❤️‍🔥ආයුෂ්❤️‍🔥

03

යාළුවනේ මම දෲව් ගේ දෙබසුත් සිංහලෙන්ම දානවෝ.අතරින් පතර වචනයක් දෙකක් හින්දියෙන් තියෙයි. මොකද මට හිතෙනෝ හින්දියෙන් යන එක සාර්ථක නෑ කියලා.

හිතන ඒවා සදහා { } පාවිච්චි කරනවා
....................................................................................

අංගම්පොර....මගේ නැති උන මාස්ටර්ට පින් සිද්ධ වෙන්න මම ඉගෙන ගත්ත දෙයක්.නුවර බණ්ඩාර කෙනෙක් උන මගේ මාස්ටර් නමින් පියල් බණ්ඩාර. ගොඩක් හොද මනුස්සයෙක්, වෙස් නැට්ටුවෙක්, පරම්පරාවෙන් පෙරහැරේ වෙස් නැටුම් නටපු මගේ මාස්ටර් දේශීය නර්තන කලාවේ ප්‍රමුඛයෙක්. එයා ලගට මම යද්දී මට අවුරුදු 15 වයි. එතන ඉදන් මාස්ටර් මට ගුටි දිදී හරි මාව හැදුවේ අවුරුදු 20 වෙද්දි මට නර්තනයෙන් උපාධිය complete කරන්න පුලුවන් වෙන්න. මාස්ටර් ලගදී තමා මම අංගම්පොර ඉගන ගත්තේ.වෙස් නැට්ටුවෙක් උනේ. අනාතයෙක් උන මන් ගැන හොයන්න මොකෙක්වත් නැති උන එකත් එක අතකට මට වාසියක් උනා. නිල ශාස්ත්‍රය, අංගම්පොර මගේ මාස්ටර් මට දීපු අමතර දායාද. එයා නැති උන දවසේ ඉදන් මම තාම වෙස් ඇන්දේ නෑ. නුවර ගියෙත් නෑ. මොකද මට හිත හදාගන්න බැරි උනා, මට තාත්තා වගේ උන මගේ මාස්ටර් මාව දාල ගියපු එක.

එතකොට western dancing වල මගේ ගුරුවරයා උනේ අපේ school එකේදි හම්බ උන, Teacher Andrew Thomas. හ්ම්ම් එයා මෙහෙ කෙනෙක් නෙවෙයි. එයා ඇමරිකන්. එයා ලංකාවෙන් යනකම් මම 6 වසරේ ඉදන් A/l වෙනකම් එයා ලග ඉගෙන ගත්තා. එයා අපේ රටේ කෙනෙක් නොවන නිසා මගේ ජාතියෙන් ජම්මයෙන් එයාට වැඩක් නැති උනා. එයාගේ පංතියට මම free යද්දි, අමතර වියදම් හොයා ගත්තේ මගේ නිවාසෙම, සල්ලි වලට වැඩකාරකම් කරලා. නැත්තම් කෝ මට වියදම් කරන්න සල්ලි. අවුරුදු 18 වෙද්දී මන් පොඩි පොඩි කඩවල් වල වැඩ කලා සල්ලි හොයන්න. එහෙමයි හොටෙල් එකටයි බාර් එකටයි මම සෙට් උනේ.කොහොමහරි නර්තනයෙන් යමක් කරගන්න අද වෙද්දි මට පුලුවන් වෙලා තියනවා.මම dancer කෙනෙක්, මේ හැම වේදනාවකින්ම නින්දාවකින්ම නිදහස් වෙලා මට ඕනේ නිදහසේ පියාබන්න. කොච්චර අසරණ කම් තිබ්බත් හීන දකින කෙනෙක්. හීන දකින්න මට බාදාවක් නෑනේ. dance එක ඉවර වෙනවත් එක්කම මම ටිකක් එළියට ආවේ හුලන් වදින්න. ඒ එන අතරමගදියි එකෙක්ව පොළවෙ ගැහුවෙත්. එළියට එන එක මගේ පුරුද්දක් මොකද මේකේ ඉන්න මත් වෙච්ච වනචර යක්කු උන්ගේ ඇස්වලින් මාව කද්දි මට දරාගන්න අමාරුයි. හුස්ම හිර කරවන ඒ හැගීමෙන් මට මිදෙන්න ඕනේ. හ්ම්ම් ඔයාලා බලනවා නේද ඇයි මම මේකම කරන්නේ කියලා. හේතුව සල්ලි, දෙයියන්ගේ මල්ලි උන සල්ලි. මොකද මේකේ අයිතිකාරයා මට හොදට ගෙවනවා.