هاذا؟
ماقدر فيصل ينطق بكلمه كان ملتزم الصمت ومو قادر يقولها، كيف يقولها انه اخوها الي انقتل كيف يقولها ان الي ينقلونه يكون اخوها كيف؟؟؟
تقدمت من ادم الي دموعه ع خده تردف: ادم مين هاذا؟
انت تعرفه؟
استغربت روين من هدواهم وسكونهم بس قاطع الهدواء صوت شخص من الشرطه يردف: هاذا تميم ولد عيلة التركي صح؟
التفتت وسمعت صوت الشخص الثاني: اي الله يرحمه ويعين اهله
تقدم منها فيصل يمسك يدها: روين
بعدت يده عنها تتقدم من الناقله تمسك البطانيه تبعدها عن وجهه حطت يدها ع راسه تردف: تميم
تمنت يرد عليها ويقول"هلا ياروح اخوك" تمنت يرد لو بكلمه بس خاب ضنها لما مارد، اكملت تردف: تميم انا وش راح اسوي بدونك؟
تميم
هزت راسها تنزل دموعها: تميم لا تميم لا
تميم عندنا وقت نعيش مع بعض راح نسوي اشيا حلوه تميم
غمض عيونه فيصل يحط يده ع وجهه يبكي وجلس ادم ع الارض ودموعه تنزل بصمت، تنهدت بصوت باكي: تميم لاتتركنا تميم
تميم لاتروح تكفئ تميم اصحئ
انا سامحتك والله سامحتك بس لاتتركنا تميم تميم تكفئ اصحئ
تميم تكفئ قوم تكفئ تميم
تقدم منها فيصل: روين تعالي
مسكت يد تميم تهز راسها ببكئ: لا لا تميم راح يقوم لا لا
سحبها من خصرها يحضنها بقوه وهي ضربت صدره ببكئ: تميم مامات تميم مامات

"يتبع"