INSTA: MALAK_ATHMANI1
____________________________________
مشاو كلهم واحد بواحد غادين للصالة لي كانت فالقنت ديال الدار.. كان شكلوو سامبل بزاااف لوانو مخلطين بين الاخضر الملكي و الابيض .. كان شكلو عادي وخفيف بزاف.
كـلسو كاملين واحد ورا لاخر.. ادلر و روبي من حداه و ايريكس و اينزو فجهة خراا و ليـو كان كالس قبالتهم مشابك يدو داير رجل فوق ختهاا..
اما ڤاليـريا، كانت مزال واقفة كتفرك فيديها ماعارفاش فين تكلس متوترة بزاااف من هادشي لي تحطات فيه وماعارفاش كيفاش تصرف وكيفاش تبين راها مرتو...
اشار ادلر بعيـنو لروبي باش تنوض حدا ليو، وقفات كترد فشعرها للور كلسات فالقنت د الفوطوي بلا ماترمقو حتا نظرة في حين ادلر هز عينو فڤاليـريا باش تقرب تكلس حداه..
بقات كتشوف فيه لمدة عاد قربات كالسة جنبو جامعة رجليها لعندها وشادة بيديها فبعضياتهم كتفركهم بتوتر وعينيها كايضورو تما ماباغاهمش يتلاقاو بأدلـر وهي عارفة مزيان بلا هادشي لي واقع دابا را مادايمش وهو ماشي ديما هكا.
تقاد ادلـر فبلاصتو حاط يدو على التكاية د الفوطوي وعينو على ليـو لي حمحم مقاد الكول ديالو وبدا كي يهضر موجه هضرتو لأدلـر.
ليـو: كيف عارف ، عائلتـي وعائلتك خوت من زمان.. [ حرك أدلـر راسو بمعنى الشرف لينا باش يكمل هضرتو]: داكشي باش، ايلا قبـلتو بيا بطبيعة الحال باغي ختكـم للزواج.
حـول ادلـر عينو لروبـي لي كانت ساهية فيديها كاتشوف فضفرانها ماعاطياهش وقت .. وبلا ماياخد لا رأيها لا والو.. نطق بصوت متحجر محرك راسو ..
أدلـر: الله اودي ، ماغانلـقاوش حسن منكم
ليـو [ حرك راسو ]: عارف لي كاين.. [ تنهد و جبد من جيبو شيك كتب فيه مبلغ ديال 30 مليون اورو وسيناه مادو ليه]: هادا لختك و داكشي لي غاتحتاج نهار عرسها، الدار ديالي لي على البحر غاتكتب فسميتها.
مد أدلـر يدو واخد من عندو داك الشيك كي يقرا فالمبلغ لي عطاه، حرك راسو ليه وحول انظارو لعند روبي كتبان ليه كتضحك غا راسها و فلحظة كسرات داك الصمت بهضرتها مخلية ادلـر يعلي حاجبو وهو كي يشوف فيها..
روبـي : آخـر موديل ديال البورش لي خرج لي مابغاش يشريه ليا خويا الحبيب ، بغيتو .
بقا ليـو كي يشوف قبالتو لمدة و أدلر وجهو حماار وزراق مخلط فيه اللون، فلحظة حول ليـو انظارو لعندها محرك راسو ليها بشوية ..
لـيو: جاتك
حـركات راسها و رجعات بعدات عينيها عليه كتشوف فادلر لي عينووو قريب يختارقوها عارفاه جامع عصابو وايلا هضر دابا غايفسخ البيع والشراا.
جابت ليهم الخدامة القهوة كاتعطي لكل وحدة فيهم كاسها و ادلر مرة مرة كي يضور عينو على ڤاليـريا كي يشوفها كيف ساهية .. قربات الخدامة هازة فيديها داك البلاطو ، عطات لأدلـر كاسو ودازت لعند ڤاليريا باش تعطيها كاسها حتا تعكلات مع القنت ديال الطاپي لي فوق الارض والفنجاان د القهوة هكاك طاايب تكفخ فوق لحم ڤاليـريااا حتا قفزاات من بلاصتها مغوتة..
