الهوس

PART 20

INSTA: MALAK_ATHMANI1
____________________________________

تنهَد الطبيب بعجز وميل راسو ليه كتعزية ليه وضار غادي مكمل طريقو فالكولواار مخلي وراه ربعة د الرجال مصدومين حاليا فمهم بقوة الصدمة ..

كـان أدلـر مفيسكسي عينو بالصدمة ماقادرش ينطق ، اينـزو نفس الشي غير كايشوف حاس بقلبوو غايخرج من بلاصتو ، و ايـريكس لي عنقوو تنفخ وعروقو كتر بالعصاب غادي قااصد داك الطبيب باغيي يشدوو يفرسووو ويقول ليه غير كتكدببب عليااا راها ختييي ..

تمشااا زارب بخطواتوو حتا وصل لييه وشدوو شانق عليه خابطوو مع الحييط ونزل عليه بيدو لوجهوو حتا غووت الطبيب و جااو الفراملية كي يفكووه منو و الدنيا تقربلاات فالسبيطااار وادلر كي يفك الطبيب منوو .. هو اصلا معصب فهاد الساعة وزاادو ايريكس ماكارهش يدفنووو هنا على هاد الضسارة ليه فيه ولكن حاليا عااادرو ..

بدااو كي يفكوو فيه وديك الشدة لي داير ايريكس ليه فحال ديك لي كنسميوها "شدة العماا فالظلمة" .. حاالف مايطلق منووو كايغووت وكاقول ليييه كدااب كداب .. كلمة وحيدة كاتضور ليه فداك الفم مامحيدهاااش ناعت بيها طبيب قاري عشر سنييين وخدام سنيين حتا طيح سنانو فديك الخدمة باش يجي واحد يحكروو تا لعادي لااا ..

جروو ادلر ضااربو فوجهوو حتا لصق مع الحيط عاد برد وقرب اينزو لعند الطبيب كايشوف فحالتو كيف ولات وجهو ولا عااامر بالدمـ ـايات ... جااو السيكيريتي شادين ايريكس باش يخرجوووه حتا صدقو قاصدين حتا لاخرين لي معاه ماحايرينش كاع لا شكون هوما لا واش مـ ٰيت ليهم شي حد ..

يلااه غايحط واحد يدوو على أدلـر حتا الرجال لي مضورين الكولواار صدقو مضورين حتا السيكيريتي بالسلاحات مخلينهم يبعددوو يديهم ..

دار ادلر يديه ليهم باش ينزلو سلاحاتهم وتقاد كي يقاد فالفيست ماباغيش ينوض شي صداع فهاد الوقت بالضبط و ماناويش يدخل فصراعاا ... ماغايخرجش منهم خاسر ولكن غايطولو وهو ماعندوش الوقت ليهم.. عندو شلا مايتدار .. إبتداءاً من جنَازة ختُو لي ماكاملاش ساعة باش فارقات الحياة ، ونهايَةً بـ...

قرب اينزو كي يحل المشكل مع الطبيب بهدوء ماقادرش حتا يهضر ولكن الحركة د ادلر لي دار باش الرجال ينزلو سلاحاتهم كانت دليل على السلم ديالو فهاد اللحظة بالضبط يعني باغي داكشي يتحل بلا مشاكل ..

بعد حديث طويييييل مع الطبيب لي تفهم نوعا ما غضبهم .. بعدو خاويين الطريق وقرب ادلر لعند إيريكس واقف قدامو بهدوء كايشوف فيه كيف عينو حوومر بالدموع ماباغيش ينزلهم وبكثرة ماواحلين ليه فعينيه حماارو بديك الملوحية لي فيهم وعروق عنقوو برزو باغي يتفركع ..

كان مافهموو وحاس بوجعو حيت نفس الوجع متبادلينو بثلاثة وليو حاس بربع ديالو بحكم قلة عشرتو معاها ولكن كانو على بضع دقائق من حقد قرانهم يعني كتبقااا حرمتوو و دمـ ـها شرفو حتا هو .