بعدك يابوي اصبحت حياتي وهم

40

{بعد اسبوعين، بيت عائلة المنصور}
طق الجناح وفتح فيصل: هلا جدي وش فيه؟
ابو مطلق: بنت عمتك راحت ل ابوها وابوها حالف مايرجعها وش فيه؟
فيصل: مافي شي ياجدي انا ماجيتها من لما تزوجتها اساساً عشان الاتفاق
ابو مطلق بتعب: اسمع يافيصل انا تعبان ومالي فاضي لكم روح شوف وش مشكلتها لاني ياولدي مالي قوي عشان اشوف مشاكلكم
مسك يد ابو مطلق يبوسها: افا عليك ياجدي بس لاتتعب حالك روح ارتاح
ابو مطلق كان تعبان جداً ومريض واردف بغصه: انتبه لاتطلقها لحد مايروح الوقت لاتعبني يكفي الي فيني ياولدي يكفي الي فيني
التفت ابو مطلق يروح وتنهد فيصل بقهر يدخل وناضرته روين وهي تشرب شاي: وش فيه؟
فيصل: الست دانه زعلانه
روين: تمام روح شوفها وانا ترا بروح لبيت اهل ابوي ابوي هناك وادم بيجي ياخذني تطمن
فيصل: تمام انتبهي لنفسك يانظر عيني
ابتسمت بهدواء: تمام ياقلبي
لبس فيصل يطلع وتنهدت روين تحط يدها ع فمها تركض ل الحمام تستفرغ، طلعت من الحمام تمسك بطنها بألم تتوجه ل الغرفه تتجهز،،،

{بيت عائلة ابو احمد، المجلس}
كان فيصل جالس ينتضر دانه تدخل، بعد عدة دقائق دخلت دانه تجلس واردف بعد دقايق: وش فيه؟
التفتت دانه تناضره: بكل بساطه انت تاركني بالغرفه ورايح لزوجتك
فيصل: يعني وش تبغيني اسوي؟
اترك زوجتي واجيك مثلاً؟؟
دانه: ايه يعني ايش؟؟
ترا انا عروس وماسفرتني حتئ مهر مااعطيتني وحتئ جناح مااثثت لي!
تبغاني مااسافر انا وياك وتجهز لك ولزوجتك سفره ليه؟
فيصل: لاتنسين انه زواجنا مجرد اتفاق
ووش تبغيني اسوي هاذي زوجتي الي تزوجتها برضاء مني ماسفرتها ولا اعطيتها مهر ولا اثثت لها جت ودخلت الجناح ماطلبت طلباتك التافهه هاذي
دانه بغرور: والله اذا هي لحجيه انا وش ذنبي
صرخ فيصل يوقف: دانه
صرخت دانه توقف: نعم؟؟
تقدم فيصل يمسك نفسه: احترمي نفسك احسن لك، وقولي وش تبغين؟
دانه وهي تناضره: تطلقها
عقد حواجبه فيصل: مين؟؟
روين؟؟
هزت راسها دانه بثقه وضحك فيصل ضحك هستيري وبعد ماهداء ناضر لها: والله انا مااترك زوجتي عشانك
دانه: اجل وش بتسوي؟
انا مالي راجعه
فيصل: اجل خليك منطقه ببيت ابوك وخلال يومين ان مارجعتي مثل ماطلعتي ورقة الطلاق جايتك
دانه: ايش؟
يعني مايهمك امري وهي يهمك امرها!!
فيصل: والله عاد لو نركز ع السالفه من الاول انا تزوجتك عشان جدي واتفاق بيني وبين جدي اطلقك بعد كم يوم اما سالفة انك تقولين وتقارنين نفسك بزوجتي الي حبيتها مستحيل يكون فيه مقارنه لانك تعرفين بالنهايه الي بقلبي
التفت فيصل يخرج من البيت ودخل ابو احمد واردفت دانه: بيطلقني بيطلقني
تنهد ابو احمد بقهر: كان لازم تخلينه يحبك وقلت لك سالفة التهديد مو حلوه بس انتي
كان لازم تخلينه يحبك
دخلت ام احمد: والله انا قلت فيصل لا لانه مستحيل يحب غير روين بو انكم قلتو رواد او هتان كان قلت اي ممكن يحبون بنتك

دخلت روين تسلم ع الكل وكانت ام تركي مبسوطه بوجودها جلست روين بجانب سيلين الي ابتسمت تردف: كيفك ياعروس؟
ضحكت روين: بخير يازوجة اخوي
ابتسمت سيلين بشرود، واردفت سميره: وش رايكم نروح ل الغرفه؟
اردف محمد: لا يابنتي فيه كلام لازم الكل يسمعه
ناضرت ام تركي ل ابنها الي اردف: انا لما جراح قتلني مامت انا اتفقت مع الدكتور ودفعت له فلوس يقول لكم اني مت
كنت مقعد كنت مخبي ولدي ادم عن الكل عشان ابوي مايذبحه
غمضت عيونها ام تركي بغصه وفتحتهم يكمل محمد: كنت خايف عليه بس كان لازم يراقب بنتي روين وتميم وايش يسوون والي صدمني تميم الي ضرب اخته ماانكر اني كنت بطلع واذبحه واضربه لما مد يده ع بنتي
ابتسمت روين من كلام ابوها وحطت سيلين يدها ع كتف روين ب ابتسامه واكمل محمد: بس ادم وقف بوجهي قال لازم اول شي نحدد الوقت لان كذا مايصير
وسكت ولما شفت فيصل تزوج بنتي عرفت انهم راح يحبون بعض لان فيصل من لما كانت روين معه بالمدرسه كان معجب فيها وسكت وفعلاً ماخاب ضني ابد
فيصل حب روين ووالله مستحيل ابعدهم عن بعض لانهم بالنسبه لي افضل اثنين بالدنيا ولما تميم جاء مع حمد يذبحون روين طلعت بس طبعاً بعد مااتصلت ب ابوي
ابو سند: يعني ابوي طاح لما سمع صوتك؟
هز راسه محمد: اي لهاذا السبب سال عن روين عشان يصحح خطأه بس مع الاسف ماقدر
لاني بوقتها طلعت عند تميم وحمد ووقفتهم والحين انا قدامكم الحمدلله
وقف ابو تركي: من يوم وطالع ماراح نفترق يامحمد لان الايام فرقتنا بما فيه الكفايه
وقف محمد: اي ياخوي مستحيل نفترق
قربو من بعض يحضنون بعض ووقف ابو سند يحضنهم ووقفت ام تركي تبكي وتحضنهم، ضحكت سيلين تهمس: مشهد حزين
روين وهي حابسه ضحكتها: اسكتي حرام لايسمعونا

سميره: اقول امشو بنات للغرفه خلاص
روين: اوك
وقفو البنات يتوجهو للغرفه يجلسن ويسولفن، فجاه مسكت روين فمها تركض ل الحمام تستفرغ وكانن البنات عند الباب: روين وش فيك
طلعت روين: مدري وش فيني
احس نفسي تلعي ومابي اكل اي شي وبطني توجعني
ناضرت سيلين لها بشك: ليكون حامل؟
شهقت سميره: والله يجوز
ضحكت روين: لا لا مستحيل اكون حامل
سميره: ليش هو مالمسك؟
روين: الا لمسني بس لا مستحيل
سيلين: مافي شي مستحيل ماتدرين انتي
انتي عندك تحليل حمل
هزت راسها روين: اي عندي
سميره بحماس: لما ترجعين حللي وشوفي وقولي لنا تكفين
هزت راسها روين بتفكير وصدمه،،،

{الليل، بيت عائلة المنصور"غرفة روين وفيصل}
كانت منسدحه ع السرير تبكي، دخل فيصل للجناح ودخل الغرفه: روين
تقدم منها: وش فيك
كانت روين تبكي وتشهق بقوه وخاف فيصل عليها يردف: وش فيك
روين من بين شهقاتها: طلعت حامل
فيصل: ميين؟؟؟
روين من بين شهقاتها: انا انا طلعت حامل
ضحك فيصل بصدمه: ايش؟؟؟
وقف فيصل وهو مبتسم بسعاده بردف: طيب ليش تبكين؟
روين: مالي مستعده
كانت روين تبكي وفيصل مبتسم بسعاده،،،

"يتبع"