Unicode
၇၀ ခုနှစ်က မင်းခင်ပွန်းဆီ ကံကောင်းခြင်းတွေ ယူဆောင်သွားပါ
အပိုင်း ၈၀ - ယောက္ခမနှင့်ချွေးမ၊ ရှက်ရွံ့ခြင်း
စုယွဲ့ သူမတို့အခန်းကို ညွှန်ပြလိုက်သည်။ " ဒေါ်လေးက အခန်းထဲမှာ အပ်ချုပ်စက်ငှားသုံးနေတာ "
မာချွေ့ယွင် အားနာသွားမိသည်။ အပ်ချုပ်စက်က မနေ့ကမှ စုယွဲ့တို့ အိမ်ကိုရောက်လာတာကို သူမရဲ့ ယောက္ခမက မနက်အစောကြီး အ၀တ်အပြဲတွေကိုင်ပြီးရောက်လာတယ်တဲ့။ လက်နဲ့ချုပ်လည်းရနေတဲ့ဟာ ဘာလို့ အပ်ချုပ်စက်ကို လာငှားနေရသေးတာလဲ။ အ၀တ်ပြဲနေတာလေး ချုပ်ရုံနဲ့ အပ်ချုပ်စက် မလိုအပ်ဘူးလေ။
ယောက္ခမဖြစ်သူ၏ အကျင့်စရိုက်ကိုသိနေကာ ဘာတွေဘယ်လိုလုပ်တက်သည်ကိုလည်း သိနေသဖြင့် မာချွေ့ယွင် ခေါင်းကိုက်လာမိသည်။
စုယွဲ့နှင့် မျက်နှာချင်းဆိုင်ရမှာကိုပင် အားနာမိသဖြင့် တံခါးကိုပြန်ပိတ်ကာ တိုးတိုးလေးကပ်ပြောလိုက်သည်။ " အားနာပါတယ် စုယွဲ့ရယ်။ အစ်မယောက္ခမက ဒီလောက်အစောကြီး ညီမတို့အိမ်ကို လာမယ်လို့မထင်ထားဘူး။ အစ်မကြိုသိရင် မလာခိုင်းပါဘူး။ တစ်ခုခုပြောရင်လည်း စိတ်ထဲမထားပါနဲ့နော် "
စုယွဲ့လည်း လက်ခါကာ ပြန်ငြင်းလိုက်သည်။ " အဲ့လိုမပြောပါနဲ့။ အပ်ချုပ်စက်ငှားသုံးတာလေးပဲဟာ။ ဘာမှမဖြစ်ပါဘူး "
မာချွေ့ယွင်က စိတ်ညစ်နေသောမျက်၀န်းများဖြင့် သက်ပြင်းချခဲ့သည်။
စုယွဲ့လည်း ကပ်ပြီး ပြန်မေးလိုက်သည်။ " အစ်မယောက္ခမနဲ့ အဆင်မပြေဘူးလား။ နှစ်သစ်ကူးပြီးလို့ ပြန်လာကတည်းက အစ်မ စိတ်အခြေအနေ မကောင်းသလိုပဲ "
မာချွေ့ယွင်က စုယွဲ့နဲ့ ခင်နေသဖြင့် မိသားစုကိစ္စများကို ထိန်ချန်ထားလိုခြင်းမရှိချေ။ ရင်ဖွင့်ချင်နေတာလည်းဖြစ်၍ စုယွဲ့ကို ပြောပြသည်။
" အစ်မယောက္ခမက ဒီတစ်ခေါက် ဘာတွေတွေးနေလဲ မသိတော့ဘူး။ အစ်မတို့နဲ့လိုက်ချင်တယ်ဆိုလို့ ငြင်းလို့လည်းမရတော့ ခေါ်လာရတာပဲ။ ဒါပေမယ့် အစ်မယောက္ခမက နေရာတကာ၀င်ပါပြီး အကုန်လိုက်ပြောနေတော့တာ "
ČTEŠ
၇၀ ခုနှစ်က မင်းရဲ့ခင်ပွန်းဆီ ကံကောင်းခြင်းတွေယူဆောင်သွားပါ (ဘာသာပြန်)
RomanceName - Bringing Good Luck To Your Husband In The 70s Type - Web novel (CN) Genre - Romance Supernatural Author (s) - Yue ban yao fen jia 月半要分家 Myanmar Trans - Khat Chapters - 90 (Complete) Creadit to original author and english...