بعدك يابوي اصبحت حياتي وهم

46

كانت متوجهه لبيت عائلة المنصور عشان تتطمن ع روين بس الي وقفها طلوع روين مع دانه وركوبها ب السياره معها حست بفضول وقررت تلاحقهم، وقفو قدام بيت غريب بالنسبه لها شكله الخارجي جداً غريب نزلت من السياره بعد دخول روين ودانه البيت وشافت الباب تاركينه مفتوح شوي دخلت وشافت كل شي وماقدرت تتحكم بنفسها الا وهي ماسكه يد دانه ورافعتها لفوق، اطلقت دانه ع السقف ولوت يدها لورا تسحب السلاح من دانه تدفشها ع الارض وصرخت دانه ب الم: لاا
روين بخوف: سيلين!!!
سحبت سيلين روين وراها ترفع السلاح بوجه دانه وبحده وغضب: تستقوين علينا ياكلبه!!!
نزلت دموع دانه تمسك بطنها بالم: تكفين انا حامل
رجفت يدين سيلين بصدمه تردف: كيف؟
شهقت دانه ببكئ: كنت بتزوج فيصل واخليه يلمسني واحمل منه بس
روين: حملتي بعلاقه غير شرعيه؟
نزلت راسها دانه تبكي: تكفين والله بتركك بحالك بس ساعديني ساعديني
كانت روين بتساعدها بس مسكت يدها سيلين تردف: الالعاب هاذي مرت علي زمان دانه
ابتسمت وهي لازالت رافعه السلاح بوجها تردف: ياكذابه!!!
انتي لابطنك بارزه ولا شي يثبت انك حامل ست دانه اكذبي ع غيرنا!
الحين مهما سويتي راح تنسجنين فاهمه
وقفت دانه تناضرها بدموع: الضاهر اني ماراح انتصر عليك سيلين!!!
سيلين: اي وبعمرك، انا سيلين ماني وحده غبيه مثلك
الحين تجي الشرطه ويتم القبض عليك بمحاولة القتل
روين اردفت: لا!!
التفتت سيلين لها ب استغراب: ليش؟
روين: جدي مريض ويكفيه الي فيه ماراح انشغل وين احط هالمعتوهه
سيلين بهدواء: انا انشغل بس انتي قولي تم!
التفتت لها روين: سيلين!!
قلت لا!
ضحكت سيلين: من عيوني
نزلت السلاح تحطه بجيبها تناضر ل روين: امشي
طلعت سيلين ووراها روين، طاحت ع الارض دانه تصرخ بقهر والم،،،

ناضرت لنفسها بالمرايه وجها الشاحب والهالات تحت عيونها وعيونها الحمراء من البكاء رفعت كفها تمرر اصابعها ع وجها بخفه وبدون انذار نزلت دمعه من عيونها بسبب حالتها بدون قصد منها وصلت ل الحاله هاذي طلعت من غرفتها من سمعت صوت امها تناديها كانت بتنزل من الدرج بس ونزلت بس وقفت فجاه من حست بألم تمسك رجليها تجلس تحط يدها ع وجها تبكي، طلعت امها تناديها ومن شافتها ع الدرج جالسه وتبكي رجف قلبها تركض لها: يمه ريناد وش فيك يا امي
حطت يده ع كتفها تجلس امامها: وش فيك يا امي قولي
ريناد من بين شهقاتها: تعبت تعبت
كان رواد واقف قدام غرفته يناضر ل اخته غمض عيونه يضغط ع شفته بألم وقهر، حضنتها ام فيصل تمسح ع ضهرها: سلامتك يا امي سلامتك
كانت تبكي وتشهق بألم، دخل غرفته رواد يضرب راسه: غبي غبي كله بسببك كله بسببك
جلس قدام السرير ع الارض يحط يده ع راسه: انا وش سويت؟؟
كيف اسوي ب اختي كذا كييف؟؟؟
غبي غبي يارواد غبييي!!!

ام فيصل نزلت دموعها: ريناد يمه لاتحرقين قلبي يا امي لاتحرقين قلبي!!!
كانت تبكي بقوه ماكانت قادره توقف بكاء هي تعبت من الكل تعبت وهي تحاول ماتبين حبها ل سلطان تعبت وهي ماتبين قد ايش تعشقه رغم فعلته فيها وفي اخوها،،،،،

{في السياره، سيلين وروين}
اردفت سيلين: ليش ماتبين تدخلينها السجن
روين وهي تناضر من الشباك: عشان جدي يكفيه تعبه من المشاكل الي تجي ع راسنا ويكفيه انه يحاول يحلهم ما ابغئ ابلشه بالمصيبه هاذي
سيلين: بس هي حاولت قتلك!
روين التفتت لها: عشان كذا مابي ابلغ عليها
لو عرف جدي بيموت بيموت جدي مريض ياسيلين ومالنا عارفين كيف نرجعه مثل ماكان
صح يتكلم معنا بس هو تعبان انا احس فيه احس
حطت روين يدها ع وجها ووقفت سيلين السياره تناضر ل روين تحط يدها ع كتفها: بس هاذا قانون ياروين قانون!!!
التفتت روين لها بعيون دامعه: اعرف!!
انا هي ماتهمني ان شاءالله حريقه فيها، انا يهمني جدي
لاتفكرين انه ممكن انا اسوي هاذا الشي عشانها لا مو عشانها
انا مايرضيني تنزل دموع خالتي وجدي وجدتي يكفيهم الي فيهم رغم انهم ماقالو لما عن حالته بس انا اعرف واحس
جدي ممكن يصير فيه شي ب اي لحضه ما ابغئ ابليهم كمان
سيلين انتي ماتعرفين الي يمرون فيه وبالنسبه ل دانه جدتي متوعده فيها وبتربيها انتي تطمني
سيلين تنهدت: كيف بتطمن عليك وانتي عندها؟
ابتسمت روين بمحاولة تهدئة الجو بينهم: فيصل عندي مستحيل يسمح ل احد انه يلمسني
سيلين: ناويه تقولين لهم عن الي سوته فيك؟
روين ب ابتسامه حطت يدها ع بطنها: لا يكفي مصيبتها الي سوتها وراح تتعاقب عليها
سيلين ب استغراب: ايش؟
التفتت روين عليها: الجنين مافيه شي ولا انا فيني شي
وانا عرفت من نضرة جدتي انه دانه ورا هالموضوع عشانها عارفه انه فيصل بيجبرني اجهض ومستحيل يسمح لي انزل الطفل
ضحكت سيلين: الحمدلله الحمدلله، والله شكل دانه بتاكلها اليوم ههههه

{بيت عائلة المنصور}
نزلت والنار بقلبها دخلت البيت تصرخ بعلو صوتها: دااانننهههه
طلع الكل من الغرف واردفت ام هتان ب استغراب: دانه مو هنا ياعمه وش فيه؟
ام مطلق: اتصلي عليها الحين الحين ابيها تجي فاهمه الحين والله ان ماجت اذبحها بيديني والله!!!
جلست ام مطلق تهز رجلها بغضب وام تركي واقفه بهدواء وركضت بلقيس تتصل ع دانه، نزل من الجناح مستغرب من صراخ جدته: جده وش فيك؟
وش هالصراخ؟
ام مطلق: روين قالت لك؟
فيصل ب استغراب: ليش روين جت حتئ تقولي
ام تركي بخوف: كيف؟؟
روين ارسلناها مع احمد تروح ل البيت تقولك!
ام مطلق: روين ماعليها خوف اكيد رايحه تشتري حاجه اهدو
جت بلقيس: جده تقول الحين تجي
هزت راسها ام مطلق بوعيد: طيب طيب
فيصل: جده وش فيه وش صاير؟؟
ام مطلق ناضرته: روين ياولدي لاهي ولا الجنين فيهم شي هاذي بنت عمتك دانه متفقه مع الدكتوره تقول هالكلام عشان روين تجهض
فيصل انصدم من السالفه وانه كيف دانه توصل فيها لهنا، دخلت دانه بعد عدة دقائق، ووقفت ام مطلق تتوجه لها اردفت دانه: جده وش تبين سمعت...
قاطعها كف قوي ع وجها ومن قوته طاحت دانه ع الارض، شهقت بلقيس تحط ايديها ع وجها وغمضت عيونها ام هتان بفزع،،،

"يتبع"