بعدك يابوي اصبحت حياتي وهم

41

جلس امامها يردف: انتي وش فيك صدقيني هاذا شي حلو
روين ببكئ: اعرف بس ماابغئ الحين
ضحك فيصل: طيب، هل بتقدرين تمنعين الحمل؟
اكيد لا وبعدين احمدي ربك غيرك محتاج هالنعمه
روين مسحت دموعها: خلاص انت روح نام وتركني
فيصل: لا ماراح اتركك بعدين فيه شخص طبيعي عنده هالجمال يبكي ويروح يتركه
ابتسمت روين ومد يده لها فيصل يوقف ومسكت يده توقف معه فتح الشرفه يطلع وهو ماسك يدها يجلسون ويتأملون القمر تنهد فيصل يردف: لو اروح ل ابوي راح ارتاح برايك؟
ابتسمت روين تحط يدها ع كتفه: اي روح صدقني ان مارحت بتندم
روح الحين يا فيصل روح
فيصل ضحك: بتسلمين مني ترا الساعه ١٢
روين: انت غبي من ينام الساعه ١٢؟؟؟
روح روح يلا
وقف فيصل يوس راسها يردف: انتبهي ع نفسك وع الي ببطنك
هزت راسها وطلع فيصل يتوجه لبيت ابوه، دخلت ل الغرفه تسكر الشرفه وتجلس ع كرسي التسريحه تحط كريمات عشان تنام،،،

رن جرس الباب ودقايق فتح اخوه رواد الي نطق بصدمه: فيصل!!!
ابتسم فيصل: اجل مين؟
حضنه رواد بقوه: اسف اسف ياخوي اسف
فيصل: الماضي انتهئ خلص
بعد عنه يردف: وين امي؟
رواد: داخل داخل
دخل فيصل يتأمل البيت وقاطعه صرخت ترف: فيصل
التفت لها وهي ركضت ترتمي بحضنه وتبكي مسح ع راسها بحنان واردفت ببكئ: اشتقت لك
فيصل ب ابتسامه: وانا اشتقت لك ياعيون اخوك
طلعت ام فيصل ووراها ريناد وتقدمت بدموع تحضنه بقوه وتبكي من ضيق الايام الي عاشتهم بعيد عن ابنها البكر، وريناد واقفه تناضرهم بهدواء بعد الكل عنه واردف وهو يناضر ريناد يردف وهو يفتح ايديه: واختي الحلوه ما اشتاقت لي؟
ابتسمت ريناد بدموع تحضنه بقوه وهو يمسح ع راسها يحاول يهديها،،،

دخل بعد دقايق ل ابوه الي من شافه نزلت دموعه بندم تقدم يمسح دموع ابوه ويبوس راسه يردف: يبه لاتبكي
ماقدر ابو فيصل ينطق بكلمه كانت فقط دموعه تنزل بندم جلس فيصل بجانب ابوه يردف ب ابتسامه بعد جلوس امه واخوانه: يمه روين زوجتي حامل
ابتسمت ام فيصل بسعاده: صدق؟
هز راسه فيصل ب ابتسامه واردفت ترف: بس هي ماقالت شي عن زواجك؟
هز راسه فيصل يضحك: تحكمنا بوضعها ويعني اخذنا كم صراخ وتهزيئ منها
ضحك الكل واردفت ترف: حلو
التفت فيصل يمسك يد ابوه ويبوسها يردف وهو يناضره ب ابتسامه: بعد تسع اشهر بيجي حازم حفيدك يابوي
ابتسم ابو فيصل بتعب يناضر ل ابنه ولازال الندم بقلبه،،،

{اليوم الثاني | بيت عائلة المنصور| غرفة ام مطلق وابو مطلق}
صحت من النوم تتوضئ وتصلي تلتفت ل ابو مطلق الي بالعاده يصحئ قبلها، توجهت له: احمد
مارد عليها وهزته بقوه: احمد
خافت يكون صاير له شي وطلعت تصرخ بعلو صوتها: احمد مطلق تعالو مطلق!!
طلع الكل من غرفته واردف ابو هتان: هلا يمه وش فيه؟
ام مطلق بخوف: تعال شوف ابوك ضليت اصحيه مايصحئ
من اول ماسمعو كذا نزلو يركضون له ووقفو فوقه يصحونه والتفتو ل بلقيس يردف احمد: بلقيس شوفيه
تقدمت بلقيس تحط يدها ع مكان النبض تردف: النبض خفيف لازم ننقله ل المستشفئ ب اسرع وقت ممكن
حملوه ابو هتان واحمد يحطونه ب السياره ويتوجهون ل المستشفئ،،،