၇၀ ခုနှစ်က မင်းရဲ့ခင်ပွန်းဆီ ကံကောင်းခြင်းတွေယူဆောင်သွားပါ (ဘာသာပြန်)

အပိုင်း ၈၆ - ခရိုင်မြို့သို့ အလည်တစ်ခေါက်

Unicode

၇၀ ခုနှစ်က မင်းခင်ပွန်းဆီ ကံကောင်းခြင်းတွေ ယူဆောင်သွားပါ

အပိုင်း ၈၆ - ခရိုင်မြို့သို့ အလည်တစ်ခေါက်

ဟန်အိုက်​ကောက အံ့သြသွားပေမယ့် စုယွဲ့ ခါးကိုဖက်ကာ မေးလိုက်သည်။  " ပြောလေ ဘာ​လိုချင်လို့လဲ "

စုယွဲ့က သူမအကြံကို ဟန်အိုက်ကော ကြိုသိနေတာကြောင့် ရယ်လိုက်သည်။ " မြို့ပေါ်မှာ အိမ်တစ်လုံးလောက် ၀ယ်ကြရအောင်။ အဲ့လိုဆို အိုက်မင် ကျောင်းတက်ရင်းလည်း နေလို့ရသလို နောက်ကြ ကျွန်မတို့နေချင်ရင် နေလို့ရတာပေါ့ " ခရိုင်မြို့က အနာဂတ်မှာ အချက်အချာကျတဲ့ မြို့ဖြစ်လာပြီး စီးပွားရေးတွေလည်း တိုးတက်လာကာ အိမ်စျေးတွေလည်း မိုးထိုးမတက် တက်သွားလိမ့်မည်။ ဒါကြောင့် အခု၀ယ်ထားတော့ မကောင်းဘူးလား။

ဟန်အိုက်ကောက စုယွဲ့စကားဆို အကုန်သဘောတူပေးခဲ့ကာ အမြဲတမ်းလည်း သဘောတူပေးနေမည့်သူဖြစ်သည်။ ထို့ကြောင့် ချက်ချင်း ခေါင်းညိတ်ပြခဲ့သည်။ " ဒါဆို ကိုယ် ရှာကြည့်လိုက်မယ်။ ရောင်းမယ့်သူရှိလာရင် ကိုယ် မင်းကို ခေါ်သွားပေးမယ် "

စုယွဲ့ ဟန်အိုက်​ကောကို ဖက်လိုက်ကာ နမ်းလိုက်ပြီးရွှန်းလဲ့သော အကြည့်များဖြင့် ကြည့်လိုက်သည်။ ဒီလောက် ကောင်းတဲ့ယောက်ျားမျိုး သူမမှာ ရှိနေတာပဲ။

ဟန်အိုက်ကောက သူ့ ဇနီးလေးဆီကနေ အဲ့လို အကြည့်မျိုးကို မခုခံနိုင်တာကြောင့် ချက်ချင်း စုယွဲ့ကို ကောက်ပွေ့လိုက်ပြီး စကားဆက်မပြောချင်တော့ပေ။ စုယွဲ့ကို အောက်ဖိထားလိုက်ကာ အဟန့်အတားတွေကို ဆွဲဖယ်ပြီး အလုပ်ကြိုးစားတော့သည်။

_ _ _ _

ဟန်အိုက်ကောက လ၀က်အကြာ၌ အိမ်ကောင်းတစ်လုံးက်ို ရှာတွေ့သွားသည်။ ထိုအိမ်က မြို့လယ်မှာ တည်ရှိနေတာဖြစ်ပြီး ကျောင်းကလည်း မျက်နှာချင်းဆိုင်တွင် ရှိတာဖြစ်သည်။ တည်နေရာက အလွန်ကောင်းမွန်ကာ ကျောင်းနဲ့လည်း နီးတာကြောင့် စုယွဲ့ လိုအပ်ချက်တွေနဲ့ ကိုက်ညီသည်။

ပိုင်ရှင်က အခြားမြို့ကို ပြောင်းရမှာဖြစ်တာကြောင့် အိမ်ကို အမြန်ရောင်းထုတ်ချင်နေတာပင်။