၇၀ ခုနှစ်က မင်းရဲ့ခင်ပွန်းဆီ ကံကောင်းခြင်းတွေယူဆောင်သွားပါ (ဘာသာပြန်)

အပိုင်း ၈၈ - ကောလိပ်၀င်ခွင့်စာမေးပွဲများ ပြန်စတင်ခြင်း

Unicode

၇၀ ခုနှစ်က မင်းခင်ပွန်းဆီ ကံကောင်းခြင်းတွေ ယူဆောင်သွားပါ

အပိုင်း ၈၈ - ကောလိပ်၀င်ခွင့်စာမေးပွဲများ ပြန်စတင်ခြင်း

ရက်အနည်းငယ် ကြာပြီးနောက် ဟန်အိုက်မင် ကျောင်းမှပြန်လာသဖြင့် ညီအစ်ကိုနှစ်ယောက်က ပျော်သွားကြပြီး ဦးလေးဖြစ်သူ ခြေသလုံးကိုဖက်ကာ ကပ်တွယ်နေကြသည်။

ဟန်အိုက်မင်က တူနှစ်ယောက်ကို ဘယ်တစ်ယောက် ညာတစ်ယောက်ချီလိုက်တာကြောင့် ကလေးတွေက တခစ်ခစ်ရယ်နေကြသည်။

ကလေးနှစ်ယောက်နဲ့ အပြင်မှာ ဆော့ပေးပြီးနောက် ဟန်အိုက်မင်က ပြန်ခေါ်လာလိုက်သည်။ ထို့နောက် ကျောင်းလွယ်အိတ်ကိုဖွင့်ပြီး အထက်တန်းဖတ်စာအုပ်အချို့ကို ထုတ်ကာ စုယွဲ့ကို မေးခဲ့သည်။ " မရီး ကျွန်တော် နားမလည်တဲ့ မေးခွန်းတွေ နည်းနည်းရှိတယ်။ အတန်းဖော်တွေကလည်း မသိကြဘူးဆိုလို့ မရီးကိုမေးဖို့ ပြန်ယူလာတာ၊ ကျွန်တော့်ကို ရှင်းပြပေးပါဦး "

စုယွဲ့ ယူကြည့်လိုက်သည့်အခါ ရူပဗေဒနှင့် ဓာတုဗေဒစာအုပ်တွေဖြစ်တာကြောင့် မေးလိုက်သည်။ " အခြားဘာသာတွေရော လိုက်နိုင်ရဲ့လား "

ဟန်အိုက်မင် - " တရုတ်စာပေနဲ့ သင်္ချာကိုတော့ ကျွန်တော်ရတယ်၊ ဒီနှစ်ဘာသာပဲ သိပ်မရတာ။ နားမလည်တာတွေက အများကြီးပဲ။ အခြားသူတွေက စာလိုက်မလုပ်ကြတော့ မေးလည်း ဘာမှမထူးကြဘူး "

စုယွဲ့ ပုခုံးပုတ်ပြီး အားပေးလိုက်သည်။ " ထားပါ၊ ဒီလိုပဲ ဖြစ်တက်ပါတယ်။ အရင်တုန်းလည်း ဒီနှစ်ဘာသာနဲ့မှ သိပ်မရင်းနှီးတာ။ နည်းနည်းတော့ ခက်ပေမယ့် မကြိုးစားလို့တော့ မဖြစ်ဘူးနော်။ ဆရာတွေကို မေးလို့မရရင် မရီးဆီကို ပြန်ယူလာခဲ့လေ၊ မရီးက ပြန်ရှင်းပြပေးမယ်။ မကြိုးစားကြည့်ရသေးဘဲနဲ့တော့ လက်လျှော့ပစ်လိုက်လို့ မဖြစ်ဘူး ဟုတ်ပြီလား "

ဟန်အိုက်မင်က ခေါင်းညိတ်ပြခဲ့သည်။ " စိတ်ချပါ၊ မရီးရဲ့။ အတန်းဖော်တွေရော ဆရာတွေကရောက သေချာမသင်ကြပေမယ့် ကျွန်တော်က သူတို့လို မဟုတ်ပါဘူး။ " ဟန်အိုက်မင်က သိတက်သူတစ်ယောက်ဖြစ်သည်။ အခြားသူတွေကို ၀န်ထုပ်၀န်ပိုး ဖြစ်ရအောင် လုပ်မည်မဟုတ်ချေ။ အစ်ကိုကြီးနဲ့ မရီးက သူ စာကောင်းကောင်းသင်နိုင်ဖို့ ကြိုးစားပေးထားသဖြင့် သူကလည်း ပြန်ကြိုးစားပေးရမည်။ စာကြိုးစားတာက ဘာကောင်းကျိုးဖြစ်လာမလဲ မသိဘဲ အတန်းဖော်တွေဆီက အစခံနေရပေမယ့် ဟန်အိုက်မင်က စာဆက်ကြိုးစားမှာဖြစ်ကာ လက်လျှော့မည် မဟုတ်ချေ။